Jeremia 1:5 - Ghari

⁵ “Au tau vati vusago moa i tobana tinamu, minau au donaginigo nogo. Mo tau vati botsa moa igoe, minau au viligo nogo ko lia na propete vanigira na puku sui.”

Jeremia 1:5 Referans Kwoze

Linge 139:16

mo reiau kalina au tau vati botsa moa. Idavia kalina au tau vati botsa moa, migoe o maretsunagira sui nogo i laona nimu papi na dani igoe o pedevaniau kau mauri tsaulia.

Isaia 49:1

!Kamu rongomiau inau igamu na tinoni tana vera ao mi tana tasi taligu! Idavia kalina au tau vati botsa inau, ma na Taovia e viliau, me moloau kau lia nina maneaqo.

Roma 8:29

Migira God e viligira nogo e molovotagira goto gana kara gini usulia a Iesu Kristo na Dalena, rongona God e ngaoa na Dalena ke ida vanigira danga na tasina.

Isaia 49:5

Au tau vati botsa moa inau, ma na Taovia e viliau nogo, me moloau kau lia nina maneaqo rongona kau pidikaevisugira nina tinoni ni Israel, igira ara viri totu piriutsa bamai. Na Taovia e padaloki sosongoliau nomoa, ma niqu God aia nogo na pukuna na susuligaqu.

Isaia 44:2

Inau nogo na Taovia au vusagamu. Me tû nogo tana dani amu botsa, minau au sangagamu. Kamu laka na matagu; igamu niqu maneaqo inau, ma niqu tinoni vivili, mau galuve sosongoligamu.

Luka 1:41

Mi kalina ko Elisabet e rongomia nina goko ko Maria, me tavongani aligiri na meomeo i tobana. Ma na Tarunga Tabu e totuvia ko Elisabet,

Luka 1:76

Migoe na dalequ, sauba kara soaginigo nina propete na Taovia nida God. Migoe sauba ko ida vania na Taovia, mo ko votisautu vania,

Binaboli 33:17

Na Taovia e tsarivania a Moses, “Inau sauba kau nau saikesalia moa na omea o nongiau igoe, rongona inau au donadouginigo igoe mau reingaogo.”

Jeremia 1:10

I dani eni nogo inau au sauvanigo gamu susuliga agana ko tagaovi kaputiginigira na puku sui. Ko vutikaegira mo ko vui pukaligira, ko toroutsanigira, mo ko tuliusigira, ko logogira, mo ko tsukagira.”

Binaboli 33:12

Ma Moses e tsarivania na Taovia, “E mana igoe o tsarinogoa vaniau kau idagana sautu vanigira na tinoni girani na vano tana kao ia, mea moa igoe o tau tsarivaniau inau laka asei sauba ke dulikoluau. Mo tsarigotoa laka o donadouginiau inau mo reingaoau.

Luka 1:15

Aia sauba ke loki sosongo i matana na Taovia. Ma nina aqo ke tau inu uaeni se kesa na ko susuliga. Ma na Tarunga Tabu sauba ke totuvia tuu tana dani ke botsa.

Roma 1:1

Inau a Paulo, inau kesa nina tinoni aqo a Iesu Kristo, au marebaa na leta iani vanigamu, igamu sui nina tinoni galugaluve ma nina tinoni vivili God amu totu i Roma mamu lia nogo nina tinoni segeni. Aia God nogo e viliau, me mologiniau kau turupatuna vanigamu na Turupatu Dou, vaga aia nogo e vekea i sau ginia na mangaqira na propete migira nogo ara maretsunaa i sau tana Mamare Tabu. Ma na Turupatu Dou iani e kalea tana rongona na Dalena God, aia nogoria a Iesu Kristo nida Taovia: laka aia e lia tinoni me botsamai tana puku konina a David; mi tana maurivisutuguana tania na mate e gini labamaka laka aia nogo na Dalena God susuliga me kesaniatsa kolua. Tana gana susuliga nogo a Iesu Kristo ti aia God e viliginiau inau kau lia na apostolo. Maia e mologiniau kau turupatuna vanigira na tinoni pipi tana vera sui, ti igira kara gini tutunina a Iesu Kristo ma kara rongomangana. Me kalegamu goto igamu amu totu i Roma, rongona God e viligamu goto mamu gini lia nogo nina tinoni a Iesu Kristo. Au nongikaira God na Tamada ma Iesu Kristo nida Taovia kara ka vangalaka vanigamu, ma kara ka tusuvanigamu na rago.

Jeremia 50:34

Maia sauba ke laumaurisigira e susuliga bâ, ma na soana aia nogo na Taovia Susuliga Sosongo. Aia segenina nogo sauba ke isutuguqira, me ke moloa na rago tana barangengo, ma na rota vanigira na tinoni ni Babilon.”

Epesus 1:22

God e mologira na omea sui i limana aia, me molokaea ke Taovia Loki tana saikolu na tinoni tutuni, kaputigira pipi sui na omea.

Ioane 10:36

Vaga ia, minau nogo aia na Tamaqu e viliau me moloau kau mai i barangengo. ?Megua vaga ti igamu amu tsaria laka inau au tsirigana God kalina au tsaria laka inau na Dalena God?

1 Korint 8:3

Maia moa na tinoni e galuvea God, ma God e donaginia aia.

Linge 139:15

Mi kalina na suliqu ara tuturiga moa na sai i tobana tinaqu, mau lokiloki popoi moa i tana, migoe o donagininogoa laka inau au totu i tana,

Jeremia 1:4

Na Taovia e goko vaniau inau a Jeremia, me tsarivaganana iani,

Jeremia 25:13

Sauba kau kedeginigira na Babilonia na rota seko loki sui vaga au katea laka kau alomai vanigira na puku sui, kalina inau au goko tana mangana a Jeremia, igira sui na vatana na rota seko loki ara maretsunagira nogo tana papi iani.

Jeremia 36:2

“Ko adia kesa na viviruna papi, mo ko maretsuna i konina pipi sui na omea inau au tsarivanigo nogo tana rongoqira na Israel ma na Juda, me pipi sui goto na puku na tinoni. Ko maretsunagira sui lakalaka pipi na omea inau au tsarivanigo, tû tana kesanina dani inau au goko vanigo, kalina aia Josia e taovia tsapakae, me tsau mai i dani eni.

Jeremia 20:15

Tana dani ia, kesa tinoni e adigokomai vania na tamaqu me tsaria, “!E botsa nogo kesa na dalemu mane!” Ma na tamaqu e rongomia na goko ia, me gini mage loki sosongo. !Ke dou bâ, ti vaga na Taovia ke vealaginigotoa na mane aia e adigokomai vania na tamaqu!