Jeremia 13:25 - Ghari

²⁵ Aia nogo e tsaria laka sauba ke laba vanigo na omea vaga ia. Iani nogo na omea na Taovia e pedea laka ke nauvanigo rongona igoe o padale saikesalia ia, mo norugira moa nimu god peropero.

Jeremia 13:25 Referans Kwoze

Nina Papi A Job 20:29

“Aia nogo ke vaga na kede e totupitugira na tinoni vanga tsutsukibo, na kede aia God e pede manogatinogoa vanigira.”

Mateo 24:51

Ma gana taovia sauba ke kedekakaia, me ke tsonia ke baa kolugira na tinoni vanga malapalu. Mi tana aia sauba ke ngangai me ke varaqe livona.

Jeremia 2:32

?Laka sa daki vaolu tangomana ke padalea gana inilau, se sa daki tauga vaolu nina polo na tauga? Bâ, migira moa niqu tinoni ara padaleau oka sosongo nogo.

Linge 11:6

Maia nogoria te aia e naua me gini tumu tsunamai na madaova gagâ ma na papasa mila iruiru i koniqira na tinoni vanga tsutsukibo; me kedeginigira na guguri papara.

Linge 9:17

Na mate aia saikesa moa e totupitugira igira sui na tinoni vanga nauseko, migira sui goto ara sove tania God.

Mika 3:11

Igira na tagaovera ara dona moa na adi qolona na sanga kesa tabana tana niqira aqo, migira na manetabu ara ngaoa moa kara voligira talu ti kara tsaritutugu vanigira na ketsa ma na vali. Migira goto na propete ara kilia moa kara tangolia talu na qolo ti kara katemaia sa omea. Ara nanau vaganana moa ia, mara tû mara tsaria, “Na Taovia e totu kolugita nogo. Me vaga ia, me tau goto tangomana sa omea ke sekoligita.”

Jeremia 10:14

Migira na tinoni ara tau vaga ia. Igira sui ara bubulega mara tau saikesa sasaga. Migira ara katsugira na titinonina na god peropero sauba kara gini vangamâ, rongona na nununa na god ara aqosia igira ara tau saikesa mana, mara tau mamauri.

Jeremia 2:13

rongona igira niqu tinoni ara aqosia ruka vatana na sasi loki: ara piloligi taniau inau, inau na vuravura na ko maroga, mara ba tsaigira visana tuvu tapatapa e utu goto ke kau sa kô i laoqira.” Ma na Taovia e tsarigotoa,

Isaia 28:15

Igamu amu gini goko kaekae mamu tsaria, “Igami ami naunogoa kesa na vekesai kolua na mate, mami tabesai kolugotoa na barangengo na mate. Mi kalina ti ke labamai na rota seko loki me utu saikesa ke gadovigami igami, rongona ami vataragi bâ tana nimami tsaqina goko peropero ma nimami aqo malapalu gana kara dilaginigami.”

Isaia 17:4

Ma na Taovia e tsarigotoa, “E maimai nogo na dani i tana ke sui gana loki tsapakae na Israel, ma kara viri nanga sui nina omea tatamani danga, maia ke totu moa tana seko.

Roma 1:25

Na goko mana tana rongona God igira ara tuguginia na goko pero. Ara samasama mara aqo vanigira na omea God e vusagira, mara tau samasama vania God aia e vusagira na omea sui. !Aia nogo nida God igita me dou ka tsonikaea na dani ma na dani! Amen.

Isaia 34:17

Maia segenina nogo na Taovia ke tuvari vanigira na kao ia, me ke tusuvania pipi kesa vidaqira gana tuva. Migira sauba kara totuvia tana tagu sui ke mai, me ke lia na tamaniqira sailagi.

Isaia 65:7

tana rongona niqira sasi segeni nogo igira, ma niqira sasi goto na mumuaqira. Igira ara kodoa na bulunagai uruuru tana niqira peotabu ponotoba i kelaqira na tetena, mara goko peapea vaniau. Me vaga ia, minau sauba kau kedegira vaga nogo e ulagana na omea seko ara naua.”

Jeremia 3:21

Ara rongomia kesa na leleo loki i kelana na tetena. Igira nogo na tinoni ni Israel ara ngangai dato vania God ke galuvegira, rongona igira ara sasi sosongo, mara padalea na Taovia niqira God.

Sepania 3:2

Aia e tau saikesa rongomangana na Taovia me ke muria nina totosasaga. Me tau goto vataraginia nina vainoru i konina na Taovia se ke nongi sasanga i konina.

Jeremia 18:15

Migira niqu tinoni inau ara padale saikesaliau. Mara ba kodoa na buluna gai uruuru vanigira na titinonina na god peropero. Ara tubulagi lê tana sautu dou ni sau, mara rugu bamai moa tana komukomu.

Esekiel 23:35

Bâ, miani nogo e vaga na omea na Taovia God e tsarivania: “Tana rongona nogo igoe o padaleau nogo inau, mo piloligi taniau, ti sauba ko gini rota loki matena nimu kili nauseko ma nimu aqo mala rebi.”