Jeremia 10:7 - Ghari

⁷ ?Masei ke tau padalokigo igoe na taovia tsapakae kaputigira na puku sui? E ulagana nomoa kara padalokigo, rongona e tagara goto ke kesa ke atsa kolugo igoe i laoqira na tinoni sasaga pipi sui tana puku, se i laoqira niqira taovia tsapakae.

Jeremia 10:7 Referans Kwoze

Na Katemai 15:4

?Asei sauba ke tau kukuni tanigo Taovia? ?Masei sauba ke sove na gini turupatuna na lokimu? Igoe segeni moa o tabu loki sosongo. Migira na tinoni pipi sui tana vera sauba kara mai ma kara samasama vanigo, rongona nimu aqo ara gotolaka saikesa, mara labamaka i mataqira na tinoni sui.”

Linge 22:28

Na Taovia aia segeni moa e taovia loki tsapakae, me tagaovi kaputigira na puku na tinoni sui lakalaka.

Jeremia 10:6

Taovia, e tagara goto kesa ke vaga igoe; igoe segeni moa o loki tsapakae, mo susuliga sosongo, me tangiloki na asamu.

Jeremia 5:22

Inau nogo na Taovia. ?Egua igamu ti amu tau mataguniau inau? ?Megua ti amu tau gagariri i mataqu? Inau nogo au moloa na one i tana ke vosa mai na tasi, aia na vovotana kalavata, me utu goto ke liusia. Na tasi atsa moa ti ke karara loki, me tau moa tangomana ke liusia, ma na panu kara kukutu loki, me tau goto tangomana kara liusia.

Linge 89:6

Me tagara goto ke kesa i gotu ke atsa kolugo, igoe Taovia; me tagara lelê goto sa vidaqira igira ara totu i gotu kara kesaniatsa kolugo igoe.

Luka 12:5

Inau kau katevanigamu asei moa aia igamu kamu matagunia; kamu matagunia moa God, rongona ti ke matesia na konimui, maia segeni e tamanina goto na susuliga ke tsonia na tidaomui tana rota e vo sui. !Eo, inau au tsarivanigamu, aia moa kamu matagunia!

Sekaria 2:11

Mi tana tagu ia sauba kara danga na puku tavosi kara mai konina na Taovia ma kara lia goto nina tinoni segeni. Maia na Taovia sauba ke totu i laomui, mi tana ti igamu kamu donaginia laka aia nogo e molomaiau vanigamu.

Isaia 2:4

Maia nogo sauba ke gotosia niqira vaikoregi na puku sui, me ke vaturia na goto i laoqira. Migira sauba kara tupia niqira isi na vailabu me ke lia lê na mani tsaikao tana niqira uta, ma niqira bao ke lia lê niqira gau na aqo. Me sauba ke tagara sa puku ke ngaoa na labuana na puku tavosi, se ke vangarautugua na vano tana vailabu.

Linge 86:9

Igira sui na puku na tinoni igoe o aqosigira, sauba kara mailaba i matamu ma kara tao tsuporu sui vanigo, ma kara tsonikaea gamu loki tsapakae.

Linge 76:7

Migoe moa Taovia igira na tinoni sui ara kukuni tanigo sosongo. Mi kalina igoe o kore loki me tau goto tangomana kesa ke baria.

Linge 72:11

Eo, igira sui lakalaka na taovia tsapakae sauba kara ba tsuporu i matana; migira na tinoni sui sauba kara aqo vania.

Na Katemai 11:15

Mi muri, ma na vitunina na angelo e uvia nina tavuli. Mau rongomia na tatangina na goko dangadanga i baragata ara viri guu mara tsaria, “!Kalina nogo ia, kaira God ma na Dalena, aia nogo na Mesia, ara ka tagaovi kaputigira na vera sui tana barangengo popono, me sauba aia nogo ke tagao pukuga na dani ma na dani!”

1 Korint 8:6

migita a donagininogoa laka e kesa moa na God manana, aia God Tamana e vusagira na omea sui, migita a mauri vania moa aia. Me kesa moa na Taovia, a Iesu Kristo nogo, mi konina ia ara gini laba na omea sui, mi konina goto aia igita a gini mauri.

Binaboli 8:10

Ma na taovia tsapakae e tsaria, “Ko nonginongi vaniau ke dani.” Ma Moses e tsaria, “Eo, inau sauba kau naua na omea o nongia i koniqu, mi tana ti igoe ko gini dona laka e tagara goto sa god ke atsa kolua na Taovia nimami God igami.

Binaboli 9:14

Mi kalina ia inau sauba kau tau kedegira moa nimu mane sasanga ma nimu toga, me sauba kau kedego goto igoe, rongona ko gini donaginia laka e tagara goto sa god ke atsa koluau inau tana barangengo popono.

Josua 4:24

Eo, kamu sasaniginigira na dalemui na omea girani, rongona na tinoni sui tana barangengo popono kara donaginia na lokina gana susuliga na Taovia, migamu sauba kamu gini kukuni sailagi tania na Taovia nimui God na dani ma na dani.”

Esta 1:13

Me tû a Serkses me soamaigira nina mane sauparovata rongona nina lavu nogo na taovia tsapakae ke lavegoko i koniqira na mane sasaga tana tabana na ketsa ma na gotosi vera. Me tsarivanigira tana rongona nina sove na mai aia ko Vasti, me nongigira kara tsarivania nagua ke nauvania na daki taovia ia muria na vovorona na ketsa na vera.

Daniel 2:27

Ma Daniel e gokovisu me tsaria, “Taovia, e tagara goto sa mane tatada, se sa mane basutidao, se sa mane e dona na katevulagiana na omea e tau vati laba, se kesa e dona na basuaqira na veitugu, tangomana ke tsarivanigo na omea iani.

Daniel 2:28

Me totu i baragata kesa na God, maia moa e dona na sauvulagiana na omea ara totu popoi. Maia nogo e sauvulagi vanigo igoe taovia na omea sauba ke laba tana tagu ke mai. Mi kalina nogo ia sauba inau kau tsarivulagi vanigo na omea igoe o reia tana bolebole kalina o maturu.

Habakuk 3:2

Taovia, inau au rongominogoa na turupatuna na omea sui igoe o naugira, mau gini novo loki sosongo. Mau nongigo ko nauvanigami tugua tana tagu iani na omea loki vaga igoe o naugira nogo i sau. Ko galuvegami moa atsa moa ti o kore vanigami.

Malaki 1:11

“Migira na tinoni tavosi tû kesa tabana na barangengo me tsau bâ kesa tabana ara dona rago na kukuni taniaqu inau. Me pipi tana nauna sui ara kodo vaniau na bulunagai uruuru, mara savori vaniau na kodoputsa e dou i mataqu. !Eo, pipi gira sui ara kukuni taniau!

2 Taovia Tsapakae 17:39

Nimui aqo nomoa igamu kamu rongomangaqu inau nimui Taovia ma nimui God, minau sauba kau laumaurisigamu tania na limaqira gamui gala.”

1 Turupatu Dato 16:25

Na Taovia e loki tsapakae, me ulagana sosongo nomoa igita ka tsonikaea; aia nogo igita ka kukuni loki tania liusigira bâ na god tavosi sui.

Linge 47:3

Aia nogo e sangagita ti igita a gini tangomana kaputigira na toga me naua migita a gini tagao kaputigira na puku tavosi sui.

Linge 86:8

E tagara goto sa god ke tsauligo igoe Taovia, e tagara goto ke kesa ke naugira na omea vaga igoe o naugira.

Linge 147:5

E loki tsapakae me susuliga sosongo nida Taovia; ma nina sasaga loki e utu na tsarituguana.