Jeremia 10:9 - Ghari

⁹ Ara baru poponoginigira na siliva ni Spain, ma na qolumila ni Upas, niqira aqo nogo na tinoni ara sasaga tana aqosiana na omea levo. Mara sagelivanigira na polo bora ma na polo tsisibora ara vosia igira na tinoni ara dona sosongo na vosipolo.

Jeremia 10:9 Referans Kwoze

Linge 115:4

Ma niqira god igira ara aqosiginigira na siliva ma na qolumila, ma na limana tinoni nogo ara aqosiginigira.

Daniel 10:5

Mau morodato bâ mau reia kesa na tinoni e sagelia na polo vovosi laka me gini sori polona na itai qolumila laka.

Isaia 40:19

Aia e tau saikesa vaga na titinonina na god peropero ara katsua igira na mane ara dona na katsu omea, migira ara aqo tana tapala ara lesoviginia na qolumila, mara turuvaginia tana tototona siliva.

1 Taovia Tsapakae 10:22

Me tamanigira goto danga na vaka ara dona na votu i mao ao, mara votu kolugira nina vaka a Hiram. Me pipi tolu ngalitupa igira nina vaka a Solomon ara visumai, mara adimaivania na qolumila, ma na siliva, ma na livona na elepani, me ruka vatana na tsuatsua.

Esekiel 27:12

“Igoe o vano na kavoqolo i Spain, mo adia niqira siliva, ma niqira tapala laka, me visana goto niqira omea, na olina nimu omea tatamani danga sosongo.

Linge 72:10

Migira na taovia tsapakae ni Spain mi tasi taligu, sauba kara saua vania niqira vangalaka; migira na taovia tsapakae ni Arabia mi Etiopia sauba kara adimai vania niqira sausau.

Isaia 23:6

!Kamu kakanga loki ma kamu padasavi, igamu na tinoni ni Ponisia, ma kamu tovoa na tsogovano i Spain!

Esekiel 27:7

Ma na selomu ara aqosiginia na sangava na polo vovosi laka, aia na polo vovosi laka ara tula mamaregasia e talumai i Ejipt, Me lakagana lê na reigadoviana kalina igoe o maimai ao moa. Ma na tsatsavumu ara aqosiginia na polo tsitsibora dou bâ e talumai tana momoru ni Siprus.

Jona 1:3

Ma Jona e tû me aligiri na vano, me molomuri vania i Nineve, rongona e ngaoa ke tsogoligi tania na Taovia. Me vano i Jopa, mi tana e reia kesa na vaka e vangaraua na vano i Spain. Maia e bâ me volia nina pasisi, me sangasage kolugira na mane na vaka ia na vano i Spain, i tana e padâ ke gini totu popoi tania na Taovia.

Habakuk 2:19

!Sauba ke seko sosongo nomoa vanigamu! Igamu amu tû, mamu tsarivania kesa na takutina na gai lê, “!Ko mamata!”, se amu tsarivania kesa na vatu kakatsu, “!Ko tû!” ?Me laka tangomana ke katevulagi vanigamu sa omea na titinoni lê ia? Atsa moa ti amu poroginia na siliva ma na qolumila, me tagara nomoa sa magomago i konina.

2 Turupatu Dato 9:21

Me tamanigira goto danga na vaka ara dona na votu i mao ao, mara votu kolugira nina vaka a Hiram. Me pipi tolu ngalitupa igira nina vaka a Solomon ara visumai, mara adimai vania na qolumila, ma na siliva, ma na livona na elepani, me ruka na vatana na tsuatsua.

Hosea 8:6

Kesa na mane ni Israel e dona na katsu omea levolevo, aia nogo e aqosia na titinonina ia, me tau saikesa na god. !Aia na buluka qolumila ara samasama vania i Samaria sauba ke tarutu saikesa!