Isaia 5:2 - Ghari

² Aia e tsaia na kao me tsakoligigira na vatu; me tsukagira na volana uaeni laka saikesa i laona. Me logoa kesa na kusudato gana tana ke tû i kelana me ke matalia nina uta, me tsaia na qilu i tana aia ke rapasigira na vuana uaeni. Mi muri, maia e pitugira na vuana kara mada, bâ, mi kalina ara mada mara viri vavai sui.

Isaia 5:2 Referans Kwoze

Jeremia 2:21

Inau nogo au tsukago igoe vaga moa kesa na itai na uaeni dou bâ. Tana idana migoe o vaga saikesa na volana na itai na uaeni laka. ?Megua ti o oli kalina ia, mo lia vaga na itai na uaeni atsi tagara rongona?

1 Korint 9:7

?Megua, laka igira na mane vaumate kara tsodo segenia gaqira mutsa kalina ara totu tana niqira aqo? ?Se laka na mane e aqoa nina uta e tau goto vania ti ke gani segenia na lakana nina uta? ?Se laka na mane e tamanina nina sipi, ke tau inuvi segenia na tsutsuqira nina sipi?

Marko 11:13

Me morosi-aoa kesa na gai mutsamutsa, e dumu takuti na rauna, me ba togavi vidana laka ti ke reia sa vuana i konina. Mi kalina e ba laba varangi konina, me morosigira na rauna lee moa, rongona e tau vati tsau nina tagu tana ke molo vuana.

Roma 9:4

God e viligira na Israel kara gini lia nina tinoni segeni nogo ia. Maia e tudumigira i sau mara liu baa tana makana na parako marara. Ma God e naua kesa na vaitasogi kolugira, me saunogoa vanigira nina Ketsa rongona igira kara gini donaginia na omea aia e ngaoa kara naua. Migira moa ara dona na samasama manana vania God, maia e vekevanigira na omea loki.

Marko 12:2

Mi kalina e tsaumai tana tagu na raranga na uta, maia na tamanina na uta e molovanoa kesa nina maneaqo ke balaba i koniqira igira ara reitutugu vania nina uta, me ke adia i koniqira gana tuva e talu tana vuana nina uta.

Mateo 21:34

Mi kalina e tsau tana tagu na raranga na uta, maia na mane tamanina na uta e molovanogira visana nina maneaqo kara ba laba i koniqira igira ara reitutugu vania nina uta, ma kara adia i koniqira gana tuva na tamanina na uta.

Mateo 21:19

Me morosi baa kesa na gai mutsamutsa e tuu ligisana na sautu. Me ba togavia vidana laka ti ke vua. Me tau reia sa vuana i konina, na rauna lee moa. Maia e goko vania na gai me tsaria, “!Igoe na gai, sauba ke utu saikesa vanigo goto ko molovuamu!” Mi kalina tsotsodo nogo ia, ma na gai ia e tavongani mate lee.

Mika 4:8

Migoe Jerusalem, God nogo e totu i laomu, me reitutugugira nimu tinoni, vaga moa kesa na mane reitutugu sipi dou e reitutugugira nina sipi. Migoe sauba ko lia tugua na verabau pukuga vaga nogo i sau.

Hosea 10:1

Igira na tinoni ni Israel ara tamani omea danga vaga kesa na itai na uaeni e vungu dou sosongo. Mi kalina niqira omea tatamani ara pabo babâ, migira ara tû mara logogira danga goto bâ na belatabu. Mi kalina e lakaga dou na mutsa tana niqira kao, migira ara inilaugira dou goto bâ na tuguru vatu tabu ara katsugira gana na samasama.

Isaia 5:7

Eo, igira na tinoni tana Israel ma na Juda ara vaga moa nina uta na uaeni na Taovia Susuliga Sosongo, maia e reingao sosongoligira, me reitutugudougira. Maia e norugira laka kara naua na omea ke dou me ke goto, migira ara tû mara naua moa na omea seko. Ma na gabuqira igira ara lamutasigira e ngangai dato vania na Taovia ke tangotuguqira.

Isaia 1:8

Maia lelê moa na Jerusalem e kauvisu, ma na gala ara totu polipolinogoa. Me tau lelê susuliga na isutuguna segeni. E maluku lê vaga moa na babale e totu malemale lê i liligina na sautu loki.

Nehemia 13:15

Mi tana tagu ia, minau au morosigira goto na tinoni ni Juda ara tsogori rapasigira niqira vuana uaeni tana Dani na Sabat. Me visana ara lutsangigira niqira omea tsukatsuka, niqira kô na uaeni, ma na vuana uaeni, ma na vuana na gai mutsamutsa me danga goto na omea tavosi i gotuna niqira asi, mara adivanogira i Jerusalem. Minau au parovatavigira kakai kara tau goto tsabiria sa niqira omea tana Dani na Sabat.

Tinoni Pede 16:4

Me kesa tana tagu i murimai, maia Samson e ngao sosongolia kesa na daki ko Delila na soana, maia e totu tana Poi ni Sorek.

Na Vaolusi Ketsa 32:6

?Egua ti amu nauvaganana vania na Taovia, igamu na tinoni bule manana mamu tau sasaga? Aia na tamamui, maia nogo e aqosigamu, me naua ti amu gini lia na puku loki.

Tsoko Tinoni 23:9

I kelana na maragova loki au tû mau morosigira igira; I gotu tana tetena au morotsuna mau reigira. Igira kesa na puku loki na tinoni ara mauri segeniqira; mara dona nogo laka God e tobadou sosongo vanigira liusigira na vera sui tavosi.

Binaboli 33:16

?Ke koegua ti na tinoni kara donaginia laka igoe o reingaoau inau migira goto nimu tinoni, ti vaga igoe ko tau dulikolugami? Ma nimu totu kolugami nogo igoe sauba ke sauvulagia laka igami ami gini tavosi tanigira na tinoni tavosi sui tana barangengo.”

Mateo 21:33

“Ma kamu rongomi vatavia e kesa goto na gokolia. Kesa dani me totu kesa na mane e tamanina kesa nina uta loki. Maia e baa, me tsukaa kesa na itai i laona nina uta, gana kara aqosiginia na uaeni na vuana. Me barapolia, me tsaia na qilu gana na gotsana na vuana na itai, me ke lia na uaeni. Me logoa na kusudato, gana na togatoga. Mi muri, ma na tamanina na uta e tuu, me molovanigira visana na mane kara gini aqo, ma kara reitutugu vania nina uta. Maia e aligiri, me vano totu oka kesa tana vera ao.

Marko 12:1

Ma Iesu e gini gokolia vanigira na toga na gokolia iani me tsaria, “Kesa dani me totu kesa na mane e tamanina kesa nina uta loki. Maia e baa me tsukaa kesa na itai i laona nina uta, gana kara aqosiginia na uaeni na vuana. Me barapolia, me tsaia na qilu gana na gotosana na vuana na itai me ke lia na uaeni. Me logoa na kusudato gana na togatoga. Mi muri ma na tamanina na uta e tuu me molovanigira visana na mane kara gini aqo nina uta. Maia e aligiri, me vano totu kesa tana vera ao.

2 Samuel 7:10

Mau vilinogoa na nauna i tana kara totu igira niqu tinoni ni Israel, me sauba kara totu kalavata i tana me ke tau goto tangomana ke kesa ke bingi sekoligira, me utu goto kara maiginigira igira na tinoni vanga tangopeke seko vaga ara naua i sau. Inau au vekevanigo laka sauba kau tuliusigira sui gamu gala ma kau sauvanigo kara danga na kukuamu.

Linge 80:8

Taovia igoe nogo o tû mo vutiligia kesa na itai na uaeni tania na vera ni Ejipt, mo tsialigigira na puku tavosi tamanina kao, mo bâ tsukâ na itaina uaeni ia tana niqira kao igira.

Linge 80:9

Igoe o arago maledoua kesa na nauna i tana ke dato dou; ma na lamuna e tatango tsuna ao tana kao, me liuvia na kao popono.

Jeremia 11:17

“Inau nogo na Taovia Susuliga Sosongo, au tsukagira na Israel ma na Juda, mi kalina ia, inau au tsarivanigira laka sauba kau moloa ke gadovigira na rota seko loki. Igira nogo ara alomai vanigira nogo na omea iani rongona ara naua moa na omea e sasi; ara savori-kodoputsa vania Baal, mara gini tsaia na korequ inau.”