Isaia 48:10 - Ghari

¹⁰ Inau au tovoginigamu na lakena na rota, vaga moa kalina ara malesia na siliva i laona na lake loki. Mau tsodovulagia moa laka igamu amu tau tamani rongona.

Isaia 48:10 Referans Kwoze

1 Petero 4:12

Kulaqu galugaluve, kamu laka na gini novo kalina e gadovigamu na rota tana rongona nimui tutuni. Ma na rota vaga ia, e tau na omea vaolu vanigamu.

Goko Tabana 17:3

Na tinoni ara dona na tovoana na qolumila ma na siliva tana lake, ma na Taovia aia e tovoa na kosuna tinoni.

Nina Papi A Job 23:10

Maia God e donaginigira sui pipi niqu tsakutua; me ti vaga aia ke tovoleau, me sauba nomoa ke tsodovulagia laka au totu male saviliu moa.

Linge 66:10

Igoe God o tovolegami nogo; vaga na siliva kalina ara kukia tana lake rongona ke gini male, aia goto e vaga kalina igoe o tovolegami igami.

1 Petero 1:7

Ma kamu dona dou nomoa laka na rota amu tami na vatsangiana, i tana nogo e gini labamaka laka e mana nimui tutuni. Ma kamu reia ti na qolu. Na qolu maia e dona goto ke toroutsa. Mara tovotalua tana lake, mara vilitsaa laka ti na qolu manana nomoa se na one lee moa. Ma nimui tutuni igamu e vaga goto. Aia e dou tsapakae liusia baa na qolu. Me kiligotoa na tovoana talu, ma kara reia ti vaga ke dona na totukakai se tagara. Mi tana Dani i tana ke visumaitugua a Iesu Kristo, maia sauba ke soadougamu, me ke tsonikaegamu me ke soalokigamu.

Jeremia 9:7

Mi tana rongona na omea vaga ia ti na Taovia Susuliga Sosongo e tsaria, “Inau sauba kau tovogira niqu tinoni, vaga moa kalina ara kukia na siliva tana lake gana na malesiana. ?Ma nagua goto kau nauvanigira niqu tinoni rongona igira ara naua moa na omea tabaruga?

Na Katemai 3:19

Inau au dona kau totosasaga vanigira, ma kau kedegira igira sui au galuvegira. Vaga ia, ma kamu madodo ma kamu piloligi tanigira nimui sasi.

Na Vaolusi Ketsa 4:20

Migamu, igamu nogoria na tinoni aia e laumaurisigamu tania i Ejipt, vaga moa ti e lauligigamu tania na iruna na lake loki, rongona e ngaoa kamu lia nina tinoni segeni, migamu amu vaga ia tsaumai i dani eni.

Esekiel 20:38

Ma kau tsialigi tanigamu igira na vanga petsakoe ma na vanga nauseko. Sauba moa kau adirutsumigira tania na kao i tana ara totu kalina ia, me utu nomoa kau tamivanigira kara visutugua tana kao ni Israel. Mi tana ti igamu kamu donaginia laka inau nogo na Taovia.”

1 Taovia Tsapakae 8:51

Igira ara nimu tinoni segeni nogo igoe, mo adirutsumigira tania na Ejipt, i laona na umu romaroma.

Isaia 27:9

Me ti vaga igira na Israel kara ngaoa kara tanusiligi tania niqira sasi ma niqira aqo kara tairapasigira sui talu na vatuna niqira peotabu ponotoba, me ke tagara goto sa papadana na god daki ko Asera, se sa belatabu gana na kodo bulunagai uruuru, ke totuvisu i laoqira.

Jeremia 11:4

Aia nogo na vaitasogi inau au naua kolugira na mumuaqira i sau kalina au adirutsumigira tania na Ejipt, aia na vera i tana ara rota loki sosongo. Mau tsarivanigira kara rongomangaqu ma kara naua pipi sui lakalaka na omea inau au ketsaliginigira. Mau tsarigotoa vanigira laka ti vaga kara rongomangaqu dou, igira sauba kara lia niqu tinoni, minau kau lia niqira God.

Nina Papi A Job 28:1

Ma Job e goko baba moa me tsaria, “Igira na tinoni ara tsaia na baba loki i laona na kao agana na laveana na siliva ma na qolumila, mara aqosigotoa na sasana tana kara kodogira ke gini vanoligi na papasa lê, me ke totu moa na lakana na qolumila ma na siliva.