Jeremia 14:2 - Ghari

² Aia e tsaria, “Na Juda e tangitangi, migira nina verabau ara viri mate, ma na tinonina ara viri tsaro lê tana kao tana melu loki, maia na Jerusalem e ngangaidato vania na Taovia ke sangâ.

Jeremia 14:2 Referans Kwoze

Isaia 3:26

Ma na verabau nogo ia sauba ke lia vaga moa na daki ara tsoraligi vania na polona me malaiole, me totu raparapa lê tana kao. Migira na matsapakapuna na vera kara morosi vaganana ia, ma kara tangitangi ma kara ngangai.

Jeremia 8:21

Minau a Jeremia au gini melu sosongo rongona au reigira niqu tinoni ara totu tana rota loki, mau tangitangi, me ponopala saikesa na tobaqu.

1 Samuel 5:12

Migira goto ara tau mate e savunigira goto na tsomo seko vaga ia, mara ngangaidato vanigira niqira god kara sangagira.

Sekaria 7:13

Tana rongona nogo igira ara sove na rorongo kalina inau au goko vanigira, ti inau au sove goto na rongomiana niqira nonginongi.

Jeremia 11:11

Bâ, mi kalina ia, inau nogo na Taovia au parovatavigira laka sauba kau alomai vanigira na rota loki sosongo e tau tangomana kara tsogoligi tania. Mi kalina kara ngangaidato vaniau laka kau sangagira, me utu goto kau rongomigira.

Joel 2:6

Mi kalina igira na kipo ara maimai varangi nogo, ma na tinoni sui lakalaka ara viri matagu mate, me labelabeaga lê na koniqira.

Joel 1:10

Me tagara goto sa omea ke totuvisu i laona na uta, ma na kao goto e tangitangi, rongona ara viri nanga sui na vangana i laona, ma na vuana uaeni ara viri makede lê, migira na gai na olive ara viri matsele sui.

Hosea 4:3

Me vaga ia, minau sauba kau naua ma na kao sauba ke mamatsa takuti, me pipi sui na omea ara totu i laona sauba kara mate lê. Migira sui na omea tuavati, ma na manu, me atsa goto na tsetse, sauba kara viri mate sui.”

Tangitangi 5:10

Ami vitoa mami gini masagi, poi tsau kalina na kokoramami e papara vaga moa na lake tana umu.

Tangitangi 2:9

Migira na matsapakapu ara susû tana kao, mara tarutu na tapala katsi gana na rave kakaiginiaqira. Mi kalina ia, maia na taovia tsapakae, migira na tinoni lokiloki sui ara aditsekavanogira nogo. Migira na manetabu ara tau goto nogo sasanigira na tinoni tana rongona na Ketsa, maia na Taovia e tau nogo laba malemale vanigira na propete tana moro.

Jeremia 18:22

Ko molovanogira na alaala na tinoni vanga tangopeke kara ba novotigira, ma kara laua pipi sui niqira omea; mo ko naua, ma kara ngangaidato tana matagu loki. Igira ara tsai manogati vaniau nogo na qilu loki gana kau puka sage i laona, mara vangarau manogatigotoa gaqu taviti gana kau sogo i konina.

Jeremia 12:4

?Laka ke oka koegua sagata ke makede nimami kao igami, ma kara matsele na buruburu pipi tana poi? Igira na omea tuavati ma na manu ara viri mate tana rongona nogo niqira sasaga tabaruga igira nimami tinoni, igira ara tsaria, ‘God e tau saikesa reigira na omea igita a naugira.’ ”

Jeremia 4:28

Na barangengo sauba ke tangitangi, ma na masaoka sauba ke rodo taligu. Inau nogo au tsaria na omea iani, me utu goto ke oli niqu papada.”

Isaia 33:9

Na kao e melu rongona e totu mangu lê. Ma na goana atsi ni Lebanon e vangamâ rongona ara matsele sui na gai i laona, ma na poi lakataga dou ni Saron e lia vaga nogo na kaomate, mi Basan mi tana Vungavunga Karmel ara dudu lê sui na rauqira na gai.

Isaia 24:7

Ara viri matsele lê na itai na uaeni, me tau nogo danga na kô na uaeni gana na inu. Migira sui ara magemage i sau ara melu kalina ia,

Isaia 24:4

Na barangengo e mamatsa lê me matsele; migira na tinoni sui i laona ara viri maluku lê, mi kaira sui na barangengo ma na baragata ara ka totu seko lê.

Isaia 15:5

Minau au padasavi sosongo mau tangisia na Moab. Igira na tinoni ni tana ara tsogovano tana vera ni Soar, mi Eglat Selisia. Mara visana ara muridatoa na sautu e vano i Luhit, mara ngangai kalina ara vavano; mara visana ara tosogovano i Horonaim, mara ngangai gugû.

Isaia 5:7

Eo, igira na tinoni tana Israel ma na Juda ara vaga moa nina uta na uaeni na Taovia Susuliga Sosongo, maia e reingao sosongoligira, me reitutugudougira. Maia e norugira laka kara naua na omea ke dou me ke goto, migira ara tû mara naua moa na omea seko. Ma na gabuqira igira ara lamutasigira e ngangai dato vania na Taovia ke tangotuguqira.

Nina Papi A Job 34:28

Mara rotasi sosongoligira goto na tinoni ara tau tamanina sa omea, ti igira ara gini ngangaidato vania God ke sangagira, maia e rongomia niqira nonginongi.

1 Samuel 9:16

“Ke dani tana tagu vaga nogo kalina ia, inau sauba kau molo bâ vanigo kesa na mane tana puku konina a Benjamin; mau ngaoa igoe ko ninaginia na mona i lovana, me ke lia niqira tagao niqu tinoni ni Israel, me sauba aia nogo ke laumaurisigira tania na limaqira na Pilistia. Inau au morosinogoa niqira rota niqu tinoni, mau rongomigotoa niqira ngangaidato vaniau gana kau sangagira.”

Binaboli 2:24

Ma God e rongomia niqira kukungu me padavisua nina vaitasogi e naua i sau kolutugira a Abraham, ma Isaak ma Jakob.

Linge 144:14

Migira goto nimami buluka kara vasugira ke danga na daleqira, ma kara tau goto vasusu seko se kara reolea na daleqira. Me ke tau goto laba na ngangai na rota i laona nimami sautu loki.

Isaia 24:11

Igira na tinoni ara gugû i laona na sautu loki rongona e tagara goto sa uaeni ke kauvisu vanigira. Ma na magemage e nangaligi saviliu saikesa tania niqira butona kao popono.

Jeremia 12:11

E totu mangu lê i mataqu me tagara goto sa tinoni ke totuvia. Na butona kao popono e lia nogo na kaomate, me tau goto gini boe ke kesa.

Jeremia 46:12

Nimu mane vaumate ara vaisudugi, mara viri puka sui i lao. E tau managamui tana vailabu, migira sui na puku tavosi ara rongomia tana rongona gamui paluvangamâ, ma na tatangina nimui ngangai e kuvia na barangengo popono.

Tangitangi 2:8

Na Taovia e padakuti matena nogo laka igira sui na baravatuna na Sion kara viri puka. Aia e tovoa na katsiqira gana ke gini vui pukaligira sui lakalaka. Maia e naua migira na kusudato ma na baravatu ara viri tsaro toroutsa sui i lao.

Hagai 1:11

Inau au moloa na uvirau i laona nimui kao popono, mi tana vungavunga, mi tana nimui uta na mutsa, ma nimui uta na uaeni, ma nimui gai na olive. Inau nogo au utusia na usa ke tumutsuna tana nimui omea tsukatsuka sui ara dato i laona na kao, mi koniqira na tinoni ma na omea tuavati, me pipi tana omea sui tavosi goto amu tovoa na tsukaana.”

Joel 1:11

Kamu tangitangi igamu na tinoni aqo kao. Ma kamu ngangai igamu amu reitutugugira na uta na uaeni, rongona na uiti, ma na barli, me pipi sui na omea tsukatsuka ara viri nanga lê sui.

Joel 1:14

Kamu ketsaligira na tinoni kara tsoni vitoaqira segeni. Kamu soasaigira na toga gana na samasama. Ma kara saimai goto na tinoni lokiloki, migira sui lakalaka na tinoni tana Juda, i laona nina Vale Tabu nimui God ma kamu ngangai dato vania.