Isaia 48:5 - Ghari

⁵ Maia nogoria na rongona ti inau au gini kate idanogoa i sau na omea sauba kara laba vanigamu. Au katemaigira nogo kalina ara tau moa vati laba, gana ke gini utusiginigamu igamu na tsariana laka igira nogo nimui titinonina ma na nununa nimui god peropero ara naua te ara laba na omea girani.

Isaia 48:5 Referans Kwoze

Isaia 48:3

Miani nogo e vaga na omea na Taovia e tsarivanigamu: “I sau vasau nogo inau au katemaia na omea sauba kara laba; mi muri, minau au tavongani naua mara laba nogo vanigamu.

Luka 1:70

Aia e vekenogoa tana mangaqira nina propete tabu i sau vasau

Aqoaqo 15:18

Aia nogoria na omea e tsaria na Taovia, maia goto nogo e katevulagia na omea iani i sau nogo.’ ”

Isaia 46:10

Tu nogo tana tuturigana inau au katevulagigira na omea sauba kara laba tana susuina na tagu, mi sau vasau inau au kate idanogoa na omea ara tau vati laba. Mau tsaria laka pipi sui na omea au vangaraua na nauana e utu saikesa kau terevia, me laka sauba nomoa kau manaligira sui.

Isaia 44:7

?Laka tangomana ke kesa segeni ke naugira na omea vaga au naua inau? ?Masei moa e tangomana ke katevulagigira idanogoa pipi sui na omea ara laba nogo tû tana tuturigana saikesa, me ke tsau bâ tana susuina na tagu?

Isaia 44:8

!Kamu laka na matagu igamu niqu tinoni! Igamu amu donagininogoa laka e tû i sau vasau, me tsau mai i dani eni, inau moa au katevulagigira idanogo na omea sui sauba kara laba, migamu nogo niqu rongovata. ?Laka e totu manana sa god tavosi vaga inau? ?Me laka sa god susuliga goto sa nauna inau au tau vati donaginia?”

Isaia 45:20

Na Taovia e tsaria, “Kamu saimai igamu na tinoni pipi sui tana puku, igamu sui amu matepitsa tana vailabu. Kamu mai tusuvulagigamu segeni tana tinete. Ara tau saikesa tamani sa sasaga igira ara kalagai bamaia niqira titinoni gai mara nonginongi vanigira moa na god ara tau tangomana kara maurisigira.

Isaia 43:19

Kamu padapitua na omea vaolu sauba inau kau naua. !Eo, me tuturiga nogo na laba! ?Megua, laka amu tau vati reia moa? Au vangaraunogoa kesa na sautu ke liu tsapatugu tana kaomate, mi tana sauba kau molovanigamu na kô tatave.