Isaia 49:1 - Ghari

¹ !Kamu rongomiau inau igamu na tinoni tana vera ao mi tana tasi taligu! Idavia kalina au tau vati botsa inau, ma na Taovia e viliau, me moloau kau lia nina maneaqo.

Isaia 49:1 Referans Kwoze

Jeremia 1:5

“Au tau vati vusago moa i tobana tinamu, minau au donaginigo nogo. Mo tau vati botsa moa igoe, minau au viligo nogo ko lia na propete vanigira na puku sui.”

Galatia 1:15

Kalina au tau vati botsa moa, ma God nogo tana nina vangalaka e viliau me soaau gana kau aqo vania.

Isaia 44:2

Inau nogo na Taovia au vusagamu. Me tû nogo tana dani amu botsa, minau au sangagamu. Kamu laka na matagu; igamu niqu maneaqo inau, ma niqu tinoni vivili, mau galuve sosongoligamu.

Isaia 49:5

Au tau vati botsa moa inau, ma na Taovia e viliau nogo, me moloau kau lia nina maneaqo rongona kau pidikaevisugira nina tinoni ni Israel, igira ara viri totu piriutsa bamai. Na Taovia e padaloki sosongoliau nomoa, ma niqu God aia nogo na pukuna na susuligaqu.

Luka 1:31

Me sauba ko tiana, mo ko vasua kesa na baka mane, migoe ko soaginia a Iesu.

1 Petero 1:20

God e vili manogatinogoa aia, idavia na volana na barangengo. Mi tana susuina moa na tagu iani, te aia e vasini labavulagia rongona igamu kamu gini mauri.

Luka 1:15

Aia sauba ke loki sosongo i matana na Taovia. Ma nina aqo ke tau inu uaeni se kesa na ko susuliga. Ma na Tarunga Tabu sauba ke totuvia tuu tana dani ke botsa.

Hibru 12:25

Vaga ia, ma kamu parovata dou, ma kamu laka sove na rongomiana God kalina aia e goko vanigamu. Kamu laka goto na reinunu i koniqira na tinoni ni Israel i sau. Igira ara tau tangomana kara taopoi tania nina kede God kalina ara sove na rongomiana a Moses kalina aia e goko vanigira tana asana God ieni i lao. !Migita goto sauba ke utu vanigita na taopoi taniana nina kede God ti vaga igita ka sove na rongomiana aia e gokomai talu i gotu!

Ioane 10:36

Vaga ia, minau nogo aia na Tamaqu e viliau me moloau kau mai i barangengo. ?Megua vaga ti igamu amu tsaria laka inau au tsirigana God kalina au tsaria laka inau na Dalena God?

Sepania 2:11

Na Taovia sauba ke molo matagu vanigira, me ke adipukalia gaqira susuliga na god peropero sui tana barangengo. Mi tana ti igira na tinoni sui kara dona na samasama vaniana moa aia pipi tana niqira kao segeni.

Isaia 60:9

Igira nogo na vaka ara maimai talu tana momoru ao, mara adivisumaigira tugua nina tinoni God, kolugotoa danga na siliva ma na qolumila, gana na tsonikaeginiana na asana na Taovia, na God Tabu ni Israel, rongona aia e naua migira na puku sui ara padalokigira nina tinoni.

Isaia 57:19

Inau au saua na rago vanigira na tinoni sui, igira ara totu varangi migira goto ara totu ao. Eo, sauba nomoa kau tali maurisigira niqu tinoni.

Isaia 55:3

“Kamu rorongo dou kalina ia igamu niqu tinoni, ma kamu pilomai i koniqu inau. Eo, kamu mai i koniqu me sauba kamu tamanina na mauri. Inau sauba kau naua kesa na vaitasogi saliu kolugamu, ma kau sauvanigamu niqu vangalaka vaga au vekenogoa vania a David.

Isaia 46:3

“Migamu na kukuana a Jakob, igamu sui niqu tinoni amu kauvisu, kamu rongomiau inau. Inau au aragogamu tu nogo tana tagu amu botsa.

Isaia 44:24

“Inau nogo na Taovia nimui Vagamauri; inau nogo au vusagamu. Inau na Taovia, mau vusagira pipi sui na omea. Inau segeniqu moa au tatakatsinia na masaoka; mi kalina au vusâ na barangengo, me tagara goto ke kesa ke sangaau.

Epesus 2:17

A Iesu Kristo e mai i barangengo rongona ke gini turupatuna na Turupatu Dou na rago vanigira na tinoni sui, vanigamu igamu na tinoni ni veratavosi igamu amu totu ao tania God, me vanigami goto igami na Tsiu igami ami totu varangisinogoa aia.

Isaia 51:5

Inau sauba kau mai tsaku ma kau laumaurisigira, eo, e maimai varangi nogo na tagu niqu tangomana. Inau segeniqu nogo sauba kau tagaovi kaputigira na puku sui. Igira sui ara totu i tasi taligu ara amesi sosongolia laka kau mai inau ma kau laumaurisigira.

Isaia 45:22

“Bâ, mi kalina ia, igamu sui na tinoni tana barangengo popono kamu pilomai i koniqu inau me sauba kamu mauri, rongona inau segeni lelê moa au God, me tagara goto sa god tavosi.

Isaia 42:12

Migamu goto amu totu tana vera i tasi taligu kamu tsonikaea ma kamu soalokia na Taovia.

Isaia 41:1

God e tsaria, “!Kamu mui igamu sui na vera amu totu ao, ma kamu rongomiau inau! Kamu vangarau doua na omea kamu tsaria tana tinete; sauba nomoa kamu tamanina nimui tagu na goko. Ida ma ka maisai ma ka pedea laka asei e goto.

Isaia 9:6

!Rongona e kesa na baka e botsamai vanigita! !E kesa na baka mane God e tusua vanigita! Aia nogo sauba ke lia nida taovia, me ke tagaovi kaputigita. Me sauba kara soaginia “Aia e Naua na Totosasaga Laka,” “God Susuliga,” “Tamana Saliu,” “Na Taovia na Rago.”

Isaia 66:19

mi tana ti kara donaginia laka inau nogoria na Taovia au kedegira. “Me sauba nomoa kau gaegira ke visana vidaqira, ma kau molovanogira i laoqira na puku tavosi tana momoru ao gana kara katevulagia gaqu tangirongo tsapakae vanigira igira ara tau vati rongomia moa se kara reilakana gaqu loki tsapakae ma na susuligaqu. Sauba kau molovanogira i Spain, mi Libia, mi Lidia i tana na tinoni ara dona sosongo na gini vanavana na parige, mi Tubal, mi Gris.

Isaia 7:14

Eo, me dou moa. Sauba na Taovia segenina nogo ke sauvulagi vanigo kesa na padapada: sauba kesa na baka daki ke tiana, maia ke vasua kesa na dalena mane, me ke soaginia a ‘Emanuel.’

Linge 22:10

Eo, tû tana dani au botsa vaolu, inau au vataragi saikesa moa i konimu igoe; migoe saikesa moa niqu God pipi kalina.

Isaia 11:11

Mi kalina ke labamai na tagu ia, maia na Taovia sauba ke gini aqo tugua na susuligana loki, me ke adivisumaigira nina tinoni, igira ara totuvisu moa i Asiria, mi Ejipt, mi Patros, mi Sudan, mi Elam, mi Babilonia, mi Hamat, mi tana vera sui i tasi taligu, ma na momoru i tasi.

Isaia 24:15

migira ara totu i longa sauba kara tsonikaea. Migira goto ara totu i tasi taligu sauba kara tsonikaea na Taovia na God ni Israel.

Isaia 33:13

Igamu sui amu totu varangi, migamu goto amu totu ao, kamu rongomia na omea ganataga sui inau au naugira, ma kamu tsonikaea na susuligaqu loki.”

Isaia 45:3

Inau sauba kau tusuvanigo niqira qolo ma niqira omea loki matena sui ara molopoia tana niqira moi. Mi tana ti igoe sauba ko donaginia laka inau nogo na Taovia, me laka inau na God ni Israel au soaginigo na soamu segeni.

Isaia 49:12

Me sauba kara visumai talu tana vera ao, tabana i vava, mi tasi, mi Asuan tabana i ata.”

Isaia 52:13

Ma na Taovia e tsarivaganana iani, “Aia niqu maneaqo sauba nomoa ke managana tana nina aqo, me sauba kara padalokia ma kara tsonikaea.