Isaia 61:3 - Ghari

³ ma kau tusuvanigira igira ara ngangai i Sion na magemage loki ke oliginia niqira ngangai, ma na linge na tsonikae ke oliginia niqira melu. Sauba kara vaga na gai kakai aia segenina nogo na Taovia e tsukagira. Migira sui sauba kara naua moa na omea ke gotolaka, ma kara tsonikaea God tana rongona na omea loki aia e naua.

Isaia 61:3 Referans Kwoze

Linge 30:11

Igoe o olinogoa niqu tangitangi me gini lia na linge ma na gavai; migoe o adiligi taniau niqu melu mo pologiniau na magemage.

Ioane 16:20

Inau au tsarivanigamu na manana: sauba kamu ngangai ma kamu tangitangi, ma na barangengo aia sauba ke magemage rago, eo, sauba rago kamu melu, ma nimui melu sauba ke lia na magemage.

Isaia 61:10

Eo, na vera ni Jerusalem e gini magemage me tsonikaea na Taovia tana rongona na omea loki aia e naua vania. Aia e poroginia na polo na mauri saliu, me tsavuginia na polo na sasaga gotolaka, vaga nogo na mane tauga vaolu e sagelia gana inilau, ma na daki tauga vaolu e kulikuli me katsele, me sagelia gana liolio.

Sasani Sasaga 9:8

Ko sagelia na polo dou mo ko tsonia na ko sisigini dou tana ivumu.

Linge 45:7

Igoe o reingaoa na omea e goto mo reisavia na omea e seko. Aia nogoria na rongona ti aia God nimu God e viliginigo igoe me ninaginigo na oela na mage liusigira sui na taovia tsapakae tavosi.

1 Petero 2:9

Migamu, amu nina mamatana tinoni vivili ma nina manetabu God na Taovia Tsapakae. Mamu lia nogo na vera tabu loki, ma nina tinoni segeni nogo God. Aia e viligamu kamu gini tsarivulagigira na omea loki God e nauvanigamu kalina aia e soa rutusumiligigamu tania na totu rodo, me tudumi sagegamu tana nina marara loki segeni nogo ia.

Linge 23:5

Igoe o vangarau manogatia na mutsa vuruga laka vaniau, i mataqira sui gaqu gala; mo soalakaau mala tinoni loki, mo dangalia niqu bilo me danga tsiriri.

1 Korint 6:20

God nogo e tamanigamu, rongona e voliginigamu na matena loki. Vaga ia, ma na konimui kamu gini aqo moa tana tsonikaeginiana God.

Sekaria 3:5

Maia e ketsaligira na angelo ara totu kolua kara virigia kesa na sangava na polo male dou i lovana a Josua. Migira ara naua, mi muri mara sageli vania na polokatsi vaolu kalina aia na angelo na Taovia e tutû moa i tana.

Pilipi 1:11

Ma na maurimui sauba ke gini danga i konina na sasaga doulaka, vaga a Iesu Kristo segeni moa e dona na moloana i tobamui, rongona kamu gini tsonikaea ma kamu soaloki sailaginia God.

Mateo 5:16

Migamu kamu vaga saikesa goto ia. Na douna nimui sasaga tana maurimui ke labamaka i mataqira na tinoni. Migira kara reiginia nimui aqo dou amu naua, ma kara tsonikaeginia na Tamamui i gotu.

Esta 8:15

Ma Mordekai e tû me mololea na valena na taovia tsapakae, me sagelia na polo na taovia tsapakae e bora me sere, ma na polo na tsavugotu ara vosiginia na terete vovosi laka tsitsibora, ma na kepi qolumila rereidou sosongo i lovana. Me pipi sui tana nauna i laona na Susa e tangidato moa na gû na magemage.

1 Petero 4:14

E dou manana vanigamu kalina ti kara soasekoligamu matena igamu nina tinoni a Iesu Kristo. Maia nogo na papadana laka nina Tarunga Tabu God, aia na Tarunga na Marara, e totu pukuga nogo i laona na tobamui.

Luka 15:22

“Ma na tamana e soamaigira nina maneaqo me tsarivanigira, ‘Kamu tsaku, ma kamu adimaia na polo sagesage dou baa ma kamu sagelivania. Sagelaginia na ringi tana kakauna, ma na porotua tana tuana.

Esta 9:22

Karani nogo ruka na dani i tana igira na Tsiu ara matesiligigira gaqira gala; iani nogo na vula i tana na tagu na melu loki ma na padasavi e oli me lia na tagu na magemage loki. Mara tsarivanigira kara lokisia na papadana kaira na dani karani tana mutsasai ma na vaituvarigi na vangalaka na mutsa, ma kara palagira goto igira ara tau tamanina sa omea.

2 Tesalonika 1:10

tana Dani Loki kalina aia ke labavisumaitugua, migira nina tinoni sui ara tutunina ia kara tsonikaea ma kara tsuporu vania. Migamu goto sauba kamu totu kolugira igira, rongona amu tutunina nogo na omea tugami ami tu tsarivanigamu.

Ioane 15:8

Kalina ti vaga kamu molo vuamui danga, sauba ke gini labamaka na mararana na Tamaqu, ma kamu gini lia gaqu duli manana inau.

Linge 104:15

ma niqira uta na uaeni gana kara gini magemage, ma niqira oela na olive gana ke gini angaanga dou na kokoraqira, ma gaqira bredi kara gini susuliga.

Isaia 12:1

Me maimai nogo na tagu i tana igira na tinoni kara linge ma kara tsaria, “!Taovia, inau au tsonikaego! Atsa moa ti igoe o kore vaniau tana idana, mi kalina ia o tau nogo kore vaniau, mo vereau moa.

Mateo 15:13

Ma Iesu e tsarivanigira, “Pipi sui na omea tsukatsuka igira na Tamaqu i gotu e tau tsukagira, sauba nomoa aia ke tuu me ke vutiligigira.

1 Korint 3:9

Kagami ami ka pata tana aqo vaniana God. Migamu, amu nina uta God ma nina vale God. Tau ka nimami kagami.

Hibru 1:9

Igoe o reingaoa na omea e goto, mo reisavia na omea e sasi. Aia nogoria na rongona te aia God, nimu God, e viligo, me tusuvanigo na magemage ma na tangisoa e loki tsapakae liusigira sui gamu duli.”

Linge 149:4

Na Taovia e reingao sosongoligira nina tinoni; E molokaegira igira ara palatsuna mara gini tangomana tana vailabu.

Isaia 26:2

Sangavia na matsapakapuna na verabau ma kara gini sagemai igira na tinoni ara totukakai i konina God, mara naua moa na omea e gotolaka i matana.

Isaia 44:23

!Ko gudato tana magemage igoe na baragata! !Ma kamu gû dato igamu sui goto amu totu i vavana na barangengo! !Kamu gudato tana magemage igamu na vungavunga me pipi sui na gai i laona na goana atsi! Na Taovia e sauvulagia gana loki tsapakae tana laumaurisiaqira na Israel igira nina tinoni segeni.

Isaia 46:13

E mai varangi nogo na dani i tana kau laumaurisigamu, me utu goto kau kisâ. Sauba kau naua me ke dou visutugua na verabau ni Jerusalem, me ke gini labamaka gaqu tangirongo ma na susuligaqu i laomui igamu na Israel.”

Isaia 52:1

!Jerusalem, ko susuliga me ke tangitugua gamu rongo! !Igoe nina verabau tabu God, ko sagelia gamu inilau angaanga! Igira na ponotoba sauba e utu goto kara sagemai i laomu.

Jeremia 31:13

Mi tana, migira na baka daki sauba kara gavai tana magemage, migira na mane vaolu ma na tuqatuqa sauba kara magemage loki. Inau sauba kau veregira, ma kau suilavaginia niqira melu ma niqira tangitangi, ma kara totu moa tana magemage.

Esekiel 34:29

Inau sauba kau sauvanigira na kao lakataga dou ma kara tau goto vatsangia na vitoa. Migira na puku tavosi e utu goto kara peagira tugua.

Esekiel 47:7

mi kalina inau au ba tsautugua i tana, mau morosia laka ara dato danga sosongo na gai ruka tabana na kô ia.

Linge 30:12

Vaga ia, me sauba e utu saikesa vaniau kau totu mui lê; sauba nomoa kau linge ma kau tsonikaego igoe. Taovia igoe nogo niqu God, me sauba kau soadougo na dani ma na dani.