Isaia 47:4 - Ghari

⁴ Na God Tabu ni Israel, aia nogo nida Vagamauri. Ma na Taovia Susuliga Sosongo aia nogo na soana.

Isaia 47:4 Referans Kwoze

Isaia 44:6

Na Taovia, aia e tagaovigira me reitutugugira na tinoni ni Israel, aia na Taovia Susuliga Sosongo e tsaria na omea iani: “Inau nogo na kesanina ma na susuina, me tagara goto sa god tavosi, inau segeni lelê moa au God.

Isaia 49:26

Inau sauba kau naua migira ara bingi sekoligo kara vaimatesigi segeni, ma kara gini bule na labumate ma na momosatoba loki. Mi tana ti igira na mamatana tinoni sui kara donaginia laka inau nogo na Taovia, mau laumaurisigo, mau suivisugo, me laka inau nogo niqira God susuliga igira na Israel.”

Isaia 43:14

Ma nina God tabu na Israel, aia nogo na Taovia e laumaurisigamu igamu e tsaria, “Inau sauba kau molo bâ kesa na alaala na mane vaumate ke baginia na verabau ni Babilon, gana kau laumaurisiginigamu. Ma kau pokati tsunagira na matsapakapuna, ma niqira gû na magemage igira na tinonina sauba ke oli me ke lia na ngangai.

Isaia 41:14

Ma na Taovia e tsaria, “E atsa moa ti igamu na Israel amu tetelo mamu maluku lê vaga ia, kamu laka moa na matagu; inau sauba kau sangagamu. Inau na God tabu ni Israel, minau nogo au laumaurisigamu.

Jeremia 31:11

Eo, inau na Taovia au laumaurisigira na tinoni ni Israel tania na limana kesa na puku loki e susuliga liusigira igira.

Isaia 54:5

Inau nogo au vusago, mau lia na savamu. Ma na Taovia Susuliga Sosongo, aia nogo na soaqu inau. Inau na God tabu ni Israel sauba kau laumaurisigo, inau nogo au tagaovi kaputia na barangengo popono.

Isaia 43:3

Rongona inau na Taovia nimui God, na God tabu ni Israel minau nogo au laumaurisigamu. Kalina igamu amu totu moa tana limaqira gamui gala, inau au tusugira na Ejipt, ma na Sudan, ma na Seba, na tugumui, rongona igamu kamu gini totu tanusi.

Linge 19:14

Au nongigo Taovia, ko tamidoua na adiaqira pipi niqu tsaqina goko ma niqu papada ma kara dou sui i matamu. !Taovia, igoe nogo niqu reitutugu mo niqu vagamauri!

Amos 4:13

Aia God nogo e aqosigira na vungavunga me moloa na guguri. Maia e tamivanigira na tinoni kara donaginia nina papada; me olia na dani me lia na bongi. Maia e vanovano i kelana na barangengo. !Miani nogo e vaga na soana: na Taovia God Susuliga Sosongo!

Isaia 43:15

Inau na Taovia nimui God tabu. Inau nogo au vusagamu igamu na Israel, minau nogo nimui taovia tsapakae.”

Isaia 51:15

“Inau nogo na Taovia nimui God. Inau nogo au vulokaea na tasi, mau naua mara karara na panuna. !Na Taovia Susuliga Sosongo aia nogo na soaqu inau!