Isaia 6:10 - Ghari

¹⁰ Mi muri maia e tsarigotoa vaniau, “Ko naua me ke pono na tobaqira, mo ko ponotia na kuliqira, mo ko maturukapusia na mataqira, rongona ti vaga kara morosiginia na mataqira, ma kara rongomiginia na kuliqira, ma kara padagadoviginia na tobaqira, me sauba kara pilovisumai i koniqu inau, ma kau maurisigira.”

Isaia 6:10 Referans Kwoze

Mateo 13:15

Rongona e pono sosongo na tobaqira; mara ponotia na kuliqira, mara maturukapusia na mataqira. Eo, ara nauvaganana ia rongona ara tau ngaoa kara morosiginia na mataqira, ma kara rongomiginia na kuliqira, ma kara padagadoviginia na tobaqira, ti igira kara gini pilovisumai i koniqu inau, ma kau maurisiginigira, e tsaria God.’

Aqoaqo 28:27

rongona e pono sosongo na tobaqira na tinoni girani, mara ponotia na kuliqira, mara maturukapusia na mataqira. Ara nauvaganana ia, rongona ara tau ngaoa kara morosiginia na mataqira, ma kara rongomiginia na kuliqira, ma kara padagadoviginia na tobaqira, ti kara gini pilovisumai i koniqu, e tsaria God, minau kau maurisigira.’ ”

Jeremia 5:21

Kamu rorongo dou igamu na tinoni bubulega tau sasaga. Igamu amu tamani matamui, mamu tau moa morosi gadoviginia sa omea. Mamu tamani kulimui, mamu tau moa gini rorongo.

Jeremia 6:10

Minau au tsarivania, “?Masei ke rongomiau inau ti vaga kau goko vanigira ma kau parovatavigira? Igira ara tsatsarae sosongo, mara sove saikesa na rongomiana nimu goko; mara kiataginia na omea igoe o ketsaliginiau kau tsaria vanigira.

Sekaria 7:11

“Eo, migira niqu tinoni ara tsatsarae sosongo mara sove na rorongo. Ara vongoa niqira papada,

Isaia 63:17

?Egua vaga ti o tamivanigami kami mololea nimu sautu ma kami sarevo bamai lê tanigo? ?Matena gua ti o tabarusia nimami sasaga mami gini tau nogo kukuni tanigo? Taovia ami nongigo ko visumaitugua i konimami igami nimu tinoni, na puku igoe o vilinogoa ke lia nimu tamani segeni nogo.

Isaia 29:10

Na Taovia nogo e naua migamu amu gini maturu toto, me varangi nogo kamu maturu tatanu. Niqira aqo nogo igira na propete kara lia vaga na mataqira na tinoni, ma God e tsavupoia na mataqira.

Na Vaolusi Ketsa 2:30

“Maia Sihon na taovia tsapakae ni Hesbon e tau tamivanigita ka liu taligu tana nina butona kao. Ma na Taovia nimui God e naua maia a Sihon e gini tsatsarae me petsakoe sosongo, rongona igita ka gini tangomana na tuliusiana ma na lauana nina butona kao, na kao aia igita a tototu moa i laona kalina ia.

Linge 17:10

Mara tau goto galuveau mara goko kaekae sosongo.

Na Vaolusi Ketsa 32:15

“Igira nina tinoni na Taovia ara tamani omea danga, me atsa moa e vaga ia, migira ara petsakoe mangana moa; ara mutsa sosongo me gini subu na tobaqira. Igira ara piloligi tania God aia e aqosigira mara sove tania niqira vagamauri susuliga.

Linge 119:70

Igira na tinoni girani ara tau lelê sasaga, minau moa au tsodoa gaqu magemage tana muriana nimu ketsa.

Binaboli 14:17

Minau sauba kau momosalia na tobaqira na tinoni ni Ejipt, ma kara gini ngaoa na ulotsari ma na takuviamui, mi tana nogo ti sauba igira na tinoni kara tsonikaeginiau kalina kara reia laka au tangomana na tuliusiana gaqira taovia tsapakae na Ejipt, kolua nina alaala na malagai, nina terê, migira sui goto na mane ara sage tana ose.

Binaboli 11:10

Mi kaira a Moses ma Aaron ara ka naugira nogo pipi sui na valatsatsa girani i matana na taovia tsapakae, ma na Taovia e naua, me gini tsatsarae babâ moa na taovia tsapakae ni Ejipt, me tau goto tamivanigira na tinoni ni Israel kara mololea na verana.

Binaboli 10:27

Ma na Taovia e naua, me gini tsatsarae babâ moa na taovia tsapakae, maia e tau goto tamivanigira kara vano.

2 Korint 2:16

Vanigira igira ara kalea na mate saliu, na vuruna ia e vaga na siginina na mabuluna kesa na omea e mate, me matesigira; me vanigira igira ara muria na sautuna na mauri saliu, ma na vuruna ia e vaga na bulunagai uruuru dou e maurisigira. ?Masei nomoa tugua ke naua na aqo vaga ia na rasavaginiana na Turupatu Dou tana rongona a Iesu Kristo?

Aqoaqo 3:19

E dou kamu padasavi ma kamu pilovisutugua i konina God, ma kara gini tanusi nimui sasi. Me ti kamu nauvaganana ia,

Isaia 19:22

Na Taovia sauba ke kedegira na tinoni ni Ejipt, mi muri maia sauba ke maurisigira tugua. Migira sauba kara pilo bâ i konina, maia sauba ke rongomia niqira nonginongi me ke tali maurisigira.

Binaboli 7:3

Minau sauba kau naua ma na taovia tsapakae ke tsatsarae sosongo me ke tau ngaoa na rongomangaqu, atsa moa ke danga na omea mataguniga kau naugira i laona na Ejipt.

Ioane 12:40

“God e dokolia na mataqira, me vongokapusia na tobaqira, rongona na mataqira ke tau momoro, ma na tobaqira ke tau padagadovia, ma kara gato na pilomai i koniqu inau, ti inau kau maurisigira, e tsaria God.”

Na Vaolusi Ketsa 29:4

Me tsaumai i dani eni, maia e tau vati tamivanigamu kamu padagadovia na omea igamu amu liu nogo i laona.

Na Vaolusi Ketsa 31:20

Inau sauba kau adibagira tana kao lakataga dou vaga au vekenogoa vanigira na mumuaqira. Me sauba kara totu dou i tana, ma kara tamanina pipi sui na mutsa igira ara ngaoa. Me atsa moa ke vaga ia, migira sauba kara piloligi taniau, ma kara ba samasama vanigira na god peropero. Sauba kara sove taniau moa inau, ma kara tau manalia niqira tabana na vaitasogi ara naukoluau,

Linge 69:23

!Ko dokolia na mataqira ma kara koko sui! !Ko naua me ke viri maluku sui na gotuqira!

Isaia 29:14

Me vaga ia, minau sauba kau nauvanigira tugua na omea ganataga loki gana kau novotiginigira. Ma kau tabarusia niqira papada igira na tinoni sasaga, ma kara tau nogo sasaga, ma kara tau goto tangomana na padagadoviana sa omea.”

Isaia 44:18

Na tinoni vaga gira ara tau saikesa sasaga mara tau goto donaginia nagua ara naua. Ara vongoa na mataqira ma na papadaqira gana kara tau donaginia na manana.

Jeremia 17:9

“?Asei nomoa tangomana ke padagadovia na tobana tinoni? Aia e dona sosongo na valovalo. E seko sosongo manana, me utu goto ke dou visutugua.

Tangitangi 3:65

!Ko vealaginigira me ke ponopala saikesa na tobaqira!

Sekaria 11:15

Mi muri, ma na Taovia e tsarigotoa vaniau, “Bâ, mi kalina ia igoe ko lia na mane reitutugusipi gatogato lê.

Na Vaolusi Ketsa 29:3

Igamu amu morosinogoa na rota seko loki, na valatsatsa, ma na omea ganataga loki aia na Taovia e naugira.

Goko Tabana 16:30

Ko parovata dou i koniqira igira na tinoni ara dona na kia langisi ma na matakuru vanigo; i tobaqira ara padanogoa na nauana na omea seko.

Sasani Sasaga 3:3

Na tagu na labumate ma na tagu na tatali, na tagu na veo vale ma na tagu na logoana.

Isaia 28:13

Aia nogoria na rongona ti na Taovia sauba ke adivisutatua pipi na tsaqina goko gana ke sasaniginigamu. Mi tana ti igamu kamu tubulagi pipi tana tsakutua kamu naua. Migira na gala kara mai ma kara bokaligamu, ma kara sogotigamu, ma kara aditsekavanogamu.

Isaia 29:9

!Bâ, igamu na tinoni ni Jerusalem, kamu bule rago! !Bâ, ma kamu koko moa! !Kamu ulaula me tau tana rongona amu inu uaeni! !Kamu tapulepule bamai, me tau laka amu inuvuia sa inu papara!