Jeremia 14:3 - Ghari

³ Igira na tinoni ara tamani omea danga ara molovanogira niqira tinoni aqo kara ba sao kô; migira ara vano tana tuvu mara tau goto ba reia sa kô; mara adivisu lea moa niqira popovatu. Ara vangamâ, me ponopala na tobaqira, mara tsavupoia na mataqira.

Jeremia 14:3 Referans Kwoze

2 Samuel 15:30

Ma David e tû me ngangai kalina e dato bâ tana Vungavunga Olive; maia e gini vanovano lê moa na tuana, me tsavupoia moa na lovana na papadana na melu. Migira sui ara tsarimurina ara tsavugotoa na lovaqira mara ngangai.

Linge 40:14

Ko utusigira igira ara tovoa laka kara labumatesiau inau mo ko naua me ke ponopala lê na tobaqira. Ko naua migira sui ara gini mage rongona inau au totu moa tana rota kara sugavisu me ke paluvangamaqira lê.

2 Taovia Tsapakae 18:31

Kamu laka na rongomiana a Hesekia. Aia na taovia tsapakae ni Asiria e ketsaligamu kamu rutsuligi sui tania nimui verabau, ma kamu molo segenimui i limaqu inau. Me ti vaga kamu nauvaganana ia, me sauba igami kami tamivanigamu kamu ganigira na vuana uaeni tana nimui itai na uaeni segeni nogo, ma na vuana nimui vuagai mutsamutsa tana nimui gaina segeni, ma kamu inuvia na kô tana nimui tuvu segeni,

Amos 4:8

Igira na tinoni visana tana vera ara gini maluku na marou, mara vano kesa tana vera segeni i tana ara amesia laka kara tsodoa na kô, ma na kô i tana e tau goto tugugira sui na inu. Me atsa moa amu reivaganana ia, migamu amu tau moa vati reigadovia ma kamu pilovisumai i koniqu inau.

Jeremia 2:13

rongona igira niqu tinoni ara aqosia ruka vatana na sasi loki: ara piloligi taniau inau, inau na vuravura na ko maroga, mara ba tsaigira visana tuvu tapatapa e utu goto ke kau sa kô i laoqira.” Ma na Taovia e tsarigotoa,

Joel 1:20

Migira goto na omea tuavati atsi ara ngangai dato vanigo ko sangagira rongona na kô sui ara viri mamatsa takuti.

Jeremia 20:11

Migoe Taovia o tabana koluau, mo malagai susuliga sosongo, migira ara rotasiau e utu moa ke managaqira. Sauba kara paluvangamaqira saviliu, rongona e utu saikesa kara tangomana. Ma niqira paluvangamâ sauba e utu saikesa na tinoni kara padalea.

Jeremia 14:4

Mi tana rongona e tau tumu na usa me gini makede na kao, e gini seko sosongo goto na tobaqira igira na tinoni aqo kao, mara tsavupoigotoa na mataqira.

Linge 109:29

Ko paluvangamaqira igira gaqu gala; na vangamâ ke tsavugira popono vaga moa ti gaqira polo sagesage.

Esta 6:12

Mi muri, ma Mordekai e visutugua tana pakoka i matana na valena na taovia tsapakae, ma Haman e visu tsaku sosongo i valena, me tsavupoia na matana tana vangamâ.

1 Taovia Tsapakae 17:7

Me tau oka i muri ma na masarina na kô ia e mamatsa takuti rongona e tau tumu sa usa.

2 Samuel 19:4

Ma na taovia tsapakae e tsavupoia na matana me ngangai loki me tsaria, “Kiki, dalequ! !Dalequ a Absalom! !A Absalom na dalequ!”

Jeremia 2:37

Mi kalina igoe ko vanoligi tania na Ejipt ma na lovamu sauba ke ulutsuna tana vangamâ. Igoe o norugira kara sangago, minau nogo na Taovia au reisavigira igira, me utu goto ko adia sa omea dou i koniqira.”

Jeremia 3:3

Aia nogoria na rongona ti inau au tangolivisua na usa, me tau tumulia nimu butona kao. Migoe o rerei vaga saikesa moa na rebi, mo tau dona na vangamâ.

Jeremia 15:18

?Rongona gua ti au rota babâ moa vaga ia inau, vaga moa au tamanina na vora loki e utu na taliana? ?Rongona gua ti e tau vati mavu? ?E mana nomoa igoe o tau sangaau. Inau au vaga saikesa nogo kesa tinoni e ba lave lê na kô na inu tana vuravura mamatsa.”

Tangitangi 4:4

Ara mologira na daleqira tetelo kara gini mate na vitoa ma na marou. Migira na baka ara ngangaisi gaqira me tagara goto ke kesa ke palagira.

Hosea 2:3

Me ti vaga aia ke tau mololea nina sasaga tabaru, minau sauba kau tsoraligi vania na polona, me ke malaiole vaga moa tana dani aia e botsa. Minau sauba kau naua maia ke lia vaga na kaomate mamatsa, me ke gini mate na marou.

Sekaria 14:17

Me ti vaga kesa na puku ke sove na vano ma na samasama vania na Taovia Susuliga Sosongo vaga niqira taovia tsapakae, ma na usa e utu nogo ke tumulia niqira kao.

Amos 4:7

Minau nogo au tangolivisua na usa kalina ara mamatsa sosongo nimui omea tsukatsuka. Au moloa na usa ke tumu kesa tana verabau, mi tana verabau tavosi tagara. Ma na usa e tumu kesa tana uta, mi tana uta tavosi e makede lê na kaona.