Isaia 53:3 - Ghari

³ Igita sui a reisavia moa ma sove tania. Maia e berengiti moa tana rota loki ma na vatsangisavi ara gadovia. Me tagara goto ke kesa ke ngaoa na moro bâ i konina aia. Igita sui a reipea moa vaga moa ti aia na omea lê.

Isaia 53:3 Referans Kwoze

Mateo 26:67

Mara tsuvelia na ngorana mara lumua. Me visana ara davaa mara tsaria,

Isaia 53:10

Ma na Taovia e goko me tsarivaganana iani, “Inau nogo au pede vania ke gadovi rota loki vaga ia, ma na mateana e lia ngiti kodoputsa gana na sese mateqira na sasi. Me vaga ia, ti sauba aia ke mauri oka, me ke reigira na kukuana kara botsamai i muri, mi konina nogo ia ti inau kau manaligira na omea sui au pede manogatinogoa.

Isaia 49:7

Na God tabu, aia na vagamaurina na Israel, e goko vania nina maneaqo aia ara reisavi sosongolia igira na puku tavosi sui, me totu mala tseka vanigira na tinoni tagao, me tsarivani vaganana iani, “Igira na taovia tsapakae ma na tinoni lokiloki sauba kara morosigo igoe kalina ko totu tanusi, ma kara tû ma kara tsuporu tsuna i matamu tana kukuni. Na omea vaga iani sauba ke laba manana, rongona inau na Taovia na God tabu ni Israel au viligo nogo ko lia niqu maneaqo, me utu goto kau tau manalia na omea inau au vekenogoa vanigo.”

Marko 14:34

“E melu sosongo tobaqu inau, me varangi kau gini mate. !Tugamu kamu tu totu ieni, ma kamu tu mamata koluau!”

Isaia 53:4

“Eo, ma na rota ma na vatsangi savi e tugua ke gadovigita igita tana rongona nida sasi, aia e adigira bâ i konina segeni me rota mateqira. Mi kalina igita a reia aia e rota loki vaga ia, migita a pada moa laka God nogo e kedea matena nina sasi segeni aia e tsukia.

Hibru 5:7

Mi kalina a Iesu e mauri i barangengo, me danga kalina aia e nonginongi kakai me ngangai dato (vania) God, rongona aia segeni taingoimana ke maurisia tania na mate ti vaga aia ke ngaoa. Ma na rongona a Iesu e kukuni tania God, me molotsuna segenina i matana, te aia God e rongomiginia nina nonginongi.

Isaia 50:6

Mau tamivanigira na gotuqu gana kara ramitsia. Mau tau goto tukapusigira kalina ara gokopea vaniau, mara tatavutia na ivuna na ngolaqu, mara tsuvelia na mataqu.

Hibru 4:15

Nida Mane Tabu Loki ia, e tau vaga kesa ke tau dona ke vatsangi kolugita tana malukuda. Tagara. Nida Mane Tabu Loki igita, e vatsangigotoa na tabotabo sui vaga ara gadovigita igita, me tau moa gini puka tana sasi.

Luka 9:22

Me tsarigotoa vanigira, “Inau na Dalena Tinoni, niqu aqo nomoa kau rota loki, ma kara sove taniau igira na tinoni loki ma na taovia na lotu, migira goto na tarai na Ketsa. Me sauba kara matesiau, mi murina tolu na bongi, minau sauba kau maurivisutugua tania na mate.”

Luka 16:14

Igira goto visana na Parisii ara rongomia kalina a Iesu e goko vaga ia, mara gini gilugana rongona igira nogo ara padaloki sosongolia na qolo.

Luka 8:53

Migira sui tana ara gilugana a Iesu, rongona ara donamaka laka na baka ia e matepitsu nogo.

Marko 15:19

Mara adia na gai mara labuginia na lovana, mara tsuvelia, mara tsunatuturu i matana, mara tsuporu vania.

Marko 9:12

Ma Iesu e tsarivanitugira, “Eo, e mana nomoa laka nina aqo nogo a Elija ke ida ke visumai talu, me ke vangarau manogatigira na omea sui. ?Ma na rongona gua te ara maregotoa tana Mamare Tabu laka na Dalena Tinoni sauba nomoa ke rota sosongo, migira na tinoni kara sove tania?

Ioane 11:35

Ma Iesu e ngangai.

Ioane 8:48

Mara tsarivania a Iesu, “?Egua, laka ami tau tsarigadovia laka igoe kesa na Samaria me totuvigo na tidao?”

Mateo 27:63

“Taovia, ami padatugua kesa nina goko na mane vanga pero ia e tsaria kalina aia e mamauri moa. E tsaria laka i murina tolu moa na dani, maia sauba ke maurivisutugua tania na mate.

Mika 5:1

!Igamu na toga ni Jerusalem kamu soasaigira nimui alaala na mane vaumate! !Igira na gala ara mai tupolinogoa na verada! !Mara labunogoa gada tagaovera igita na Israel!

Sekaria 11:8

Me utu goto kau berengiti na reiana tu niqira sasaga tugira tolu na reitutugu sipi tavosi, mi laona kesa moa na vula minau au tsialigitugira. Mau qisi goto tana rongoqira na sipi ara reisaviau inau.

Na Vaolusi Ketsa 32:15

“Igira nina tinoni na Taovia ara tamani omea danga, me atsa moa e vaga ia, migira ara petsakoe mangana moa; ara mutsa sosongo me gini subu na tobaqira. Igira ara piloligi tania God aia e aqosigira mara sove tania niqira vagamauri susuliga.

Luka 19:41

Mi kalina a Iesu e tsau nogo varangisia i Jerusalem, maia e morosia na vera me melu tobana me tangisia,

Linge 69:29

Inau au totu moa i laona na rota me ponopala saikesa na tobaqu. !Migoe niqu God ko savokaeau mo ko maurisiau!

Marko 10:33

Ma Iesu e tsarivanigira, “Kamu rorongo. Igita a vano i Jerusalem. Mi tana inau na Dalena Tinoni, sauba kara sauligiau i limaqira igira na taovia na lotu ma na tarai na Ketsa. Migira sauba kara pedematesiau, mi muri, ma kara moloau i limaqira na tinoni ponotoba.

Marko 10:34

Migira sauba kara gilugaqu, ma kara tsuveliau, ma kara ramitsiau, ma kara matesiau. Mi tana tolunina bongi i muri minau sauba kau maurivisutugua.”

Isaia 52:14

Igira na tinoni danga ara gini beke sosongo kalina ara reia na ngorana ma na konina e viri bokaboka me tsomo, me gini tau goto tangomana na reigadoviana. E tau saikesa nogo rerei vaga sa tinoni.

Linge 88:4

Inau au vaga saikesa nogo igira sui ara ngari mate; au tau saikesa nogo susuliga.