Jeremia 13:18 - Ghari

¹⁸ Ma na Taovia e tsarivaniau, “Ko ba tsarivanikaira na taovia tsapakae ma na tinana, kara ka tsunaligi tania ka niqira sasana na totukae, rongona ka niqira virigi lova rerei dou sosongo ara pukaligi nogo tania ka lovaqira.

Jeremia 13:18 Referans Kwoze

Jeremia 22:26

Inau sauba kau tsonitsekavanogo igoe kolua na tinamu kesa tana vera tavosi, i tana e tau botsa sa ka vidamui, mi kagamu sui sauba kamu ka ba mate i tana.

2 Taovia Tsapakae 24:12

Mi tana maia Jehoiatsin e tavongani seseada kolua na tinana, migira na dalena, ma nina mane sasanga, migira goto na maneaqo tana valena, mara molo segeniqira tana limaqira na Babilonia. Mi tana alunina ngalitupana nina aqotagao a Nebukadnesar, maia e aditsekâ a Jehoiatsin

2 Taovia Tsapakae 24:15

Ma Nebukadnesar e aditsekâ a Jehoiatsin i Babilon, kolugotoa na tinana, migira na tauna, ma nina mane sasanga, migira goto na tinoni lokiloki tana Juda.

2 Turupatu Dato 33:19

Ma na gokona nina nonginongi na taovia tsapakae me koegua God e tuguvisu vania, ma na turupatuna nina sasi sui aia e naugira tana idana kalina aia e tau vati pilotoba, igira na omea tabaruga aia e naugira, migira na nauna niqira mani samasama igira na ponotoba migira na nununa na god daki ko Asera aia e aqosigira, migira goto na titinonina na god peropero aia e samasama vanigira, ara maretsunagira sui nogo tana papi ara soaginia Niqira Aqoaqo igira na Propete.

Isaia 47:1

Na Taovia e tsarivaganana iani vania na verabau ni Babilon, “Igoe Babilon ko tsunamai tania nimu sasana na totukae mo ko totupuka tana kao i laona na papasa. I sau igoe o vaga moa kesa na baka daki vaolu, kesa na verabau e tau goto vati tuliusia ke kesa, mi kalina ia, igoe e tau nogo malopolopo me ke angaanga dou na kokoramu. Igoe o lia nogo na tseka.

2 Turupatu Dato 33:12

Mi tana nina rota loki aia e molotsunali segenina, me pilo bâ i konina na Taovia nina God, me nongia ke sangâ.

1 Petero 5:6

Me vaga ia, ma kamu molotsunali segenimui i matana God. Maia sauba ke sulukaegamu tana tagu aia ke pedea.

Iakobo 4:10

Kamu molotsunali segenimui i matana na Taovia, maia sauba ke sulukaegamu.

Mateo 18:4

Asei moa ke tsunali segenina vaga na baka tetelo iani, aia nogo e tsapakae liuliu baa tana Verana God.

Jona 3:6

Mi kalina na taovia tsapakae ni Nineve e rongomia na omea e laba vaga ia, maia e tuligi tania nina bela na totukae, me tsoraligia na polona taovia, me sagelia na polo baubau me gini uliuli na tora, gana ke sauvulagia laka aia e padasavi matena nina sasi.

Isaia 3:26

Ma na verabau nogo ia sauba ke lia vaga moa na daki ara tsoraligi vania na polona me malaiole, me totu raparapa lê tana kao. Migira na matsapakapuna na vera kara morosi vaganana ia, ma kara tangitangi ma kara ngangai.

2 Turupatu Dato 33:23

Aia e tau moa vaga na tamana, rongona e tau molotsuna segenina me ke pilo bâ i konina na Taovia; maia e sasi liuliu goto bâ liusia na tamana.

Binaboli 10:3

Me vaga ia, mi kaira a Moses ma Aaron ara ka vano i konina na taovia tsapakae mara ka tsarivania, “Na Taovia niqira God na Hibru e tsarivanigo, ‘?Ke oka koegua sagata goto ko sove na rongomangaqu inau? Ko tamivanigira niqu tinoni kara vano, rongona kara gini samasama vaniau.

Tangitangi 2:10

Migira na tuqatuqa ni Jerusalem ara totu muimui moa i lao, mara ulia na papasa tana lovaqira mara sagelia na polo baubau papadana na melu. Migira na baka daki ara tsuporu tsuna moa tana kao.

Binaboli 39:28

ma na kepi, ma na polo ni laona kara tu sagelia i vavana na polo katsi,

Goko Tabana 27:24

rongona na tamani omea levolevo e tau dona ke totu kalavata. Me atsa goto na puku taovia e tau dona ke totu saviliu.

Isaia 3:20

ma gaqira kepi; ma niqira sinagore na madu ara soria tana limaqira ma na bunguqira;

Jeremia 29:2

Au marea na leta iani murina ara aditsekavanogira nogo a Jehoiatsin, ma na tinana, migira na tinoni sasanga tana valena na taovia tsapakae, ma na tinoni lokiloki tana Juda mi Jerusalem, ma na mane gana na katsu omea levolevo, migira sui na mane ara dona sosongo na aqo.

Jeremia 36:16

Mi kalina a Baruk e tsokosuia, migira ara vaimorosigi tana matagu loki mara tsarivania a Baruk, “Nimami aqo nomoa igami kami tsarivulagia na omea iani vania na taovia tsapakae.”

Tangitangi 1:6

Gana tangirongo na Jerusalem aia na omea ni sau nogo. Migira nina tinoni lokiloki ara vaga saikesa na dia ara gini maluku na vitoa. Mara tau nogo susuliga kalina ara tsogo tanigira na mane na rugu.

Tangitangi 1:9

Nina sasaga tabaru ara totu malemale saikesa, maia e tau moa gini boe na omea kara laba vania i muri. Aia nogo na rongona te e gini puka saikesa gana susuliga, me tagara goto ke kesa ke verea. Maia e tsaria, “!Taovia, ko galuveau kiki tana niqu rota loki, rongona igira gaqu gala ara tuliusiau nogo!”

Tangitangi 5:16

Me tagara lelê goto sa omea ke kauvisu i laoqira pipi sui na omea ami gini kaekae, me gini puka lê gamami tangirongo. E sarevo sosongo nomoa vanigami rongona ami sasi.

Esekiel 16:12

Mau moloa na ringi tana isumu ma na tsaukuli tana kulimu, me kesa na kepi taovia rerei dou sosongo ko sagelia.

Esekiel 21:26

Inau nogo na Taovia God au tsaria na omea iani. Me ke tû kalina ia e utu nogo ko taovia tsapakae. Ko adiligia gamu kepi taovia ma gamu porolova. Eo, inau sauba kau oligira pipi sui na omea. !Sauba kau molotsunagira igira ara tagao nogo kalina eni! !Ma kau molokaegira na sekona lê ma kara tangolia na aqotagao!

Esekiel 24:17

Ko ngangai rago i laona tobamu, mo ko laka moa na ngangai laba kara tau rongomigo igira na tinoni tavosi. Ko laka goto na muriana na lavu ara naua tana tagu na matemate, mo ko poroa moa na lovamu, mo ko sagelia gamu porotua vaga o naua pipi kalina. Mo ko laka goto na tsavuana na ngoramu, se na ganiana na vatana mutsa ara gania igira ara ngangaisia na mateana kesa tinoni.”

Esekiel 24:23

Sauba kamu poroa moa na lovamui, ma kamu sagelia moa gamui porotua, me utu goto kamu tangitangi se kamu ngangai. Sauba kamu padavisugira moa nimui sasi me ke gini tsuna saikesa na konimui tana melu, ma kamu suli lê moa, ma kamu vaingangaisigi tana padasavi loki.

Esekiel 44:18

Kara viriginia na lovaqira na sangava na polo vovosi laka, ma kara sagelia na polo ni vavana ara aqosiginigotoa na polo vovosi laka, ma kara laka goto na sori bungu. Niqira aqo kara tau sagelia sa vatana polo e dona kara gini maono.

Daniel 5:20

Mi tana rongona aia e kaekae me tsatsarae sosongo, me bingi sekoligira nina tinoni, ti aia God e adiligi tania nina sasana na totukae me puka lê gana tangirongo.

Jeremia 22:24

Na Taovia e tsarivania a Jehoiatsin aia na dalena a Jehoiakim na taovia tsapakae tana Juda, “Au vatsa tana asaqu segeni nogo inau, laka atsa moa ti igoe o vaga na ringi tana limaqu madoa mau reingao sosongoligo, minau sauba kau raqaligigo nomoa,