Jeremia 13:16 - Ghari

¹⁶ Kamu padalokia na Taovia nimui God idavia aia ke alomaia na rodo ke tsavugamu, ma kamu tubulagi tana vungavunga; me idavigotoa aia ke olia na marara igamu amu amesia, me ke lia na rodo pulipuli.

Jeremia 13:16 Referans Kwoze

Isaia 59:9

Migira na toga ara tsaria, “Taovia, kalina moa ia ti igami ami vasini padagadovia na rongona gua ti igoe o gini tau laumaurisigami tanigira igira ara bingi sekoligami. Igami ami amesia na marara ke mararasia nimami sautu, ma na rodo moa e totu polipoligami,

Isaia 8:22

se kara vusutsuna kakai tana kao, me sauba kara reia moa na rota loki ma na rodo, aia na rodo pulipuli mamataguniga i tana ara raqabagira. Me sauba ke tau goto tangomana vanigira kara tsogo tania na tagu na rota loki vaga ia.

Isaia 60:2

Na puku tavosi sui sauba na rodo pulipuli ke tsavupoigira, migoe moa na mararana na Taovia sauba ke tsavugo, ma na makana na mararana ke totu kolugo.

Isaia 5:30

Mi kalina ke labamai na tagu ia, me sauba igira gaqira gala kara kanga loki tana Israel, ma na leleona ke kutu loki vaga moa kalina e karara na panu tana tseve. Mi kalina na tinoni kara momoro mai tana kao ia, me sauba kara reia moa na rodo ma na rota loki. Ma na parako baubau ke rodosi poponoa na marara.

Goko Tabana 4:19

Ma niqira sautu igira na vanga tsutsukibo e rodo vaga moa na rodo tana bongi. Igira ara puka, mara tau goto tangomana na reiana na omea ara tubulagi i konina.

Josua 7:19

Mi tana e tû a Josua me tsarivania a Akan, “Dalequ, ko tsarivaniau na manana ieni nogo i matana na Taovia na God ni Israel, mo ko katevulagia nimu sasi. Ko tsarivaniau kalina ia na omea igoe o naua. Mo ko laka goto tovoa na poiana vaniaqu.”

Jeremia 23:12

Aia nogoria na rongona ti kau naua, ma na sautu i tana ara liu sauba kara madali i laona na rodo, ma kara tubulagi, ma kara viri puka. Me sauba kau alomaigotoa na rota seko loki ke gadovigira. Eo, e maimai na tagu i tana ke gadovigira na kede. Inau nogo na Taovia au tsaria na omea iani.

Jeremia 4:23

Minau a Jeremia au morosia na barangengo, maia e lia vaga moa ti na kaomate lê, mau tau goto reia sa marara tana masaoka.

Linge 44:19

Migoe o tû mo mololegami kami totu segeni i laoqira na omea tuavati atsi; mo tsavuginigami na rodo pulipuli.

1 Samuel 6:5

Nimui aqo kamu aqosigira na nununa na tsomo girani, ma na nununa na bogu ara liuvi sekolia na veramui popono, ma kamu tsonikaea na God ni Israel. Me tau utu aia sauba ke tau nogo kedegamu igamu ma nimui god ma nimui kao.

Binaboli 10:21

Mi muri, ma na Taovia e tsarivania a Moses, “Ko saukaea na limamu tana masaoka, ma na rodo matolu e tugua na tapoana sauba ke tsavu poponoa na Ejipt.”

1 Petero 2:8

Me kesa goto tana turina na Mamare Tabu e totu na goko vaga iani, “Aia na vatu iani sauba ke tubulaginigira na toga, mi tana vatu nogo iani sauba kara katsulagi ma kara puka.” ?Masei igira ara katsulagi mara puka? Igira nogoria na tinoni ara tau tutunina na gokona God. Maia nogoria na omea vaga God e pede okanogoa ke laba vanigira ara tau tutunina nina goko.

Ioane 12:35

Ma Iesu e gokovisu vanigira me tsaria, “Na marara sauba ke tau totu oka sagata kolugamu. Kamu liu babaa suari me tototu moa na marara i konimui, ke tau gini rodosi kapusigamu na rodo. Rongona ti vaga kesa ke liu i laona na rodo, maia e utu ke reigadovia iava ke vano.

Tangitangi 4:17

Igita a totu matengana moa na pituana na sasanga ke talumai i konina kesa na veratavosi, ma momoro tatavata poi tsau kalina a tau nogo tangomana na moro. Migita a pipitu lê moa, me tagara goto ke kesa ke mai sangagita.

Jeremia 14:19

?Taovia, laka igoe o sove saikesa tanigira na Juda? ?Laka o reisavigira manana na tinoni ni Sion? ?Megua ti o bokaligami sosongo vaga ia, me tau tangomana ke mavu visutugua na bokamami? Igami ami lavea moa na rago, me tau goto laba vanigami sa omea dou. Mami amesia laka kami totudoutugua, mara mai molo matagu vanigami moa igira na gala.

Jeremia 8:15

Igita a amesia ke laba na tagu na rago ma na mauri doutugua, me tau moa laba vaga ia, migira moa na gala ara mai mara molo matagu vanigita.

Sasani Sasaga 11:8

Me ti vaga igoe ko mauri oka, me dou ti ko mage i laona na maurimu popono. Me atsa moa ti ke oka koegua ko mauri, mo ko laka moa na padaleana laka sauba ko totu oka sosongo bâ tana mate. Me tagara goto ke kesa na omea ke laba i muri ke tamani rongona.

Nina Papi A Job 3:5

Ko nauginia moa na dani na ponopala ma na rodo pulipuli; mo ko tsavupoiginia na parako, mo ko koko ponotia na aso me ke tau goto sinaria.

Linge 107:10

Visana e pono saikesa na tobaqira mara totu moa tana rodo, mara rota i laona na vale sosori i tana ara soriginigira na itai tapala,

Linge 107:14

Me adirutsumigira tania na totu ponotoba sosongo ma na totu tana rodo, me kabakutigira na itai tapala ara soriginigira.

Jeremia 2:6

Igira ara tau goto boeginiau inau atsa moa ti inau nogo au laumaurisigira tania na Ejipt, mau idagana sautu vanigira tana kao mate, tana butona kao qiliqouga, tana kao mamatsa me rodo pulipuli, i tana e tau tangomana sa tinoni ke mauri, se ke liu i laona.

Jeremia 6:21

Bâ, me vaga ia, minau sauba kau naua ma na tinoni girani kara tubulagi ma kara puka. Migira na tamaga kolu daleqira sauba kara mate, migira goto na kulaqira ma gaqira verakolu.”

Jeremia 50:6

“Igira niqu tinoni ara vaga saikesa moa na sipi igira niqira reitutugu ara tamivanigira kara sarevo bamai lê tana vungavunga. Ara tonavigira na vungavunga sui, mara padalenogoa iava e totu na veraqira.

Esekiel 21:15

E anga vaga moa na kirapina na angaanga, me totukapu nogo tana matsapakapuna na vera, gana ke totoposuligira niqu tinoni me ke labumatesigira na dangana.

Esekiel 34:12

Ke vaga nogo kalina kesa na mane pitusipi e mataligira nina sipi ara viri totu piriutsa bamai me adisaigira tugua. Inau sauba kau pidikagira tana nauna sui i tana ara tova bamai i laona na kavu ma na rodo.

Esekiel 36:15

Migira na puku tavosi e utu goto kara tsirigamu ma kara paluvangamamui, migamu na vungavunga ni Israel e utu goto kamu raqa sasiligira niqu tinoni. Inau na Taovia au tsaria na omea iani.”

Amos 4:13

Aia God nogo e aqosigira na vungavunga me moloa na guguri. Maia e tamivanigira na tinoni kara donaginia nina papada; me olia na dani me lia na bongi. Maia e vanovano i kelana na barangengo. !Miani nogo e vaga na soana: na Taovia God Susuliga Sosongo!

Amos 5:18

!Sauba ke seko sosongo vanigamu igamu amu amesia ke laba na danina na Taovia! ?Me laka nagua sauba ke pelugamu tana dani ia? Ma na dani ia na dani na rodo moa me tagara na marara.

Linge 29:2

Tsonikaea na asana tabu na Taovia; tao tsuporu vania na Taovia kalina aia ke labamai.

Isaia 59:10

mami gini taposasa bamai vaga moa na tinoni koko. Tana niasovota ami tubulagi bamai vaga moa ti tana bongi rodo, me vaga moa ti ami totu nogo i laona na rodona na barangengo na mate.

Joel 2:2

Mi tana dani ia sauba ke rodo popono, ma na parako baubau kara viri tsavua na masaoka. Ma na alaala loki na kipo ara maimai nogo vaga moa na rodo e tsavu poponoa na vungavunga. Ma na omea vaga ia e tau saikesa goto vati laba i sau, me sauba e utu goto ke laba tugua sa tagu i muri.

Malaki 2:2

Nimui aqo igamu ti kamu tsonikaea na asaqu tabu tana omea sui amu naugira. Me ti vaga igamu kamu tau rongomi vatavigira na omea inau au tsarivanigamu, mi tana nogo ti inau sauba kau tû ma kau vealaginigamu. Ma kau vealaginigira goto na omea sui amu tsodoa tana nimui aqo gana na mauri. Eo, minau au vealaginigira manoga nogo na omea girani rongona igamu amu tau rongomangaqu, mamu tau muridougira na ketsa au molo vanigamu nogo.