Isaia 9:3 - Ghari

³ Taovia igoe nogo o naua migira nimu tinoni ara gini lia tugua na puku loki; mo nauvanigira mara gini magemage. Ara gini magemage i matamu, vaga moa kalina ara angunimai i vera na lakana loki ara tsurivia tana niqira uta, me vaga goto kalina igira na mane vaumate ara gini mage loki na tuvarivotaana na omea ara laua tana vailabu.

Isaia 9:3 Referans Kwoze

Linge 119:162

Au gini mage loki sosongo inau tana rongoqira nimu veke, vaga saikesa nogo kalina kesa e tsodovulagia kesa na moi e danga na qolo i laona.

1 Petero 1:8

Me atsa moa ti amu tau vati reilakana moa a Iesu Kristo, migamu amu galuvenogoa. Amu tutunina, atsa moa ti amu tau morosilakana kalina eni. Mamu gini magemage tana mage loki e utu na tsaritutuguana tana goko.

Isaia 26:15

Taovia, igoe o naua me gini pabo nimami puku, mo ratsua nimami butona kao pipi tabana, mi tana omea vaga nogo iani te ara tsonikaeginigo na tinoni.

Isaia 66:10

“Kamu magemage kolua na Jerusalem kalina ia igamu sui amu tangisia i sau. !Eo, pipi gamu sui amu padalokia na Jerusalem, kamu gini magemage loki tana rongona aia!

Isaia 65:18

Ke dou na tobamui ma kamu gini magemage sailagi tana rongona na omea au vusagira. Na Jerusalem vaolu inau sauba kau aqosia ke lia na vera na mage, migira nina tinoni sauba kara magemage sailagi.

Isaia 35:10

Me sauba kara gini mage na labavisutugua i Jerusalem, ma kara lingelinge ma kara gugudato tana magemage. Me sauba kara magemage na dani ma na dani, me ke tau goto ngoligira na melu ma na vatsangi savi.

1 Samuel 30:16

Maia e ida vania a David mara ka ba tsau tana ara totu igira na Amalek. Migira ara totu tavota bamai, mara mutsa mara inu mara gavai, mara gini mage sosongo rongona na omea danga ara laugira tana Pilistia mi tana Juda.

Luka 11:22

Me ti ke labamai goto ke kesa na mane tavosi ke susuliga baa liusia aia me ke labua, maia sauba ke lauligia pipi sui gana sagore aia na tamanina na vale e gini tsotsovata i konina, me ke tuvarivotagira na omea sui aia e komia i konina.

Linge 4:7

Eo, ma na magemage dou igoe o saunogoa vaniau aia e loki liusi sosongolia bâ na mage ara tamanina igira, kolu pipi sui niqira lakana na mutsa ma na uaeni.

Pilipi 4:4

Kamu magemage sailagi i laona nimui mauripata koluana na Taovia. !Eo, mau tsaritugua vanigamu: kamu magemage!

Sekaria 10:8

“Minau sauba kau soasaigira niqu tinoni, ma kau maurisigira, ma kau naua ma kara gini danga vaga nogo i sau.

Sekaria 8:23

Mi tana tagu ia, sauba kara tu sangavulu na mane ni veratavosi kara tu mai i konina kesa moa na tinoni ni Juda ma kara tu tsarivania, ‘Ko tamivanitugami kami tu tsarimurimu, rongona ami tu rongomia laka God e totu kolugamu igamu na Juda.’ ”

Sekaria 2:11

Mi tana tagu ia sauba kara danga na puku tavosi kara mai konina na Taovia ma kara lia goto nina tinoni segeni. Maia na Taovia sauba ke totu i laomui, mi tana ti igamu kamu donaginia laka aia nogo e molomaiau vanigamu.

Hosea 4:7

“Igamu na manetabu e pabo babâ na dangamui, me gini pabo babâ goto na dangana na sasi amu nauvaniau inau. Igira na tinoni ara padalokigamu kalina ia, eo, minau sauba kau paluvangamamui.

Jeremia 31:7

Na Taovia e tsaria, “Linge dato tana magemage tana rongona na puku ni Israel, aia e loki tsapakae bâ i laoqira na puku sui tavosi. Kamu linge ma kamu tsonikaea na Taovia ma kamu tsaria, ‘Na Taovia e maurisigira nina tinoni ni Israel; e laumaurisigira sui igira ara kauvisu.’

Isaia 61:10

Eo, na vera ni Jerusalem e gini magemage me tsonikaea na Taovia tana rongona na omea loki aia e naua vania. Aia e poroginia na polo na mauri saliu, me tsavuginia na polo na sasaga gotolaka, vaga nogo na mane tauga vaolu e sagelia gana inilau, ma na daki tauga vaolu e kulikuli me katsele, me sagelia gana liolio.

Isaia 61:7

I sau ara paluvangamamui sosongo mamu gini vangamâ na totu sekoseko lê. Bâ, mi kalina ia sauba kamu totuvitugua nimui butona momoru segeni, ma kamu tamani omea danga sosongo bâ liusigira na omea amu tamanina tana idana, ma nimui magemage sauba ke totu saviliu.

Isaia 55:12

“Igamu sauba kamu mololea na Babilon tana magemage, ma kau adirutsumigamu tana rago. Migira na vungavunga ma na tetena kara tavongani linge kalina kara reigamu, migira sui na gai sauba kara gudato tana mage ma kara tapotapo.

Isaia 54:1

Na Taovia e goko me tsaria, “Jerusalem, igoe o vaga kesa na daki mamane, mi kalina ia ko lilinge mo ko gudato tana mage, rongona sauba kara danga na dalemu, liusia na daki na savana e totu moa i konina.

Isaia 35:2

Na kaomate sauba ke lilinge me ke gudato tana mage; me sauba ke rereidou saikesa vaga nogo na Vungavunga ni Lebanon, migira na omea tsukatsuka i laona sauba kara dato magobu dou saikesa, vaga moa i laona na uta tana Vungavunga Karmel, mi tana poiatsa ni Saron. Mi tana tagu ia migira na tinoni sui sauba kara reivulagia gana loki tsapakae na Taovia, ma na susuligana loki nida God.

Isaia 25:9

Mi kalina kara reia na omea sui kara laba vaga ia, me sauba na tinoni sui kara tsarivaganana iani, “!Aia saikesa nogo nida God manana igita! Aia nogo igita a vataragi kakai i konina, maia e tû me laumaurisigita. !Aia manana nogo na Taovia! Aia nogo igita a vataragi i konina, mi kalina ia igita a gini magemage me gini dou sosongo tobada rongona aia e maurisigita nogo.”

Isaia 12:1

Me maimai nogo na tagu i tana igira na tinoni kara linge ma kara tsaria, “!Taovia, inau au tsonikaego! Atsa moa ti igoe o kore vaniau tana idana, mi kalina ia o tau nogo kore vaniau, mo vereau moa.

Linge 107:38

Aia e vangalaka sosongo vanigira nina tinoni, migira ara tamanina e danga na daleqira; mara pabo babâ goto niqira alaala na buluka.

Nehemia 9:23

Mo sauvanigira danga na daleqira vaga saikesa nogo na veitugu tana masaoka, mo tamivanigira kara laua niqira kao gaqira gala ma kara totuvia, aia na kao o vekenogoa ko sauvanigira na mumuaqira.

Tinoni Pede 5:3

!Kamu rorongo igamu na taovia tsapakae! !Kamu rorongovata igamu sui na tagaovera! Inau sauba kau linge, ma kau taia niqu tuqulu vania niqira God igira na Israel, aia nogo na Taovia.

Aqoaqo 8:8

Mara gini mage loki sosongo na tinoni sui tana vera loki ia.

Nina Papi A Job 12:23

Maia nogo e naua mara gini susuliga mara tangirongo na veraloki, mi muri maia e bâ me tuliusigira me toroveogira tugua.

Isaia 65:14

Igira sauba kara lilinge tana magemage, migamu sauba kamu ngangai tana tobamelu.

Aqo Manetabu 26:13

Inau na Taovia nimui God inau nogo au adirutsumigamu tania na vera ni Ejipt, rongona igamu kamu tau nogo tseka. Minau nogo au adiligia gaqira susuliga igira ara bingi sekoligamu mamu gini pidikae tugua.”

Tinoni Pede 7:22

Mi kalina nina mane vaumate a Gideon ara uvigira babâ moa niqira tavuli, maia na Taovia e naua migira na alaala na gala ara vailabugi segeniqira ginia niqira isi segeni. Ara viri ulo bâ kalea i Saretan mara ba tsau i Bet Sita, me tsau tana vera ni Abel Mehola varangisia i Tabat.

Tinoni Pede 8:12

Mi kaira a Seba ma Salmuna kaira ruka na taovia tsapakae ni Midian, ara ka tsogoligi moa, maia Gideon e takuvitsarikaira me ba tangolikaira, migira sui ka niqira mane vaumate ara viri tsogo saranga bamai sui lakalaka.

Isaia 10:26

Inau na Taovia Susuliga Sosongo, sauba kau rarusiginigira niqu uipi vaga au nauvanigira na tinoni ni Midian tana Maragova ni Oreb. Me sauba kau kedegira na Asiria vaga nogo au kedegira na Ejipt i sau.

Isaia 14:5

Na Taovia e suilavagini vanigira nogo gaqira susuliga igira na tagaovera seko,