Isaia 48:6 - Ghari

⁶ “Igira sui na omea inau au katemai idanogoa ara laba tovu nogo kalina ia. Migamu amu morosigira, mamu sove moa na tabeana laka ara mana sui na omea inau au kate idanogoa. Bâ, mi kalina ia, minau sauba kau katevulagigira vanigamu ke visana goto na omea vaolu sauba kara laba, igira na omea inau au tau vati tsarivulagi vanigamu i sau.

Isaia 48:6 Referans Kwoze

Na Katemai 4:1

Mi murina ia, minau au momoro moa, mau reia e tavongani ova kesa na matsapa i baragata. Maia e gokomai vaniau tana idana ma nina goko e tatangi vaga nogo na tavuli, aia e gokomaitugua vaniau me tsaria, “Ko datomai ieni, minau sauba kau saulabativanigo na omea nina aqo ke laba goto i muri.”

Isaia 42:9

Igira sui na omea inau au kate idanogoa laka sauba kara laba, ara laba sui nogo kalina ia. Mi kalina ia, minau sauba kau kate vanigamu na omea vaolu idavia ke labamai na taguna.”

Mateo 10:27

Ma na omea inau au gini goko vanigamu tana bongi rodo, nimui aqo igamu kamu tsaritutugua tana dani male. Ma na omea igamu amu rongomi segenia tana nauna popoi, nimui aqo kamu katevulagia i malena vanigira na tinoni sui.

Isaia 43:19

Kamu padapitua na omea vaolu sauba inau kau naua. !Eo, me tuturiga nogo na laba! ?Megua, laka amu tau vati reia moa? Au vangaraunogoa kesa na sautu ke liu tsapatugu tana kaomate, mi tana sauba kau molovanigamu na kô tatave.

1 Korint 2:9

Rongona ara marea na omea iani tana Mamare Tabu: “Na omea vaga na matana tinoni e tau vati reia moa, ma na kulina tinoni e tau vati rongomia moa, ma na tobana tinoni e tau vati pada moa, aia nogoria na omea loki putsikae God e vangaraunogoa vanigira igira ara galuvea.”

Aqoaqo 1:8

Me sauba na Tarunga Tabu ke tsuna i konimui, me ke dangaliginigamu na susuligana. Me sauba igamu kamu gini turupatuna vanigira na tinoni i Jerusalem, mi tana vera sui tana Judea ma na Samaria, me ke ba tsau tana e vosa na barangengo, na omea sui igamu amu rongominogoa i koniqu.”

Ioane 15:15

Mi kalina eni inau au tau soaginigamu moa niqu tinoni aqo, rongona na tinoni aqo aia e utu ke donaginia nagua e aqosia gana taovia. Tagara, inau au soaginigamu na kulaqu, rongona au tsarivulagi vanigamu nogo pipi sui na omea au rongomigira i konina na Tamaqu.

Jeremia 50:2

“!Kamu turupatuna na goko iani vanigira na puku sui! !Kamu katevulagia vanigira! !Kamu uvia na tavuli ma kamu tsarivulagi bamaia na goko iani ma kamu laka goto na molopoiana! !E puka nogo na Babilon, mara tairutunogoa Marduk nina god peropero! !Ara paluvangamaqira sui nogo nina titinonina na god peropero ni Babilon, mara tsogori rapasigira goto na nununa lê nina god peropero marasibiga!

Jeremia 2:31

Igamu na tinoni ni Israel, kamu rongomia na omea inau au tsaria. ?Egua laka inau au seko vanigamu igamu vaga moa ti na kaomate, se na kao e rodo pulipuli? ?Laka egua ti amu tsaria, ‘Igami ami padangaoa moa na muriana na tobamami segeni. Me utu goto kami visutugua i konimu igoe?

Isaia 21:10

Migamu niqu tinoni Israel, ara labududusigamu nogo vaga moa na uiti, eo, mi kalina ia, inau au tsarinogoa vanigamu na turupatu dou au rongomia i konina na Taovia Susuliga Sosongo, niqira God na Israel.

Linge 119:13

Sauba kau tsaritugutugugira pipi na ketsa igoe o saugira nogo vanigami.

Linge 107:43

Igamu na tinoni amu sasaga, e dou kamu padatugutugugira na omea girani, ma kamu katevulagia laka nina galuve na Taovia e vo oli.

Na Katemai 1:19

Me vaga ia, migoe ko maretsunagira moa na omea sui o reigira, eo, igira sui na omea igoe o reigira kalina ia, kolugira goto na omea sauba igoe ko reigira kara laba i muri baa.

Mika 6:9

E dou sosongo bâ na kukuni taniana na Taovia. Na Taovia e goko vanigira na tinoni ni Jerusalem me tsarivaganana iani, “!Kamu rorongo igamu na tinoni amu saikolu mai i laona na verabau!

Amos 3:6

?Mi kalina e tangi na tavuli na vailabu i laona na vera laka e tau posuligira na tinoni ara totu tana? ?Me laka e dona ke tavongani gadovia na rota loki kesa na verabau ti vaga na Taovia e tau molo bâ na rota ia vania? E utu.

Isaia 48:7

Mi kalina lelê moa ia inau au naua mara gini laba; me tagara goto sa omea vaga gira kara laba nogo i sau. Me ti vaga kara laba nogo i sau, me sauba kamu tsaria laka igamu amu donaginigira sui nogo.

Jeremia 33:3

Ko soaau inau, minau sauba kau gokovisu vanigo; me sauba kau tsarivanigo na omea ganataga, ma na omea loki sosongo igoe o tau saikesa vati donaginigira.

Isaia 42:8

“Inau segeni moa na Taovia nimu God. Me tagara goto sa god tavosi tangomana ke sangapata tana mararaqu; me utu goto kau tamivanigira na tinoni kara tsonikaea na titinonina na god peropero.

Isaia 42:20

?Igamu na tinoni ni Israel, amu morosigira danga nogo na omea, ma nagua e pelu vanigamu? ?Amu tamanina rago na kulimui gana na rorongo, ma nagua manana amu rongomia?”