Jeremia 12:1 - Ghari

¹ “Taovia, e gotolaka saikesa pipi nimu pede, me gini tau ulagaqu inau na vaimangabarigi kolugo. Mau ngaoa nomoa kau torogoko i konimu tana rongona visana na omea inau au tau padagadovigira. ?Laka egua ti ara tamani omea danga igira na tinoni vanga tsutsukibo? ?Me laka egua ti igira na tinoni vanga tabaru ara tangomana tana omea sui ara naua?

Jeremia 12:1 Referans Kwoze

Malaki 3:15

Igita a reigininogoa na matada laka igira na tinoni vanga kaekae igira nogo ara totu magemage sosongo bâ. Migira na tinoni vanga nauseko ara tamani omea levolevo danga, mara gini tovolea moa God tana niqira nausasi, maia e tau goto kedegira.’ ”

Linge 92:7

Me atsa moa ti igira na vanga tsutsukibo kara vovodato vaga moa ti na buruburu lê, migira na vanga nauseko kara tamani levo, me sauba nomoa ko matesiligigira sui lakalaka,

Linge 37:1

Laka na boeginiana niqira sasaga tabaru igira na tinoni vanga tsutsukibo; laka goto na masugu vaniaqira igira ara naua na omea e sasi.

Daniel 9:7

Migoe, Taovia, o nau sailaginia moa na omea e goto, migami segenimami nogo ami alomai segenia gamami paluvangamâ, igami sui nimu tinoni ami totu tana Juda mi Jerusalem, migira sui goto na Israel ara totu saranga bamai i laoqira pipi sui na vera loki tavosi, rongona igami ami tau nogo totukakai i konimu igoe.

Nina Papi A Job 12:6

Eo, migira na tinoni komikomi, migira goto ara peamangana God, ara totu dou rago tana valeqira, ma na susuligaqira segeni e lia ngiti niqira god.

Habakuk 1:4

Migira na tinoni ara tau lelê pada mamavasigira nimu ketsa ma nimu vali, mara padâ laka ara tagara rongona lê moa, me gini tau saikesa laba na pedegoto i laoqira. Migira na vanga nauseko ara bingi sekoligira moa na tinoni dou, mara utusia na pedegoto vanigira.

Linge 51:4

Taovia inau au sasi vanigo, igoe segeni moa au sasi vanigo, mau naua na omea e seko i matamu. Vaga ia, me ulagamu nomoa igoe ko pedeau inau; mo naudoua nomoa igoe kalina o kedeau.

Linge 37:35

Inau au donagininogoa kesa na mane vanga tsutsukibo e dona sosongo na sekoli tinoni; maia e dato liusigira bâ na tinoni sui vaga saikesa nogo ti kesa na gai na sida i Lebanon.

Sepania 3:5

Ma na Taovia e totu kalavata nomoa i laona na verabau ia, me naua moa na omea e gotolaka, me tau goto dona ke naua sa omea e seko. Me pipi tana matsaraka aia e tau goto kuti na sauana na pedegoto vanigira nina tinoni. Me atsa moa ti na Taovia e nauvaganana ia, migira na tinoni tabaruga ni tana ara totu matengana moa na nauana na omea e seko, mara tau lelê goto dona na gini vangamâ.

Jeremia 11:20

Mi muri, minau au nonginongi vaga iani, “Taovia Susuliga Sosongo, igoe nogo o dona na gini pede na pedegoto laka; mo dona na tovoana niqira papada ma na tobaqira na tinoni. Inau au molo segeniqu i limamu igoe; me vaga ia, mo ko tamivaniau kau morosigo kalina ko tangotugu i koniqira na tinoni girani.”

Jeremia 12:6

Me atsa moa igira na kulamu, ma na tinoni i laona nimu vungu, migira goto ara sauligigo; mara sangâ na baginiamu igoe. Ko laka saikesa na noruaqira, atsa moa ti igira ara goko lakalaka dou kolugo.”

Jeremia 5:11

Igira na tinoni tana Israel ma na Juda ara sove saikesa taniau. Inau na Taovia au tsaria na omea iani.”

Nina Papi A Job 13:3

Inau au tau ngaoa na vaimangabarigi koluamui babâ moa igamu. Au ngaoa moa na isutuguqu segeni i konina God Susuliga Sosongo.

Esra 9:15

Taovia God ni Israel, igoe o goto laka, mo tami nomoa kami mauri. Igami ami katevulagi vanigo laka ami sasi manana; me tau saikesa ulagamami na mai totu i matamu.”

Hosea 6:7

“Mi kalina tsotsodo ara sage bâ tana kao i Adam, igira ara kutsia niqira tabana na vaitasogi au naua kolugira.

Isaia 48:8

Minau au dona nogo laka e utu kau norugamu, rongona tu kalina amu botsa amu petsakoe mamu muria moa nimui papada segeni. Aia nogo na rongona ti au gini tau tsarivulagi vanigamu na omea girani.

Isaia 41:21

Ma na Taovia, aia na taovia tsapakae ni Israel, e ngaoa ke tsarigotoa na omea iani: “Igamu na god peropero ni veratavosi, kamu mai tana tinete ma kara rongomia nimui goko. Kamu vangaraudougira nimui goko amu ngaoa na tsariana.

Goko Tabana 1:32

Na tinoni tau sasaga ara mate rongona ara sove tania na sasaga loki. Migira na tinoni ara padâ laka ara dona nogo pipi na omea sui ara vaga moa na tinoni bule. Ma na papada vaga ia sauba ke toroutsanigira saikesa.

Linge 145:17

Na Taovia e gotolaka pipi tana omea aia e naua, ma na omea sui aia e naua e aqosigira tana galuve.

Linge 119:137

Taovia igoe o gotolaka, ma nimu ketsa sui ara goto saviliu.

Linge 119:75

Taovia au donaginia laka nimu votapede sui ara gotolaka saikesa, me laka o kedeau rongona igoe o mana sosongo vaniau.

Na Vaolusi Ketsa 32:4

“Na Taovia aia nogo nimui isutugu susuliga, e doulaka me gotolaka pipi sui tana nina omeomea. Nimui God e gotolaka me mana saviliu; maia e naua moa na omea e mana me goto.

Tuturigana 18:25

E manana nomoa e utu igoe ko tamia na matesiaqira lê na tinoni dou kolugira na vanga tsutsukibo. !Taovia, e utu! !E utu saikesa ko nauvaganana ia! Me ti vaga ko naua moa, migira na douna sauba kara gadovikede lê saikolugira igira na vanga tsutsukibo. Ma na omea vaga ia e utugana saikesa vanigo na tamiana. ?Me laka e tau nina aqo aia e pedea na barangengo popono ke gini pede moa na pedegoto?”

Nehemia 9:33

Igoe o tamani rongona sosongo nomoa ko kedeginigami; migoe o tobalaka vanigami atsa moa ti igami ami sasi i matamu.

Linge 116:5

Na Taovia e doulaka me mana saviliu. Eo, nida God igita e dona sosongo na galuve tinoni.

Sasani Sasaga 8:14

Bâ, ma na goko vaga ia e tau saikesa mana. Ko morosia moa na omea ara laba i laona na barangengo: e danga kalina igira na tinoni dou e gadovigira na kedena niqira sasi na tinoni seko, migira na tinoni seko ara adia na peluna niqira aqo dou ara naua igira na tinoni dou. Ma na omea vaga iani, inau au tsaria laka e tau saikesa goto tamanina sa rongona.

Jeremia 3:7

Inau au padâ laka i murina kalina Israel ke naugira sui na omea girani, maia ke visumaitugua i koniqu. Maia e tau goto visumai, ma Juda na tasina, aia goto e tau totukakai i koniqu, e morosia na omea sui aia e naua.

Jeremia 3:20

Bâ, me vaga moa na daki e tau totukakai konina na savana, migoe o tau saikesa totukakai i koniqu inau. Inau nogo na Taovia au tsaria na omea iani.”

Jeremia 9:2

Me ke dou goto ti vaga kau tamanina kesa na nauna i laona na kaomate i tana tangomana kau ba totu tabaligi tanigira niqu tinoni. Igira sui lakalaka ara tau saikesa totukakai i konina na Taovia, na alaala na tinoni vanga tsutsukibo moa.

Jeremia 32:16

Mi muri, kalina inau au sau suinogoa na mamarena na tsabiri kao vania a Baruk, mau nonginongi vaga iani,

Tangitangi 1:18

“Ma na omea e nauvaniau na Taovia e gotolaka saikesa, rongona inau au petsakoe mangana. Kamu rongomiau inau igamu na tinoni pipi sui tana vera. Kamu morosiau mai tana niqu rota. Ara aditsekagira sui niqu mane ma niqu daki vaolu.

Esekiel 18:25

“Miani nogo e vaga nimui goko amu tsaria igamu na tinoni ni Israel, ‘Na omea aia na Taovia God e naua e tau goto.’ Bâ, ma kamu rorongomai dou igamu. ?Megua ti amu padâ laka na omea au naua inau e tau goto? Ma na omea igamu segenimui nogo amu naua aia e tau saikesa goto.

Nina Papi A Job 8:17

ma na lamuqira ara tatango kakai tana vatu.

Nina Papi A Job 24:12

Mi laoqira na veraloki igira ara boka mara ngari mate ara ngangaidato vania God ke sangagira, maia God e tau goto gini boe na rongomiana niqira nonginongi.

Nina Papi A Job 24:23

Me tau utu God ke tamivanigira kara totu bibiu dou, me ke tau laba vanigira sa omea seko; maia e tuvigira pipi kalina moa.

Linge 51:6

Igoe o kilia na tinoni kara mana me ke goto dou na tobaqira; me vaga ia, minau au nongigo ko dangaliginia na tobaqu nimu sasaga loki.

Daniel 9:14

Migoe, Taovia nimami God, o vangaraunogoa na kedeamami. Eo, mi kalina ia igoe o nau suinogoa, rongona igoe o dona na nau sailaginiana na omea e dou me goto, migami moa ami sove na rongomangamu.

Malaki 2:17

Igamu amu ngoli sosongoliginia na Taovia nimui gikigoko dangadanga. Migamu amu veisua moa, “?Laka ami ngoli koeguania na Taovia?” Tana rongona nogo igamu amu tsarivaganana iani, “Na Taovia Susuliga Sosongo e padâ laka pipi sui na tinoni vanga nauseko ara tinoni dou sui moa, maia e reingaogira.” Se kamu veisua vaganana ni, “?Me laka iava nogo aia na God nina aqo ke pedegoto?”