Isaia 53:1 - Ghari

¹ Migira na toga ara tsaria, “?Asei nomoa sauba ke tutunina na omea igita a vasini rongomia kalina ia? ?Masei nomoa tangomana ke reigadovia na limana na Taovia i laoqira na omea vaga girani?

Isaia 53:1 Referans Kwoze

Ioane 12:38

E laba vaga ia rongona ke gini manatovu nina goko a Isaia na propete kalina aia e tsaria: “?Taovia, masei nomoa sauba ke tutunina na goko vaga igami ami gini goko vanigira? ?Laka i konina asei aia na Taovia e sauvulagia na susuligana?”

1 Korint 1:18

Na turupatu tana rongona na maiteana a Iesu Kristo tana gai ulutailigu, e vaga moa ti na goko sagulepo lee tana niqira rorongo igira ara totu vania na mate saliu. Me vanigita igita a totu vania na mauri saliu, na turupatu tana rongona na mateana a Iesu Kristo e lia mala susuligana God vanigita.

Ioane 1:12

Mara visana nomoa ara tabedoua mara tutunina, te aia e tamivanigira kara gini lia na dalena God.

Mateo 16:17

Ma Iesu e tsarivania, “!E dou sosongo vanigo a Simone Petero, dalena a Jona! Rongona na manana vaga igoe o tsaria, e tau talumai i konina sa tinoni lee. Aia nogo na Tamaqu i baragata e tusumaia vanigo.

Mateo 11:25

Mi tana tagu ia, ma Iesu e gokodato vania na Tamana i gotu me tsaria, “!Mama, igoe nogo na Taovia ni gotu mi lao! Inau au soadougo rongona igoe nogo o tusuvulagia vanigira na tinoni ara tau liu tana sasani, na omea igoe o molopoia vanigira ara liu tana sasani mara sasaga loki.

1 Korint 1:24

Me vanigita, aia God e viligita nogo i laomami igami na Tsiu, mi laomui goto igamu na Grik, a Iesu Kristo aia nogoria na susuligana God, ma na sasagana God.

Isaia 40:5

Mi tana ti ke labamaka gana loki tsapakae na Taovia, migira sui na mamatana tinoni sauba kara reivulagia. Na Taovia segenina nogo e vekea na omea iani.”

Isaia 52:10

Na Taovia sauba ke gini aqo na susuligana tabu, migira sui tana barangengo kara reia kalina aia ke laumaurisigira nina tinoni.

Isaia 51:9

!Ko mamata Taovia mo ko sangagami! Ko gini aqo na susuligamu vaga nogo o naua i sau mo ko laumaurisigami. Igoe nogo o labu tsapitsapia Rahab aia na tuqana vigo na omea mamauri ni tasi.

Ioane 1:7

me mai nogo aia, me turupatu vulagia vanigira na tinoni tana rongona na marara ia, rongona ti igira sui kara rongomia na turupatuna ma kara tutunina.

Isaia 62:8

Na Taovia e gini vatsa tana asana segeni, mi tana susuligana sauba ke manalia na omea e vekea. Aia e tsarivaganana vanigira na tinoni ni Jerusalem: “E utu goto kau tusua vanigira gamui gala na mutsa amu rota na tsukaana, se kau tamivanigira na tinoni ni veratavosi kara inuvia na uaeni igamu nogo amu aqosia. Tagara.

Luka 18:31

A Iesu e soaligigira na sangaivulu ruka gana duli, me tsariivanigira, “!Kamu rorongo! Igita sauba ka vano i Jerusalem. Mi tana, sauba kara manatovu pipi sui na omea ara marenogoa na propete tana rongoqu inau na Dalena Tinoni.

Isaia 59:16

Aia e gini beke sosongo na reiana laka e tagara ke kesa ke sangagira igira ara bingi sekoligira. Me vaga ia, maia segenina nogo sauba ke tû, me ke gini aqo na susuligana segeni gana na laumaurisiaqira.