Isaia 9:4 - Ghari

⁴ Rongona igoe nogo Taovia o adiligia na kalagai mamava e ngoligira, mo kutsia na gai ara ramitsiginia na kokoveqira. Igoe nogo o tuliusigira na tinoni ara bingi sekoligira mara tsogori tsunaligira nimu tinoni, vaga nogo kalina o tuliusigira na alaala na mane vaumate ni Midian i sau.

Isaia 9:4 Referans Kwoze

Isaia 14:25

Inau sauba kau matesiligigira na Asiria ara totu i laona niqu butona kao ni Israel, ma kau butu i kelaqira tana niqu vungavunga. Inau sauba kau tsebatsunâ na kalagai mamava igira na Asiria ara moloa tana kokoveqira niqu tinoni.

Jeremia 30:8

Na Taovia Susuliga Sosongo e tsaria: “Mi kalina ke labamai na dani ia, inau sauba kau bokuligia na tapana gai tania na lioqira, ma kau nusiligigotoa na itai tapala ara soriginigira, me utu goto kara aqo mala tseka vanigira na tinoni ni veratavosi.

Nahum 1:13

Igira na Asiria ara tangoli kaputigamu igamu, mi kalina ia minau sauba kau suilavaginia gaqira susuliga, me ke utu vanigira goto kara bingi sekoligamu.”

Isaia 54:14

Sauba kau vaturikakaia na pedegoto i laomu mo ko gini susuliga. Me tagara goto ke kesa ke bingi sekoligo, me utu goto ko matagunitugua sa omea.

Isaia 49:26

Inau sauba kau naua migira ara bingi sekoligo kara vaimatesigi segeni, ma kara gini bule na labumate ma na momosatoba loki. Mi tana ti igira na mamatana tinoni sui kara donaginia laka inau nogo na Taovia, mau laumaurisigo, mau suivisugo, me laka inau nogo niqira God susuliga igira na Israel.”

Aqo Manetabu 26:13

Inau na Taovia nimui God inau nogo au adirutsumigamu tania na vera ni Ejipt, rongona igamu kamu tau nogo tseka. Minau nogo au adiligia gaqira susuliga igira ara bingi sekoligamu mamu gini pidikae tugua.”

Tuturigana 27:40

Migoe sauba ko gini mauri nimu isi, me sauba ko lia moa nina tseka na kulamu. Me atsa moa e vaga, migoe kalina ko piloligi tania, me sauba igoe ko tangomana na tsidavaginiana nina tagao.”

Isaia 10:5

Ma na Taovia e tsaria, “!Asiria! Asiria nogo e lia niqu tubi gana kau kedeginigira igira au kore loki vanigira.

Linge 125:3

Igira na vanga tsutsukibo e utu kara tagaovikaputi sailaginia na veraqira na tinoni e goto niqira sasaga. Me ti vaga kara nauvaganana ia, me tau utu igira segeni goto na tinoni dou kara naua na omea e seko.

Isaia 51:13

?Laka amu padalenogoa na Taovia aia e aqosigamu, aia e tatakatsinia na masaoka, me moloa na papakana na barangengo? ?Ma na rongona gua ti igamu amu matagunia moa niqira momosatoba igira ara bingi sekoligamu, mara vangaraua laka kara toroutsanigamu? Niqira momosatoba loki igira e utu goto ke pelegamu.

Isaia 47:6

Inau au kore sosongo vanigira niqu tinoni, mau tau nogo nauvaganana vanigira laka ti igira niqu tamani. Inau nogo au mologira i limamu, migoe o tau goto gaegira, me atsa moa igira na tuqatuqa ma na dakidaki migoe o rotasi sosongoligira goto.

Linge 81:6

“Inau nogo au sulutsunâ na kalagai mamava tania na kokovemui; mau adiligia na tsupu na vatu amu tabeleginia na limamui.

Isaia 9:5

Gaqira porotua igira na gala ma na poloqira sui ara liasigabu sauba kara viri iru sui tana lake.

Isaia 16:4

Kamu tamivanigami kami totu moa i laona nimui butona kao. Kamu didigami tanigira igira ara ngaoa na toroutsaniamami. “Igami ami dona nogo laka kalina kara vanoligi igira ara bingi sekoligami, mara rotasi sosongoligami, mara toroutsania nimami butona kao,

Isaia 52:2

Jerusalem, igoe o totu sosori kalina ia, ko tû mo ko tsapuligia na papasa tania na konimu, mo ko nusiligia na itai tapala ara soriginigo, mo ko ba totukae tugua tana nimu sasana na totukae.

Jeremia 48:17

“Kamu tangisia na puku ia, igamu sui amu totu varangisia, mamu donaginia gana tangirongo. Kamu tsaria, ‘Gana susuliga ma gana tangirongo na Moab e puka sui nogo.’

Isaia 10:16

Na Taovia Susuliga Sosongo sauba ke molomaia na lobogu seko gana ke kedeginigira igira na mane vaumate susuliga ni Asiria. Ma na lake sauba ke iruiru sailagi i laona na koniqira.