Isaia 48:3 - Ghari

³ Miani nogo e vaga na omea na Taovia e tsarivanigamu: “I sau vasau nogo inau au katemaia na omea sauba kara laba; mi muri, minau au tavongani naua mara laba nogo vanigamu.

Isaia 48:3 Referans Kwoze

Isaia 42:9

Igira sui na omea inau au kate idanogoa laka sauba kara laba, ara laba sui nogo kalina ia. Mi kalina ia, minau sauba kau kate vanigamu na omea vaolu idavia ke labamai na taguna.”

Isaia 41:22

Kamu mai ieni, ma kamu kate vulagia na omea sauba ke laba, rongona igami kami gini donaginia tana tagu gua ke laba. Kamu tsarimakali gotoa tana tinete na omea ara laba nogo i sau, ma kamu vota rongona vanigami.

Josua 21:45

Mi tana nauvaganana ia, ma na Taovia e manaligira pipi sui nina veke aia e naunogoa vanigira na tinoni ni Israel.

Isaia 45:21

Kamu mai, ma kamu vaigokovigi talu, mi muri ma kamu sauvulagia nimui gogoko tana tinete. ?Laka asei nomoa e kate idanogoa i sau vasau na omea sauba ke laba? ?Me laka e tau inau nogo na Taovia, aia na God e laumaurisigira nina tinoni? E tagara goto sa god tavosi.

Isaia 43:9

Kamu soagira na puku tavosi sui goto ma kara mai laba tana tinete. ?Laka asei vidaqira niqira god igira tangomana ke katevulagia na omea sauba ke laba ke sau? ?Masei vidaqira igira e katevulagi idanogoa na omea ara laba i dani eni? Molovanigira na god peropero girani kara adimaigira gaqira rongovata, gana kara manaliginia laka igira nogo ara kategira idanogoa laka kara laba na omea vaga ara laba i dani eni.

Isaia 37:7

Na Taovia nogo sauba ke naua ma na taovia tsapakae ni Asiria ke rongomia moa kesa na goko ni sautu, maia ke tutunina, me ke tavongani visutugua i verana segeni, mi tana ti kara ba labumatesia.”

Isaia 37:29

Inau au rongominogoa na turupatuna nimu momosatoba ma nimu kaekae igoe, mi kalina ia, inau sauba kau kautiginia na salili na isumu, ma kau moloa na takutina na tapala tana mangamu, ma kau raqavisugo tana sautu igoe o liumai nogo i konina.”

Isaia 29:5

“Jerusalem, igira sui na tinoni ni veratavosi ara maiginigo sauba inau kau pualigigira vaga moa na papasa, ma niqira alaala na mane vaumate mamataguniga sauba kara lovoligi sui vaga moa na buruburu makede. Minau na Taovia Susuliga Sosongo sauba kau tavongani labanovo

Isaia 30:13

Igamu amu sasi manana nomoa. Mamu vaga saikesa nogo kesa na baravatu dato ao e tapatsuna i levuga, me tavongani puka tsuna.

Isaia 41:27

Minau na Taovia au idanogo na kate vulagiana vania Sion na turupatuna, minau nogo au molovanoa i Jerusalem kesa na mane adigoko ke ba tsaria, ‘!Ara maimai nogo igira nimu tinoni! !Eo, ara vivisu mai i vera!’