Isaia 49:3 - Ghari

³ Maia e tsarivaniau, “Israel igoe nogo niqu maneaqo, mi tana rongomu nogo igoe, ti na tinoni toga kara tsonikaeginiau inau.”

Isaia 49:3 Referans Kwoze

1 Petero 2:9

Migamu, amu nina mamatana tinoni vivili ma nina manetabu God na Taovia Tsapakae. Mamu lia nogo na vera tabu loki, ma nina tinoni segeni nogo God. Aia e viligamu kamu gini tsarivulagigira na omea loki God e nauvanigamu kalina aia e soa rutusumiligigamu tania na totu rodo, me tudumi sagegamu tana nina marara loki segeni nogo ia.

Isaia 42:1

Na Taovia e tsarivaganana iani, “Iani nogo niqu maneaqo au susuligasia, aia au vilinogoa me gini laoqu sosongo na reiana. Au dangali tovuginia niqu Tarunga rongona aia ke gini vaturia na pedegoto i laoqira na puku sui.

Isaia 44:23

!Ko gudato tana magemage igoe na baragata! !Ma kamu gû dato igamu sui goto amu totu i vavana na barangengo! !Kamu gudato tana magemage igamu na vungavunga me pipi sui na gai i laona na goana atsi! Na Taovia e sauvulagia gana loki tsapakae tana laumaurisiaqira na Israel igira nina tinoni segeni.

Ioane 17:4

Au tsonikaego nogo i lao eni. Au suilavaginigira nogo na aqo igoe o tusugira vaniau na nauana.

Sekaria 3:8

Me vaga ia, mo ko rorongo dou igoe a Josua na Mane Tabu Loki. Ma kamu rorongo dou goto igamu sui na manetabu gana sasanga nogo aia, igamu amu lia vaga na papadana na mauri doulaka sauba ke laba tana tagu ke mai: Inau sauba kau adimaia i matamui kesa niqu maneaqo aia ara soaginia Na Arana Gai.

Isaia 52:13

Ma na Taovia e tsarivaganana iani, “Aia niqu maneaqo sauba nomoa ke managana tana nina aqo, me sauba kara padalokia ma kara tsonikaea.

Ioane 17:1

Mi murina a Iesu e goko vaga sui ia, maia e morodato i baragata me tsaria, “Mama, na tagu e labamai nogo. Igoe ko tsonikaeau inau na Dalemu, na rongona inau kau tsonikaego goto igoe.

Isaia 53:10

Ma na Taovia e goko me tsarivaganana iani, “Inau nogo au pede vania ke gadovi rota loki vaga ia, ma na mateana e lia ngiti kodoputsa gana na sese mateqira na sasi. Me vaga ia, ti sauba aia ke mauri oka, me ke reigira na kukuana kara botsamai i muri, mi konina nogo ia ti inau kau manaligira na omea sui au pede manogatinogoa.

Epesus 1:6

!Igita sui ka tsonikaea God rongona nina vangalaka tsapakae, e tusulea vanigita i laona na Dalena galugaluve!

Ioane 15:8

Kalina ti vaga kamu molo vuamui danga, sauba ke gini labamaka na mararana na Tamaqu, ma kamu gini lia gaqu duli manana inau.

Ioane 12:28

!Tamaqu, ko saulabatia na mararana loki na asamu!” Me talumai i gotu kesa na goko me tsaria, “Inau au saulabatinogoa, me sauba kau saulabatitugua.”

Mateo 17:5

Me gogoko vaga moa aia, me laba kesa na parako marara, me ungasitugira. Me tangi kesa na goko i laona na parako me tsaria, “!Iani na Dalequ galugaluve, au reingao sosongolia, kamu rongomia na gokona!”

Isaia 43:21

Igira nogoria na tinoni au aqosigira vaniau segeni, gana kara lingena na linge na tsonikaeginiaqu.”

2 Tesalonika 1:10

tana Dani Loki kalina aia ke labavisumaitugua, migira nina tinoni sui ara tutunina ia kara tsonikaea ma kara tsuporu vania. Migamu goto sauba kamu totu kolugira igira, rongona amu tutunina nogo na omea tugami ami tu tsarivanigamu.

Aqo Manetabu 10:3

Mi tana ma Moses e tsarivania a Aaron, “Aia nogoria na omea vaga ia na Taovia e gini goko tana rongona kalina aia e tsaria, ‘Igira sui ara aqo vaniau inau, niqira aqo kara kukuni taniau matena inau au God tabu loki sosongo; me sauba kau saulabatia na susuligaqu i mataqira na tinoni sui migira kara tsonikaeginiau inau.’ ” Maia Aaron e mui lê moa.

Isaia 50:10

Igamu sui amu kukuni tania na Taovia, mamu muridougira na goko aia nina maneaqo e tsarivanigamu, kamu laka na matagu. E tau utu na sautu amu liu bâ i konina kalina ia ke rodo manana, migamu kamu norukakaia moa na Taovia, ma kamu vataragi i konina nimui God.

Isaia 41:8

“Migamu na Israel niqu maneaqo, igamu nogoria na tinoni inau au viligamu, igamu na kukuana a Abraham na kulaqu dou.