Jeremia 13:26 - Ghari

²⁶ Na Taovia segeni nogo sauba ke tsoraligia na polomu, me ke paluvangamamu.

Jeremia 13:26 Referans Kwoze

Hosea 2:10

Inau sauba kau tsoraligia na polona me ke totu malaiole lê i mataqira igira aia e ngaogira, me ke tagara ke kesa tangomana ke laumaurisia tania na limaqu.

Tangitangi 1:8

Jerusalem e tsukigira danga na sasi loki me gini totu marasibiga, Migira ara padalokia i sau ara reipeâ kalina ia, rongona ara reia e totu malaiole lê. Eo, aia segenina nogo e kukungu me tsavupoia na matana tana vangamâ.

Esekiel 23:29

Migira na mane girani ara reisavigo goto igoe, me sauba kara tû ma kara adiligi tanigo pipi sui na omea igoe o aqo kakai matena, me ke tagara goto sa nimu omea ke kauvisu i konimu, ma kara mologo ko totu malaiole lê saikesa mala daki rebi. Nimu kili nauseko ma nimu aqo mala rebi,

Esekiel 16:37

Mi tana rongona igoe o nauvanganana ia, minau sauba kau adisaigira sui nimu udu ni sau, igira igoe o galuvegira, migira goto igoe o reisavigira, ma kara mai tu polipoligo, mi tana ti inau kau veroligi tanigo na polomu, ma kau molovanigira kara morosigo kalina ko malaiole.

Jeremia 13:22

Me ti vaga igoe ko veisuâ na rongona gua te ara laba vanigo na omea sui vaga girani, mo ko dona laka tana rongona nogo igoe o sasi loki sosongo te ara tsoraligia na polomu mara raqago.

Jeremia 49:10

Minau au matesiligigira sui saikesa igira na kukuana a Esau, mau sekolia niqira nauna na mani taopoi, gana ke gini utu vanigira na ba taopoitugua i tana. Igira sui na tinoni ni Edom ara viri mate sui saikesa. Me tagara lelê goto sa vidaqira ke kauvisu.

Nahum 3:5

Ma na Taovia Susuliga Sosongo e tsarivaganana iani, “!Inau sauba kau kedego igoe na Ninive! Igoe na daki rebi, minau sauba kau veroligia na polomu, mo ko totu malaiole i mataqira na tinoni tavosi sui, me ke gini paluvangamamu sosongo.

Isaia 47:3

Migira na tinoni sauba kara morosigo kalina ko totu malaiole, ma kara reigo kalina o totu palatsuna saikesa me paluvangamamu. Inau sauba nomoa kau tangotuguqu, me tau goto tangomana ke kesa ke utukapusiau.”

Hosea 2:12

Inau sauba kau toroutsanigira nina itai na uaeni ma nina gai mutsamutsa, igira aia e tsaria laka igira nogo aia e ngaogira ara tusuvania ngiti vovolina. Minau sauba kau olia nina uta na uaeni, ma nina uta na gai mutsamutsa, ma kara lia na legai atsi. Migira na omea tuavati atsi sauba kara mai ma kara toroutsanigira.