Isaia 48:8 - Ghari

⁸ Minau au dona nogo laka e utu kau norugamu, rongona tu kalina amu botsa amu petsakoe mamu muria moa nimui papada segeni. Aia nogo na rongona ti au gini tau tsarivulagi vanigamu na omea girani.

Isaia 48:8 Referans Kwoze

Linge 58:3

Na tinoni vanga nauseko ara liu sasi tana mauriqira popono; tû tana dani ara botsa ara dona moa na tsoniana na gokopero.

Malaki 2:11

Igira na tinoni ni Juda ara kutsinogoa niqira vekesai ara naukolua God, mara ba naua na omea marasibiga sosongo i laona na Jerusalem mi tana Juda popono, mara naqugasiginia na Vale Tabu aia na Taovia e reingao sosongolia. Igira na mane ara tû mara taugagira na daki ni veratavosi igira ara samasama vanigira na god peropero.

Hosea 5:7

Igira ara tau nogo totukakai i konina na Taovia, migira na daleqira ara tau nogo nina tamani aia. Me vaga ia, me utu ke oka migira, ma niqira kao popono, sauba kara toroutsa sui.

Jeremia 6:10

Minau au tsarivania, “?Masei ke rongomiau inau ti vaga kau goko vanigira ma kau parovatavigira? Igira ara tsatsarae sosongo, mara sove saikesa na rongomiana nimu goko; mara kiataginia na omea igoe o ketsaliginiau kau tsaria vanigira.

Epesus 2:3

E mana nomoa, i sau igita sui a vaga goto igira ma mauri muria moa nina padangaoa na konida, ma naugira moa na omea sui e kilia na konida ma nida papada segeni. I laona nida mauri lee, igita a vaga goto pipi na tinoni tavosi, a tsukilevoa ma totu vania na korena God.

Jeremia 5:11

Igira na tinoni tana Israel ma na Juda ara sove saikesa taniau. Inau na Taovia au tsaria na omea iani.”

Jeremia 3:20

Bâ, me vaga moa na daki e tau totukakai konina na savana, migoe o tau saikesa totukakai i koniqu inau. Inau nogo na Taovia au tsaria na omea iani.”

Isaia 50:5

Na Taovia e sangavinogoa na kuliqu gana kau rongomiginia na omea aia e sasaniginiau, minau au tau sove tania mau tau goto pilovisu tania.

Isaia 48:4

Mau dona nogo laka igamu sauba kamu tsatsarae sosongo, ma na lovamui ke kakai vaga na vatu ma na tapala.

Isaia 46:8

“Igamu na tinoni sasi, kamu padatugutugua na omea inau au tsaria vanigamu iani.

Isaia 26:11

Igira gamu gala ara tau donaginia laka igoe o saukaenogoa na limamu agana na mani kedeginiaqira. Taovia ko paluvangamaqira, mo ko molovanigira kara vatsangia na rotana na kede igoe o vangaraunogoa vanigira. Mo ko saumakaligotoa vanigira laka igoe o galuve sosongoligira nimu tinoni.

Isaia 21:2

God e molovaniau inau kau morosia tana bolebole na omea seko loki sauba ke laba. Mau rongomia God e goko me tsarivaganana iani, “Igira na Babilon e kesa rago na puku ara dona sosongo na perobulesi tinoni, ma na sekoliaqira na tinoni tavosi sui. !Me vaga ia, migamu na mane vaumate ni Elam kamu tû ma kamu ba bokia na Babilon! !Migamu na mane vaumate ni Media, kamu ba totu polia na verabau ia! Minau sauba kau suilavaginia na rota loki ara naua igira na Babilon vanigira na vera tavosi.”

Linge 51:5

Inau au tinoni sasi nogo tû tana dani au botsa, tumai nogo tana tagu au totu i tobana tinaqu mau tinoni sasi nogo.

Linge 40:6

Taovia, igoe o tau kilia na kodoputsa ma na sausau; mo tau goto nongia laka kara savori-kodokodo vanigo na omea tuavati tana belatabu, na mani sese mateqira na sasi. Tagara, migoe o sauvaniau na kuliqu gana kau rongomiginigo,

Hosea 6:7

“Mi kalina tsotsodo ara sage bâ tana kao i Adam, igira ara kutsia niqira tabana na vaitasogi au naua kolugira.

Jeremia 5:21

Kamu rorongo dou igamu na tinoni bubulega tau sasaga. Igamu amu tamani matamui, mamu tau moa morosi gadoviginia sa omea. Mamu tamani kulimui, mamu tau moa gini rorongo.

Isaia 33:1

!Sauba ke seko sosongo nomoa vanigamu igamu na vanga sekoli tinoni! Igamu amu komigira mamu peqogira na tinoni tavosi, atsa moa ti igira ara tau komigamu, mara tau peqogamu igamu. Me sauba nomoa ke sui nimui tagu na komi ma na sauligi tinoni, migamu segenimui nogo sauba kamu tsutsugamui tana komi ma na peqo.

Isaia 42:25

Me vaga ia, maia e molomaia vanigita na rotana na vailabu gana ka vatsangiginia na susuligana na korena. Ma na korena aia e iru vaga saikesa na lake i laona na Israel popono, migita a tau moa padagadovia na omea e laba; ma tau goto sasania sa omea i konina gana ke gini oli nida sasaga.

Isaia 47:11

Bâ, ma na rota seko loki sauba nomoa ke gadovigo, me tagara goto sa nimu sinagore ke tangomana na utusiana. Sauba ko tavongani toroutsa popono, migira na omea seko igoe o pada e utu saikesa kara laba vanigo, sauba nomoa kara laba.

Isaia 48:7

Mi kalina lelê moa ia inau au naua mara gini laba; me tagara goto sa omea vaga gira kara laba nogo i sau. Me ti vaga kara laba nogo i sau, me sauba kamu tsaria laka igamu amu donaginigira sui nogo.

Isaia 57:4

?Laka asei ngana amu gilugana? ?Me laka asei nomoa amu qururu gana?

Hosea 7:9

mara tau moa reigadovia laka tana noruaqira na tinoni ni veratovosi vaga ia e gini puka lê na susuligaqira segeni. Au tsokonogoa na bongiqira, migira ara tau goto reigadovia.

Na Vaolusi Ketsa 31:16

Ma na Taovia e tsarivania a Moses, “Igoe, o varangi nogo ko mate. Mi murina na mateamu igira na toga sauba kara tau totukakai i koniqu inau, ma kara tau manalia niqira tabana na vaitasogi au naua kolugira. Sauba kara piloligi taniau inau, ma kara ba samasama vanigira niqira god ponotoba igira na tinoni tana kao aia igamu amu vangaraua na sage bâ i konina.

Na Vaolusi Ketsa 31:18

Mi tana tagu ia minau sauba kau sove na sangaaqira, rongona igira ara naua na omea e seko sosongo, mara ba samasama vanigira na god peropero.