Jeremia 11:16 - Ghari

¹⁶ Eo, i sau inau au soaginigira niqu tinoni ni Israel na gai na olive marao dou, mara danga dou na vuana rereidou i konina; bâ, mi kalina ia, sauba kau matesigira vaga saikesa moa kalina e mai na legai loki, me poda na quluqulu, ma na angaanga e iruvigira na gai na olive, me ganigira sui na arana.

Jeremia 11:16 Referans Kwoze

Isaia 27:11

Migira sui na arana gai ara matsele lê mara viri taboku, ma na daki ara mai tsakosaigira gana na lake. Mi tana rongona nogo igira na tinoni ara tau padagadovia sa omea, ti God, aia nogo e aqosigira, sauba ke tau nogo galuvegira se ke gaegira.

Linge 52:8

Minau au vaga saikesa moa ti kesa na gai na olive aia e vovodato i laona na valena God; au norukakaia na galuvena God aia e vo oli na dani ma na dani.

Linge 80:16

!Igira gamami gala ara kavi pukalia mara soqoi lakena, ko tû igoe mo ko kore vanigira mo ko matesigira!

Ioane 15:6

Asei ti ke tau totu kalavata i koniqu inau sauba kara vasugiligia, vaga na vasuna na itai ara vasugiligia me matsele lee. Ma na vasuna na itai mate vaga ia, sauba kara karosaigira ma kara tsonigira tana lake.

Mateo 3:10

God e vangaraunogoa laka aia ke kedegamu, vaga kesa na rarati e totu manoga nogo tana pukuna na gai, agana na mani kaviginiana. Eo, pipi na gai, igira ara tau molovuaqira dou, sauba aia ke kavikutigira, me ke tsonigira tana lake.

Jeremia 21:14

Inau sauba kau kedego tana rongoqira na omea tabaruga sui o naugira. Sauba kau mololakena na valena nimu taovia tsapakae, ma na lake ia ke ganigira sui lakalaka na omea ara totu polipolia. Inau nogo na Taovia au tsaria na omea iani.”

Linge 83:2

!Reigira bâ gamu gala! Ara viri aligiri takuti; migira sui ara tobaseko vanigo ara sove na rongomangamu igoe.

Na Katemai 11:4

Ma na tabegoko kaira, i kaira nogoria ara ka ruka na gai na olive, mara ka ruka na gai qolu na mani molodato bulu iruiru ara ka tutuu i matana na Taovia na barangengo.

Na Vaolusi Ketsa 28:40

Migira na gai na olive sauba kara dato pipi nauna i laona nimui kao, me utu goto kamu tamanina sa oela na olive, rongona sauba kara dudu lê na vuaqira.

Nina Papi A Job 8:16

Igira na tinoni vanga nauseko ara vovodato vaga moa na buruburu i laona na aso papara, mara viri poko bamai pipi nauna i laona na uta,

Jeremia 7:20

Me vaga ia, minau na Taovia God, sauba kau podalia na korequ loki tana Vale Tabu iani. Me sauba goto ke botsalaba i koniqira na tinoni, ma na omea tuavati, me atsa moa i koniqira goto na gai ma na omea tsukatsuka sui. Ma na korequ inau sauba ke vaga saikesa na lake e tau goto tangomana ke kesa na matesiana.

Hosea 14:6

Sauba igira kara dato vaolu ma kara mamauriga, ma kara rereidou vaga na gai na olive. Ma na vuruqira ke sigini dou vaga moa na gai na sida ni Lebanon.

Linge 80:17

Ko aragogira mo ko isutuguqira nimu puku igoe nogo o viligira, igira na puku igoe o naua mara gini susuliga.

Jeremia 2:21

Inau nogo au tsukago igoe vaga moa kesa na itai na uaeni dou bâ. Tana idana migoe o vaga saikesa na volana na itai na uaeni laka. ?Megua ti o oli kalina ia, mo lia vaga na itai na uaeni atsi tagara rongona?