Isaia 5:6 - Ghari

⁶ Ma kau moloa moa na buruburu seko kara poko tsavugira. Me utu goto kau valakasigira na gaina, se kau qari kaoqira goto. Tagara. Sauba kau mololegira moa ma na gai kakaruga ma na itai kokonaga kara dato tsavugira. Ma kau tongo vanigotoa na parako na usa ke tumu tsuna tana niqu uta.”

Isaia 5:6 Referans Kwoze

Jeremia 25:11

Na butona kao popono iani sauba ke totu seko lê ma kara gini beke na reiana, migira na puku sui ara totu varangisigira sauba kara aqotseka vania na taovia tsapakae ni Babilonia i laona ke vitu sangavulu na ngalitupa.

Na Katemai 11:6

Mara ka tamanina goto ka niqira sinagore agana kara ka naua me ke tau goto kau sa parako na usa, me ke utu ke tumu tsunamai sa usa tana tagu popono kara ka totu matengana na katevulagiana nina goko God. Mara ka tamanina goto ka niqira sinagore agana na oliaqira na ko vuravura ma kara gini lia na gabu; ma na ketsoana goto na barangengo ginia pipi na vatana na ketso pipi kalina moa ti kaira ara ka padangaoa.

Luka 21:24

Visana sauba kara tsodoa na mate tana isi, me visana kara tsonitsekagira tana vera tavosi sui. Migira na ponotoba kara sage, ma kara sugutia na Jerusalem popono, poi ke tovu niqira tagu.

Amos 4:7

Minau nogo au tangolivisua na usa kalina ara mamatsa sosongo nimui omea tsukatsuka. Au moloa na usa ke tumu kesa tana verabau, mi tana verabau tavosi tagara. Ma na usa e tumu kesa tana uta, mi tana uta tavosi e makede lê na kaona.

Hosea 3:4

Me vaga saikesa goto ia, igira na tinoni ni Israel niqira aqo nomoa kara totu lê oka, me ke tagara sa niqira taovia tsapakae, se sa niqira ida, me ke tagara goto na savori-kodoputsa, se na tuguru vatu tabu, tagara na titinonina se na nununa sa god peropero gana na gini aqo tana basutidao.

Jeremia 45:4

“Ma na Taovia e tsarigotoa vaniau laka kau tsarivanigo igoe vaganana iani: Inau nogo na Taovia au vui pukaligira na omea au logogira nogo, mau vutikaegira na omea au tsukagira. Me sauba kau nauvaganana ia vania na barangengo popono.

Jeremia 14:22

?Laka e totu sa niqira god na puku tavosi tangomana ke molomaia na usa? ?Me laka na masaoka segenina moa e susuliga na nauana me ke tumu na usa? ?Me laka o tau nimami God igoe? Igami ami vataraginia nimami amesi i konimu igoe, rongona igoe segeni moa o dona na nauaqira na omea sui girani.

Jeremia 14:1

Na Taovia e tsaria na omea iani vaniau, inau a Jeremia, tana rongona na uvirau e gadovia na Juda.

Isaia 30:23

Mi kalina igamu kamu tsukagira nimui omea tsukatsuka, ma na Taovia sauba ke molomaia na usa gana kara gini dato dou, ma kamu tsurivia ke danga na lakana, me ke danga goto gaqira buruburu nimui omea tuavati.

Isaia 24:12

Na verabau e toroutsa nogo, mara tairutugira sui nogo na matsapakapuna.

1 Taovia Tsapakae 17:1

Me kesa dani, maia Elija na propete ni Tisbe tana Gilead e bâ me tsarivania a Ahab na taovia tsapakae, “Tana asana na Taovia na God mamauri ni Israel aia inau au aqo vania, inau au tsarivanigo laka e utu goto ke puka na kolobu se ke tumu goto na usa i laona ke ruka se ke tolu na ngalitupa ke mai poi tsau kalina inau kau tsaria ke tumu.”

Na Vaolusi Ketsa 29:23

Nimui uta sauba kara totu seko lê, me ke dangaligira na solo ma na papasa mila sisigini seko, ma kamu tau goto tangomana na tsukaana sa omea i laona, me atsa moa igira na buruburu atsi me utu goto kara dato i tana. Nimui kao sauba kara vaga na verabau ni Sodom mi Gomora, mi Adma mi Seboim, igira aia na Taovia e toroutsanigira tana korena loki.

1 Taovia Tsapakae 8:35

“Mi kalina igoe ko tongo kapusia na usa rongona igira nimu tinoni ara sasi i matamu, mi muri, kalina ti kara padasavi ma kara arobatugua vania na Vale Tabu iani, ma kara molotsunali segeniqira, ma kara nonginongi vanigo,

Nina Papi A Job 31:40

me dou moa ti kara mate lê tana kao igira sui na piuqira na uiti ma na barli inau au rasavaginigira, ma kara dato tsavugira na itai kokonaga ma na buruburu seko.” Mi tana e sui nina tsaqina goko a Job.

Isaia 7:19

Me sauba kara alamai ma kara dangaligira popono na qou vatuvatuga, ma na vatuluma, ma kara tsavu poponogira pipi na komukomu na itai kokonaga ma na kao tana e dato dou na buruburu.

Isaia 32:10

Eo, igamu amu masu dou rago kalina ieni, mi tana tagu vaga nogo iani tana ngalitupa vaolu, sauba igamu kamu tobakuku rongona igira nimui itai na uaeni ma nimui gai na olive sauba kara tau nogo vua.

Isaia 49:19

“Igira na gala ara toroutsania nimu butona kao me totu mangu lê. Mi kalina ia, sauba ke tetelo lê me ke tau tugugira igira sui sauba kara mai totuvigo. Migira ara toroutsanigo igoe, sauba kara totu ao sosongo tanigo.

Isaia 55:13

Migira na gai na aru sauba kara dato i tana ara totu na gai kakaruga kalina ia, migira na volana na gai rerei dou sauba kara botsadato tana sasaqira na itai totoro. Ma na valatsatsa iani sauba ke totu saviliu ngiti papadana na omea loki sui inau na Taovia au naugira.”

Hosea 9:6

Mi kalina ke mailaba na tagu na rota seko loki, ma kamu tsogo saranga bamai, migira na Ejipt sauba kara adisaigamu ma kara ba qilugamu i Mempis. Nimui siliva ma na avuna na valemui, sauba na buruburu ma na itai kokonaga kara poko tsavugira sui.

Joel 1:7

Mara ganigira sui lakalaka nida itai na uaeni, mara ganigira sui goto na vuana nida gai mutsamutsa. Mara ganiligisuia na kokorana nida gai tsukatsuka mara viri sere takuti na araqira.

Goko Tabana 24:31

Ara dangadato na itai kokonaga i laona, mara dato katsi sosongo na buruburu seko. Me tatsora popono na baravatu e totu polipoligira.

Tangitangi 2:6

Maia e tairutugotoa na Vale Tabu i tana igita a samasama vania. Me suilavaginigira na dani tabu ma na Dani na Sabat. Me atsa moa na taovia tsapakae se na manetabu, mara vatsangigotoa na susuligana nina kore loki.