Isaia 5:1 - Ghari

¹ Kamu rorongo kalina inau kau lingena vanigamu gana linge na kulaqu ma nina uta na uaeni: Na kulaqu e tamanina kesa nina uta na uaeni tana kao lakataga dou i kelana na vungavunga.

Isaia 5:1 Referans Kwoze

Marko 12:1

Ma Iesu e gini gokolia vanigira na toga na gokolia iani me tsaria, “Kesa dani me totu kesa na mane e tamanina kesa nina uta loki. Maia e baa me tsukaa kesa na itai i laona nina uta, gana kara aqosiginia na uaeni na vuana. Me barapolia, me tsaia na qilu gana na gotosana na vuana na itai me ke lia na uaeni. Me logoa na kusudato gana na togatoga. Mi muri ma na tamanina na uta e tuu me molovanigira visana na mane kara gini aqo nina uta. Maia e aligiri, me vano totu kesa tana vera ao.

Luka 20:9

Ma Iesu e gini gokolia vanigira na toga na gokolia vaga iani: “Kesa dani me totu kesa na mane, maia e tsukaa kesa nina uta loki. Mi muri, maia e tuu, me moloa vanigira visana tinoni kara gini aqo nina uta, maia e aligiri, me vano totu oka sosongo kesa tana vera ao.

Ioane 15:1

Me goko babaa moa a Iesu me tsaria, “Inau au vaga moa na itai vuaga manana. Ma na Tamaqu aia e vaga na mane aqouta.

Mateo 21:33

“Ma kamu rongomi vatavia e kesa goto na gokolia. Kesa dani me totu kesa na mane e tamanina kesa nina uta loki. Maia e baa, me tsukaa kesa na itai i laona nina uta, gana kara aqosiginia na uaeni na vuana. Me barapolia, me tsaia na qilu gana na gotsana na vuana na itai, me ke lia na uaeni. Me logoa na kusudato, gana na togatoga. Mi muri, ma na tamanina na uta e tuu, me molovanigira visana na mane kara gini aqo, ma kara reitutugu vania nina uta. Maia e aligiri, me vano totu oka kesa tana vera ao.

Jeremia 2:21

Inau nogo au tsukago igoe vaga moa kesa na itai na uaeni dou bâ. Tana idana migoe o vaga saikesa na volana na itai na uaeni laka. ?Megua ti o oli kalina ia, mo lia vaga na itai na uaeni atsi tagara rongona?

Linge 80:8

Taovia igoe nogo o tû mo vutiligia kesa na itai na uaeni tania na vera ni Ejipt, mo tsialigigira na puku tavosi tamanina kao, mo bâ tsukâ na itaina uaeni ia tana niqira kao igira.

Linge Na Galuve 2:16

Aia niqu mane nogo inau, minau nina daki nogo aia. Aia e palagira nina sipi i levugaqira na vulevule.

Linge Na Galuve 6:3

Aia niqu mane nogo inau, minau nina daki nogo aia. I levugaqira na vulevule aia e palagira nina sipi.

Linge Na Galuve 5:16

Me tangi dou rago nomoa nina goko me pipi na omea i konina au reingao sosongolia inau. Maia saikesa nogo na rereina niqu udu galugaluve, igamu na daki ni Jerusalem.

Linge Na Galuve 5:2

Mi kalina au maturu, ma na kosuqu e mamata moa. Mau bolea laka niqu udu e mai kidikidi i matsapa. Niqu udu, igoe na kosuqu popono, ma niqu kulukulu, ko sangavi vaniau na matsapa ma kau sage bâ. Na lovaqu e porisinogoa na kolobu, ma na lavo e tsavu poponoa na ivuqu.

Linge 45:1

Na tsaqina na goko laka ara labadato tana papadaqu, kalina inau au tê gana linge na taovia tsapakae. Na lapiqu e vaga saikesa moa ti nina peni na mani mamare kesa na tinoni e dona sosongo na mamare.

Linge 101:1

Taovia sauba kau teâ kesa na linge tana rongona nimu galuve ma nimu pedegoto, ma kau lingena vanigo.

Linge 60:5

Ko rongomia nimami nonginongi, mi tana susuligamu loki ko laumaurisigami igami nimu tinoni galugaluve.

Jeremia 12:10

Ara danga na tagaovera ni veratavosi ara mai toroutsania niqu uta na uaeni, mara tsogorivela bamaigira niqu uta; mara naua ma niqu kao laka dou e gini lia na kaomate.

Esekiel 15:2

“Dalena tinoni igoe, ko reigira bâ na pukuqira na itai na uaeni, igira ara tau kakai vaga na gai tavosi.

Hosea 10:1

Igira na tinoni ni Israel ara tamani omea danga vaga kesa na itai na uaeni e vungu dou sosongo. Mi kalina niqira omea tatamani ara pabo babâ, migira ara tû mara logogira danga goto bâ na belatabu. Mi kalina e lakaga dou na mutsa tana niqira kao, migira ara inilaugira dou goto bâ na tuguru vatu tabu ara katsugira gana na samasama.

Na Vaolusi Ketsa 8:7

“Na Taovia nimui God e adivanogamu kesa tana kao dou, i tana e tave na ko loki, ma na ko tsatsali, ma na vuravura e bubugu rutsumai i laona na poina ma na tetena.

Na Vaolusi Ketsa 8:10

Igamu sauba kamu tamanina pipi sui na omea amu ngaoa na ganiana, me sauba kamu soadoua na Taovia nimui God rongona aia e sauvanigamu na kao dou.”

Esekiel 19:10

“Ma na tinamu e vaga saikesa goto kesa na itai na uaeni ara tsukâ ligisana kesa na ko tatave. Mi tana e danga dou na kô te e gini dato magobu dou, mara kutsudato danga na vasuna, me molo vuana dangadanga.