Jeremia 10:24 - Ghari

²⁴ Ko gotosigira rago nimu tinoni Taovia; mo ko laka moa na rotasiamami sosongo, se ko pedegami kalina ke momosa loki na tobamu; rongona ti ko nauvaganana ia, me sauba igami kami mate sui.

Jeremia 10:24 Referans Kwoze

Linge 38:1

!Taovia, ko laka na kedeaqu tana koremu!

Linge 6:1

!Taovia ko laka na kore ma na goko kakai vaniaqu! !Ko laka na kedeaqu tana nimu momosatoba!

Jeremia 30:11

Inau nogo sauba kau mai i konimui ma kau laumaurisigamu. Sauba kau toroutsanigira pipi sui na puku tavosi i tana inau au sarangasigamu bâ, migamu moa e utu kau toroutsanigamu. Me sauba rago kau kedegamu igamu, mi kalina kau tû na kedeamui, me sauba kau naua moa tana pede gotolaka. Inau nogo na Taovia au tsaria na omea iani.”

Isaia 40:23

Aia e aditsunâ gaqira tangirongo na taovia tsapakae loki, me adiligi tanigira gaqira susuliga.

Nina Papi A Job 6:18

Me visana kalina igira na tinoni ara mololea na veraqira na vano kesa tana vera segeni, ara dona kara liu tana kaomate kolua niqira kamelo ara kalagaia gaqira lutsa. Mi kalina ti ke tagara gaqira kô, mara mololea na sautu loki mara rurugu bamai na lave kô, mara tova mara viri mate lê.

Habakuk 3:2

Taovia, inau au rongominogoa na turupatuna na omea sui igoe o naugira, mau gini novo loki sosongo. Mau nongigo ko nauvanigami tugua tana tagu iani na omea loki vaga igoe o naugira nogo i sau. Ko galuvegami moa atsa moa ti o kore vanigami.

Jeremia 46:28

Igamu na Israel, igamu niqu tinoni, kamu laka na matagu rongona inau nogo au totu kolugamu. Sauba kau toroutsanigira saikesa pipi sui na puku tavosi i tana inau au sarangasigamu, migamu moa e utu kau toroutsanigamu saikesa. E mana, sauba nomoa kau kedegamu, mi kalina kau kedegamu ma kau naua moa tana pedegoto. Inau nogo na Taovia au tsaria na omea iani.”

Linge 6:2

!Au maluku sosongo nogo Taovia; ko galuveau! Ko sangaau ma kau susuliga tugua; e labe nogo na koniqu popono,

Isaia 28:28

Mi kalina aia e ngaoa na labududusiana nina uiti, maia e nau sasagâ. E gini aqo na buluka raqa terê, me matani dou sosongolia rongona ke tau tsogori sekoligira na vatuna na uiti.