Jeremia 12:11 - Ghari

¹¹ E totu mangu lê i mataqu me tagara goto sa tinoni ke totuvia. Na butona kao popono e lia nogo na kaomate, me tau goto gini boe ke kesa.

Jeremia 12:11 Referans Kwoze

Jeremia 23:10

Na kao iani e dangali poponoa moa na tinoni ara piloligi tania na Taovia; mara totu matengana moa na nauana na omea tabaruga mara tau gini aqo dou na susuligaqira. Mi tana rongona nina vealagi na Taovia, ti igira sui na tinoni tana butona kao popono ara tangitangi, migira na kao lakataga i tana e dato dou na buruburu ara viri makede takuti.”

Isaia 42:25

Me vaga ia, maia e molomaia vanigita na rotana na vailabu gana ka vatsangiginia na susuligana na korena. Ma na korena aia e iru vaga saikesa na lake i laona na Israel popono, migita a tau moa padagadovia na omea e laba; ma tau goto sasania sa omea i konina gana ke gini oli nida sasaga.

Jeremia 14:2

Aia e tsaria, “Na Juda e tangitangi, migira nina verabau ara viri mate, ma na tinonina ara viri tsaro lê tana kao tana melu loki, maia na Jerusalem e ngangaidato vania na Taovia ke sangâ.

Malaki 2:2

Nimui aqo igamu ti kamu tsonikaea na asaqu tabu tana omea sui amu naugira. Me ti vaga igamu kamu tau rongomi vatavigira na omea inau au tsarivanigamu, mi tana nogo ti inau sauba kau tû ma kau vealaginigamu. Ma kau vealaginigira goto na omea sui amu tsodoa tana nimui aqo gana na mauri. Eo, minau au vealaginigira manoga nogo na omea girani rongona igamu amu tau rongomangaqu, mamu tau muridougira na ketsa au molo vanigamu nogo.

Sekaria 7:5

“Ko bâ mo ko tsarivanigira na tinoni tana butona momoru iani, migira goto na manetabu, laka kalina igira ara tsoni vitoaqira segeni, mara tangitangi pipi tana tsegenina ma na vitunina vula i laona vitu sangavulu na ngalitupa tugirani, mara tau saikesa naua tana padalokiginiaqu inau.

Jeremia 19:8

Inau sauba kau molomaia na omea seko loki sosongo ke toroutsania na verabau ni Jerusalem, me pipi moa sei ke liu putsi i tana sauba ke gini novo loki me ke beke.

Jeremia 10:25

Ke piloa nimu momosatoba, me ke ba gado i koniqira na puku tavosi igira ara tau samasama vanigo igoe, mi koniqira na tinoni ara sove tanigo. Igira nogo ara labumatesigira nimu tinoni; mara toroutsani saikesalia na veramami.

Jeremia 10:22

!Kamu rongomia bâ! !E labamai kesa na turupatu! !Kesa na leleo loki e tangilaba i laona kesa na puku tavosi tabana i vava; migira nina mane vaumate ara maimai nogo gana kara sekoligira sui na verabau tana Juda ma kara lia na kaomate, niqira mani totu na pai atsi.”

Jeremia 9:11

Ma na Taovia e tsaria, “Inau sauba kau toroutsania na Jerusalem, me ke lia na nauna i tana ara totu igira na pai atsi. Migira na verabau sui tana Juda sauba kara lia na kaomate, na nauna i tana e tau totuvia sa tinoni.”

Jeremia 6:8

Igamu na tinoni ni Jerusalem, kamu parovata dou, ma kamu rongomangaqu inau. Me ti tagara, minau sauba kau tsonikidamui saikesa, ma kau naua ma nimui verabau ke lia vaga na kaomate, na nauna mangu i tana e tau nogo totu sa tinoni.”

Isaia 57:1

Igira na tinoni dou ara mate, me tagara ke kesa ke gini boeginigira, se ke padagadovia rongona gua ti ara mate. Mi kalina igira ara mate, me tagara goto sa omea seko tangomana ke sekoligira.

Sasani Sasaga 7:2

E dou bâ na vano tana vale i tana ara tangitangi, liusia bâ na vano tana vale i tana ara aqosia na mutsakolu, rongona igira ara mauri moa e dou ti kara pada tugutugua moa laka na mate e totupitugita sui.

Roma 8:22

Igita a donaginia laka tsau mai i dani eni pipi na mamatana na omea vovola sui ara vatsangisavi mara kukungu, vaga ti na daki e rota tana vasusu.

Aqo Manetabu 26:32

Sauba kau sekoli poponoa nimui butona kao, mi kalina igira gamui gala kara mai totuvia sauba kara gini beke sosongo na reiana.

Jeremia 4:20

Ara vaitsarimurigi na rota seko loki, ma na vera popono e totu moa tana seko. Migira nimami valepolo ara tavongani taveo saikesa, ma na polo ara tsautsau tana matsapaqira ara viri taratsi votâ.

Jeremia 4:27

Na Taovia e tsari idanogoa na omea iani, “Na barangengo popono sauba ke lia na kaomate, me utu nomoa kau toroutsani saikesalia.

Jeremia 4:28

Na barangengo sauba ke tangitangi, ma na masaoka sauba ke rodo taligu. Inau nogo au tsaria na omea iani, me utu goto ke oli niqu papada.”

Jeremia 25:11

Na butona kao popono iani sauba ke totu seko lê ma kara gini beke na reiana, migira na puku sui ara totu varangisigira sauba kara aqotseka vania na taovia tsapakae ni Babilonia i laona ke vitu sangavulu na ngalitupa.

Joel 1:10

Me tagara goto sa omea ke totuvisu i laona na uta, ma na kao goto e tangitangi, rongona ara viri nanga sui na vangana i laona, ma na vuana uaeni ara viri makede lê, migira na gai na olive ara viri matsele sui.

Jeremia 9:9

?Egua laka sauba kau tau kedegira tana rongona na omea vaga girani? ?Me laka kau tau tangotuguqu inau i konina na puku vaga iani? Inau nogo na Taovia au tsaria na omea iani.”

Jeremia 9:10

Minau a Jeremia au tû mau tsaria, “Sauba kau tangisigira na vungavunga, ma kau ngangaisigira na butona kao i tana e dato dou na buruburu, rongona ara viri makede takuti, me tagara goto ke kesa ke liu i laoqira. Ma na tatangina niqira kanga na buluka ara tau nogo rongomia i tana; migira na manu ma na omea tuavati atsi ara tsogoligi sui taninogoa.”