Jeremia 1:13 - Ghari

¹³ Mi muri ma na Taovia e veisuaau goto vaga iani, “?Me laka nagua goto o reia?” Minau au gokovisu mau tsaria, “Inau au morosia kesa na kuki e totopo tabana i vava, me varangi ke taqetumai tabana ieni.”

Jeremia 1:13 Referans Kwoze

Esekiel 11:7

“Bâ, miani nogoria na omea inau na Taovia God au tsarivanigamu kalina ia. Eo, e mana saikesa laka na verabau iani e vaga moa ti kesa na kuki. ?Ma na velesina gua e totu i laona? !Ma na kubuqira nogoria igira igamu amu labumatesigira ara totu i laona! !Migamu e utu saikesa kamu totu babâ moa ieni, rongona inau sauba kau tsoniligigamu sui tania na verabau iani!

Esekiel 11:3

Migira ara tsaria moa, ‘Sauba ke tau oka migita sauba ka logogira tugua na vale. Na verabau iani e vaga saikesa moa kesa na kuki, migita a vaga moa na velesi i laona, maia e utusigami tania na lake.’

Sekaria 4:2

Maia e veisuaau, “?Laka nagua o reia?” Minau au gokovisu mau tsaria, “Inau au reia kesa na gai gana na tsauragini laeti ara aqosiginia na qolumila. Mi kelana tsotsodo na gai ia e totu kesa na bilo loki na oela. Mara tu vitu na laeti ara tu tsautsau tana gai, me pipi na laeti e tamanina kesa na basa, gana ke gini liutsunamai na oela i laona talu tana bilo loki.

Tuturigana 41:32

Ma ka rongoqira na bolebole igoe o bolekaira e vaga ieni: aia God e titinogoa na taguna, me utu ke oka me ke laba.

Jeremia 24:3

Mi muri, ma na Taovia e veisuaau inau, “?A Jeremia igoe, laka nagua o reia?” Minau au gokovisu mau tsaria, “Na vuana gai mutsamutsa. Igira na vuana dou ara dou sosongo, migira na sekona ara seko sosongo, me tau saikesa dou na ganiaqira.”

Isaia 55:11

Me sauba ke vaga goto niqu goko inau. E utu ke puala lê. Me sauba nomoa ke naua na aqo sui inau au molovania ke naua.

Esekiel 12:28

Bâ, migoe ko tû mo ko ba tsaridoua vanigira laka inau na Taovia God au tsaria laka e utu goto kau kisâ. Ma na omea sui inau au tsarigira nogo niqira aqo nomoa kara laba tovu, Inau nogo na Taovia God au tsaria na omea iani!”

Amos 8:2

Ma na Taovia e veisuaau: “?A Amos, laka nagua o reia?” Minau au gokovisu vania mau tsaria, “Au reia kesa na kei na vuanagai mada.” Ma na Taovia e tsarivaniau, “E laba nogo na susuina na dani vanigira niqu tinoni ni Israel. Inau sauba e utu goto kau olia niqu papada tana rongona na kedeaqira igira.