Isaia 47:3 - Ghari

³ Migira na tinoni sauba kara morosigo kalina ko totu malaiole, ma kara reigo kalina o totu palatsuna saikesa me paluvangamamu. Inau sauba nomoa kau tangotuguqu, me tau goto tangomana ke kesa ke utukapusiau.”

Isaia 47:3 Referans Kwoze

Nahum 3:5

Ma na Taovia Susuliga Sosongo e tsarivaganana iani, “!Inau sauba kau kedego igoe na Ninive! Igoe na daki rebi, minau sauba kau veroligia na polomu, mo ko totu malaiole i mataqira na tinoni tavosi sui, me ke gini paluvangamamu sosongo.

Na Katemai 16:19

Ma Babilon na vera loki ia, e tapavota tolu na turina, ma na vera sui tana barangengo ara viri luvu sui. Eo, God e padavisua na vera loki i Babilon, me turuginia ke inuvisuia na tseu na uaenina na korena loki.

Roma 12:19

Kulaqu igamu, kamu laka goto na tuguvisuana na omea seko ara nauvanigamu na tinoni tavosi. Kamu molovania moa na korena God ke naua, matena ara marenogoa tana Mamare Tabu laka na Taovia e tsaria, “Inau nogo sauba kau tuguvisua na omea seko ara nauvanigamu.”

Esekiel 16:37

Mi tana rongona igoe o nauvanganana ia, minau sauba kau adisaigira sui nimu udu ni sau, igira igoe o galuvegira, migira goto igoe o reisavigira, ma kara mai tu polipoligo, mi tana ti inau kau veroligi tanigo na polomu, ma kau molovanigira kara morosigo kalina ko malaiole.

Jeremia 51:56

Igira ara mai gana kara toroutsania na Babilon; mara tangoligira nina mane vaumate, mara bokua niqira parige. Inau nogo na God au dona kau kedegira igira ara naua na omea tabaruga, me sauba nomoa kau nauvania na Babilon na omea vaga e ulagana.

Jeremia 51:11

Na Taovia e tsavalagira na taovia tsapakae tana Media, rongona aia e padanogoa ke toroutsania na Babilon, gana ke gini tangotuguna nina Vale Tabu ara toroutsania. Migira gaqira taovia na gala ara ketsaligira niqira tinoni, “!Kamu katsu vavangagira nimui pipili! !Ma kamu tangoli vangaraua nimui tako!

Jeremia 51:4

Igira sauba kara boka sui, ma kara viri mate tana sautuna niqira verabau.

Jeremia 13:26

Na Taovia segeni nogo sauba ke tsoraligia na polomu, me ke paluvangamamu.

Jeremia 13:22

Me ti vaga igoe ko veisuâ na rongona gua te ara laba vanigo na omea sui vaga girani, mo ko dona laka tana rongona nogo igoe o sasi loki sosongo te ara tsoraligia na polomu mara raqago.

Na Vaolusi Ketsa 32:35

Na Taovia sauba ke tangotugu me ke kedegira; sauba ke labamai na taguna i tana igira kara puka; me maimai varangi nogo na dani i tana kara mate;

Na Katemai 18:20

!Ko magemage igoe na baragata, migamu sui goto nina tinoni God, migamu na apostolo ma na propete, rongona God e pedenogoa na vera loki ia tana rongona na omea seko aia e naua vanigamu!

Tuturigana 3:7

Mi tana tagu tsotsodo ara ka ganisuia na vuana gai, mara ka reigadovia laka ara ka malaiole; mi tana mara ka tsukisaigira na rauna gai mara ka tsavuginia ka koniqira.

Isaia 20:4

Na taovia tsapakae ni Asiria sauba ke tangolikaira na Ejipt ma na Sudan me ke aditsekavanogira malaiole ka niqira tinoni. Atsa moa ti na tinoni vaolu se na tuqatuqa, migira sui sauba kara vanovano kolua moa na tuaqira lê ma kara malaiole, me ke lalaba lê na tutukeqira, me ke gini paluvangamana na Ejipt.

Isaia 35:4

Tsaria vanigira igira ara tobakuku, “!Kamu malagai, ma kamu laka na matagu! Nimui God e maimai nogo gana ke isutugumui, me ke kedegira gamui gala.”

Isaia 3:17

Minau sauba kau kedegira, ma kau tsara koakoa na lovaqira gana kau paluvangamaqira.”