Jeremia 10:12 - Ghari

¹² Na Taovia e volâ na barangengo tana susuligana nogo aia; mi tana nina sasaga loki e tatakatsinia na baragata.

Jeremia 10:12 Referans Kwoze

Nina Papi A Job 9:8

God segeni moa e tatakatsinia na baragata, me tsotsokae i kelaqira na panu loki.

Tuturigana 1:1

Tana idana kalina God e vusagira na omea sui i baragata mi barangengo,

Goko Tabana 3:19

Na Taovia e vusâ na barangengo tana nina sasaga loki; mi tana nina donalevo aia e moloa na masaoka tana sasana.

Isaia 40:22

Na Taovia nogo e aqosia, aia e totukae tana nina sasana na totukae i kelana na barangengo, mi gotuna na masaoka; mi kalina aia e morotsunamai, me reigira na tinoni ara tetelo lê vaga moa na loa. Aia nogo e tatakatsinia na masaoka vaga moa kesa na polokatsi, me vaga goto kesa na valepolo gana na totu i laona.

Kolose 1:16

Rongona i konina nogo a Iesu Kristo ti God e vusagira na omea sui i gotu mi lao: igira na omea sui igita a reigira, migira goto na omea sui igita a tau reigira, migira goto na angelo ma na tidao levolevo sui kolu susuligaqira. God e vusagira na omea sui lakalaka kolunogoa a Iesu Kristo, migira sui ara nina tamani nogo aia.

Ioane 1:3

Mi konina nogo aia God e naugira na omea sui. Me tagara sa omea ke tau talu i konina aia.

Linge 24:2

Aia e logoa na barangengo tana mao rodo, me vaturia na tsutsuvatuna tana levugana na kema.

Sekaria 12:1

Iani e vaga nina goko na Taovia e kalea na Israel, aia na Taovia e tatakatsinia na masaoka, me vusâ na barangengo, me tusumauri vanigira na tinoni. Maia e tsaria,

Jeremia 32:17

“Taovia God, igoe nogo o aqosia na barangengo ma na masaoka tana susuligamu loki; me tagara goto sa omea ke utugana vanigo.

Jeremia 10:13

E goko moa aia, me alevo na kô i gotu tana masaoka; mara maisai na parako na usa tû tana susuina na barangengo. Maia e naua me kirapi na angaanga i laona na usa, me molomaia na guguri loki talumai tana nina voki na mani mololaka omea levo.

Isaia 49:8

Ma na Taovia e tsarivanigira nina tinoni, “Kalina ke labamai na tagu i tana inau kau laumaurisigamu, me sauba kau rongomia nimui ngangai dato vaniau ma kau sangagamu. Inau sauba kau mataligamu ma kau reitutugugamu, mi konimui nogo igamu ti inau kau naua kesa na vaitasogi kolugira na tinoni tavosi sui. Ma kau tamivanigamu kamu totuvitugua nimui butona kao e totu seko lê kalina ia.

Isaia 48:13

Na kimaqu nogo au pakaginia na barangengo, mau tatakatsinia na masaoka. Mi kalina inau kau ketsalikaira na barangengo ma na masaoka laka kara ka mai, mi kaira ara ka tu tsaku mara ka mailaba i mataqu.

Isaia 45:18

!Na Taovia aia e aqosia na masaoka, aia segeni nogo e God! Maia e vusâ na barangengo me naua ke gini tukakai me ke totu saviliu. Maia e tau naua gana ke totu mangu lê moa, ma gana na tinoni kara totuvia. Maia nogo e tsaria, “Inau nogo na Taovia, me tagara sa god tavosi.

Isaia 45:12

Inau nogo au aqosia na barangengo, mau vusagira na mamatana tinoni kara totu i laona. Tana susuligaqu segeni nogo inau au tatakatsinia na baragata; mau tagaovi kaputia na aso, ma na vula, migira na veitugu.

Isaia 44:24

“Inau nogo na Taovia nimui Vagamauri; inau nogo au vusagamu. Inau na Taovia, mau vusagira pipi sui na omea. Inau segeniqu moa au tatakatsinia na masaoka; mi kalina au vusâ na barangengo, me tagara goto ke kesa ke sangaau.

Isaia 42:5

God e vusâ na masaoka me tatakatsinia; me aqosia na barangengo me pipi sui na omea mamauri i laona; maia nogo e tusua na magomago na mauri vanigira sui na tinonina. Mi kalina ia, ma na Taovia God e tsarivania nina maneaqo,

Linge 104:24

!Taovia, ara danga sosongo na omea igoe o aqosigira! !Tana nimu sasaga loki nogo igoe o aqosiginigira mara dangali tovua na barangengo!

Linge 33:6

E moloketsa moa na Taovia me vusaginia na baragata, me goko moa mara laba na aso ma na vula ma na veitugu.

Goko Tabana 30:4

?Laka asei e dato nogo i baragata me visu tsunamaitugua? ?Laka asei nogo e tangoliginia limana na guguri? ?Se e veqoginia na polo na kô? ?Se e molo kalavatavia na vovotana na barangengo? ?Masei na asana ia, masei na asana na dalena? Ko tsarivaniau inau ti vaga igoe o dona.

Linge 119:90

Mo mana saviliu vanigira pipi sui na vatavata na tinoni; migoe nogo o vaturia na barangengo tana sasana, mi tana nogo e totu kalavata.

Linge 78:69

Mi tana nogo aia e logoa nina Vale Tabu vaga nogo na verana i baragata; me aqosia ke totukakai vaga nogo na barangengo aia e totu kakai na dani ma na dani.

Nina Papi A Job 26:7

God nogo e taporatsania popono na masaoka, me tsauraginikaea na barangengo tana nauna e mangamanga lê.

Linge 104:2

mo gini tsatsavu popono na marara. Igoe nogo o vuresia na baragata vaga moa ti na valepolo,

Linge 93:1

Na Taovia aia nogo e taovia tsapakae. E susuliga sosongo me tangiloki na rongona. Aia nogo e vaturikakaia na barangengo, me utu goto ke ratsu bamai.

Tuturigana 2:5

e tagara goto sa gai ke totu tana barangengo me tagara goto sa vatuna na omea tsukatsuka ke vovodato, rongona aia e tau vati moloa sa usa, me tagara goto ke kesa ke aqo tana kao;

Nina Papi A Job 37:18

God e taporatsania na masaoka i gotu me bulukaea tana sasana, me gini totu kalavata i tana. ?Me laka igoe nogo o sangâ God na aqosiana?

Isaia 37:16

“Taovia Susuliga Sosongo na God ni Israel, igoe o totu tana sasamu na totukae i kelana na rapoqira na angelo, migoe segeni moa o God, mo tagaovi kaputigira na vera sui tana barangengo popono. Igoe nogo o volâ na barangengo ma na masaoka.

Jeremia 10:16

Ma nina God a Jakob e tau saikesa vaga gira igira. Aia nogo e aqosia pipi sui na omea, me viligira na Israel kara lia nina tinoni segeni nogo. Na Taovia Susuliga Sosongo aia nogo na asana.

Jeremia 27:5

Inau nogo tana susuligaqu loki, au volaginia na barangengo migira na mamatana tinoni sui, me pipi sui goto na omea tuavati ara mauri tana barangengo; mau saugira vaniasei moa inau au padangaoa na sauvaniana.

1 Turupatu Dato 16:26

Ma niqira god igira na puku tavosi sui na nununa lê moa na gai ara katsua, maia moa nida Taovia igita aia nogo e vusâ na baragata.

Linge 65:7

Igoe nogo o beatasia na kukutuna na tasi loki ma na leleona na kararana na panu; ma niqira galagugû na tinoni.

Jeremia 14:22

?Laka e totu sa niqira god na puku tavosi tangomana ke molomaia na usa? ?Me laka na masaoka segenina moa e susuliga na nauana me ke tumu na usa? ?Me laka o tau nimami God igoe? Igami ami vataraginia nimami amesi i konimu igoe, rongona igoe segeni moa o dona na nauaqira na omea sui girani.