Jeremia 10:19 - Ghari

¹⁹ Migira na tinoni ni Jerusalem ara ngangaidato mara tsaria, “!E seko sosongo nomoa nida rota! Me utu goto kara mavu na bokada. E gadovigita nogo na rota loki iani, ma nida aqo nomoa ka berengiti.

Jeremia 10:19 Referans Kwoze

Mika 7:9

Igita a sasi manana i matana na Taovia, mi kalina ia ma nida aqo ka berengiti na vatsangiana na korena kesa tagu tetelo. Mi tana susuina maia nogo sauba ke isutuguda, me ke kedegira igira ara bingi sekoligita. Maia sauba ke adirutsumigita vania na marara; me sauba ka mamauri moa ma ka reia kalina aia ke laumaurisigita.

Jeremia 14:17

Na Taovia e ketsaliau inau a Jeremia, laka kau goko vanigira na toga tana rongona niqu melu ma kau tsaria: “Na kô na mataqu ke tave na dani ma na bongi, ma kau tau goto mango na ngangai, rongona igira na gala ara labu sekoligira niqu tinoni, mara gini boka loki sosongo.

Jeremia 4:31

Inau au rongomia kesa e ngangai vaga saikesa moa na daki kalina e vatsangia na dalena, me kanga vaga moa na daki kalina e vasua na volati. Aia nogo nina ngangai na Jerusalem e dadato kesa na mamagona, me tatakatsinia na limana me tsaria, “Au seko pitsu nogo! !Igira gaqu gala ara maimai nogo gana kara matesiau!”

Linge 39:9

Sauba kau totu mui lê moa, ma kau tau goto tsonia sa tsaqina goko, rongona igoe nogo o naua te e gini gadoviau na rota vaga ia inau.

Tangitangi 3:48

“Ma na kô na mataqu e tsatsali vaga moa na ko tatave kalina au reigira niqu tinoni ara viri mate sui.

Tangitangi 1:2

Mi tana bongi popono aia e ngangai moa; ma na kô na matana e sarara tsuna tana ngorana. Mi laogira sui lakalaka na kulana ni sau, e tau lelê goto totuvisu ke kesa ke verea. Igira ara tabana kolua tana idana ara tû mara sauligia, mi kalina ia igira sui ara vaigalagi kolua.

Jeremia 17:13

Taovia, igoe nogo niqira amesi na Israel. Migira sui ara piloligi tanigo igoe sauba kara paluvangamaqira. Igira sauba kara nanga lê, vaga moa na soa ara maregira tana papasa lê, rongona ara tsonikidamu igoe na Taovia na uluna na ko maroga.

Jeremia 9:1

Ke dou ti vaga na lovaqu ke vaga na vuravura na kô tana e sarara mai na kô na mataqu, gana kau ngangaisigira na dani ma na bongi igira niqu tinoni ara viri matesigira nogo.

Jeremia 8:21

Minau a Jeremia au gini melu sosongo rongona au reigira niqu tinoni ara totu tana rota loki, mau tangitangi, me ponopala saikesa na tobaqu.

Jeremia 4:19

!Au vatsangi savi sosongo, me utu na taberaeana niqu vatsangisavi! !Na kosuqu e bubutu kesa! Me gini utu vaniau kau totu mui kalina au rongomigira na tavuli ma na gugu na vailabu.

Isaia 8:17

Na Taovia e poi segenina nogo tanigira nina tinoni, minau moa au norua mau vataragini kakaia niqu amesi i konina.

Linge 77:10

Mi muri minau au tsaria, “Ma na omea inau au gini rota loki bâ na padaana e vaga iani: laka God e tau nogo susuliga.”

Jeremia 14:7

Migira niqu tinoni ara ngangaidato vaniau mara tsaria, ‘Atsa moa ti igira nimami sasi ara tai matamami, ami nongigo moa Taovia ko sangagami moa vaga igoe o vekenogoa. Igami ami piloligi tanigo nogo danga kalina, mami sasi sosongo i matamu.