Jeremia 11:12 - Ghari

¹² Mi tana, migira na tinoni tana Juda mi Jerusalem sauba kara ragevigira na god peropero ara lavu na savori-kodoputsa vaniaqira, ma kara ngangaidato vanigira laka kara sangagira, me utu vanigira nomoa niqira god peropero kara tangomana na maurisiaqira kalina ke laba mai na tagu na rota seko loki iani.

Jeremia 11:12 Referans Kwoze

Jeremia 2:28

“?Igamu na Juda, laka iava igira na god peropero igamu amu aqosigira vanigamu segeni? !Igira nogo kara mai ma kara maurisigamu, ti vaga kara tangomana! Ara danga sosongo nimui god peropero, vaga nogo na dangaqira na verabau amu tamanina.

Na Vaolusi Ketsa 32:37

Mi muri ma na Taovia sauba ke veisuagira nina tinoni, ‘Iava ara ba liu igira na god susuliga igamu amu norugira ri?

Isaia 45:20

Na Taovia e tsaria, “Kamu saimai igamu na tinoni pipi sui tana puku, igamu sui amu matepitsa tana vailabu. Kamu mai tusuvulagigamu segeni tana tinete. Ara tau saikesa tamani sa sasaga igira ara kalagai bamaia niqira titinoni gai mara nonginongi vanigira moa na god ara tau tangomana kara maurisigira.

2 Turupatu Dato 28:22

Mi laona nina rota loki ma Ahas e sasi liuliu goto bâ i matana na Taovia.

Tinoni Pede 10:14

Kamu bâ ma kamu ngangaidato vanigira na god igamu amu viligira nogo. Molo vanigira nogo igira kara laumaurisigamu kalina ti igamu amu totu i laona na rota loki.”

Na Vaolusi Ketsa 32:38

Igamu amu palaginigira na seregana nimui savori-kodoputsa, mamu tusuvanigira na uaeni kara inuvia. Bâ, mi kalina ia kamu molovanigira igira kara mai sangagamu; kamu molovanigira igira kara laumaurisigamu.

Jeremia 44:8

?Me rongona gua ti igamu amu tsaia na korequ mamu ba samasama vanigira na titinoni lê, mamu savori-kodoputsa vanigira na god peropero ieni tana Ejipt i tana amu mai totu? ?Laka amu naua na omea iani rongona amu ngaoa kamu gini sekoli segenimui, gana pipi sui na puku tana barangengo kara peagamu, ma kara gini aqo na soamui tana vealagi?

Isaia 46:7

Mi muri, mara tsebakaea tana kokoveqira mara kalagaivanoa, mara ba moloa tana sasana, mi tana nogo e tu kalavata, me utu goto ke ratsu bamai. Me ti vaga ke kesa ke ba nonginongi vania, ma na titinoni ia e tau goto tangomana ke gokovisu vania se ke laumaurisia tania na rota seko loki.

Jeremia 18:15

Migira niqu tinoni inau ara padale saikesaliau. Mara ba kodoa na buluna gai uruuru vanigira na titinonina na god peropero. Ara tubulagi lê tana sautu dou ni sau, mara rugu bamai moa tana komukomu.