Isaia 47:1 - Ghari

¹ Na Taovia e tsarivaganana iani vania na verabau ni Babilon, “Igoe Babilon ko tsunamai tania nimu sasana na totukae mo ko totupuka tana kao i laona na papasa. I sau igoe o vaga moa kesa na baka daki vaolu, kesa na verabau e tau goto vati tuliusia ke kesa, mi kalina ia, igoe e tau nogo malopolopo me ke angaanga dou na kokoramu. Igoe o lia nogo na tseka.

Isaia 47:1 Referans Kwoze

Jeremia 51:33

Me sauba ke tau oka migira na gala kara kavitsunagira ma kara tsogorigira vaga moa na uiti tana nauna na mani dudusiana. Inau nogo na Taovia Susuliga Sosongo na God ni Israel au tsaria na omea iani.”

Linge 137:8

Igoe Babilon ko rorongo, sauba kara toroutsanigo igoe. Ke mage aia e tangotugumami igami me ke labuvisugo tana rongona na omea seko igoe o naua vanigami igami,

Jeremia 50:42

Ara tangolinogoa niqira parige ma niqira isi. Ara dona sosongo na rotasi tinoni, mara tau goto dona na gaeana ke kesa. Igira ara maimai tana niqira ose, ma na kukutuna na tuaqira na ose e vaga moa na kukutuna na tasi loki, mara vangarau nogoa na vailabugi koluana Babilon.

Jeremia 46:11

!Bâ, igamu na tinoni ni Ejipt kamu vano rago i Gilead ma kamu ba lavea gamui sinagore! Igira sui lakalaka gamui sinagore ara tau goto dona kara manalia sa omea. Me tagara goto sa sinagore tangomana ke maurisigamu.

Isaia 3:26

Ma na verabau nogo ia sauba ke lia vaga moa na daki ara tsoraligi vania na polona me malaiole, me totu raparapa lê tana kao. Migira na matsapakapuna na vera kara morosi vaganana ia, ma kara tangitangi ma kara ngangai.

Jeremia 48:18

Migamu amu totu i Dibon, kamu tsunaligi tania na sasamui paladato, ma kamu totupuka tana kao i laona na papasa. E mailaba nogo ieni aia gana aqo ke toroutsania na Moab, maia e vui pukaligira sui nogo nina valekakai ara barapoliginigira na vatu.

Isaia 37:22

miani nogo na omea vaga e tsaria na Taovia tana rongona a Senakerib, “Igoe a Senakerib, na verabau ni Jerusalem e kiataginigo me gilugamu.

Linge 18:27

Igoe o maurisigira igira ara totu palatsuna. Mo molotsunaligira igira ara sasaga kaekae.

Na Katemai 18:7

Aia e mauri tana tsonikae segenina mi tana magemage, baa, mi kalina eni igamu kamu nautuguna vania tana rota loki ma na vatsangisavi. Aia e goko kaekae me tsari segenina sailagi vaga iani: ‘!Inau na daki taovia, mau totukae tana sasaqu na totu! !Minau tau na daki tinamate, mau tau goto dona kau vatsangisavi kesa dani!’

Esekiel 28:17

Igoe o gini kaekae sosongo na douna na rereimu, me bulesigo moa nimu tangirongo. Maia nogoria na rongona ti inau au tsonitsunago i mataqira na taovia tsapakae tavosi, gana kalina kara morosigo ma kara gini parovata.

Esekiel 26:16

Migira sui na taovia tsapakae tana puku ara totu i tasi taligu sauba kara gini matagu loki sosongo bâ na reiana na omea e laba vanigo, me sauba kara tû ma kara tsunaligi tania niqira sasana na totukae, ma kara tsoraligigira na poloqira sagesage katsi ara tula mamaregasia, ma kara totu tsuna tana kao lê ma kara gagariri.

Tangitangi 4:5

Migira na tinoni ara lavu na ganiana na mutsa dou bâ, ara gini mate na vitoa tana sautu loki. Migira ara dato tana mauri laka ara ba gesi gaqira mutsa tana tsavutsavu.

Tangitangi 2:21

Mara matesigira goto na tinoni vaolu, ma na tuqatuqa, ma na dakidaki, me viri tsaro na mateqira tana sautu loki. Migoe o tau goto gaegira, mo bâ labumatesigira moa tana danina nimu momosatoba loki.

Tangitangi 2:10

Migira na tuqatuqa ni Jerusalem ara totu muimui moa i lao, mara ulia na papasa tana lovaqira mara sagelia na polo baubau papadana na melu. Migira na baka daki ara tsuporu tsuna moa tana kao.

Jeremia 13:18

Ma na Taovia e tsarivaniau, “Ko ba tsarivanikaira na taovia tsapakae ma na tinana, kara ka tsunaligi tania ka niqira sasana na totukae, rongona ka niqira virigi lova rerei dou sosongo ara pukaligi nogo tania ka lovaqira.

Isaia 52:2

Jerusalem, igoe o totu sosori kalina ia, ko tû mo ko tsapuligia na papasa tania na konimu, mo ko nusiligia na itai tapala ara soriginigo, mo ko ba totukae tugua tana nimu sasana na totukae.

Isaia 26:5

Aia e molotsunaligira igira ara kaekae; me toroutsania niqira verabau kakai, me vui pukalia na baravatuna me lia na papasa lê.

Isaia 23:12

Eo, migoe na verabau ni Sidon e sui nogo nimu magemage, igira na gala ara bingi sekoligira nogo nimu tinoni. Me atsa moa ti kara tangomana na tsogovano i Siprus me sauba e utu goto kara toturavi dou i tana.

Linge 89:44

Igoe o adiligi sui vaninogoa na papadana gana tangisoa, mo tsonitsuna i lao nina sasana na totukae.

Nina Papi A Job 2:13

Mi muri, mara tu totu puka kolua i lao tana kao, mara tu totu i tana e vitu na dani me vitu na bongi, mara tu tau goto tsonia sa tsaqina goko rongona ara tu kadangaginia na rota loki sosongo e gadovia.

Nina Papi A Job 2:8

Ma Job e vano me ba totu tana tsavutsavu i tana ara tsoni kutso, me rugia kesa na tapana na popovatu me kariginia na vorana.

Hagai 2:22

ma kau pukalia gaqira susuliga na taovia tsapakae sui, ma kau kovoraginia niqira terê kolugira na mane ara tagaovigira; migira niqira ose sauba kara viri mate lê, migira ara sagekae i kelaqira sauba kara vaimatesigi segeni.

Jona 3:6

Mi kalina na taovia tsapakae ni Nineve e rongomia na omea e laba vaga ia, maia e tuligi tania nina bela na totukae, me tsoraligia na polona taovia, me sagelia na polo baubau me gini uliuli na tora, gana ke sauvulagia laka aia e padasavi matena nina sasi.

Isaia 13:1

Iani nogo e vaga na goko God e tsarivania a Isaia na dalena a Amos tana rongona na Babilon.

Jeremia 50:1

Iani nogo na goko aia na Taovia e tsarivaniau, inau a Jeremia, tana rongona na verabau ni Babilon migira na tinonina:

Isaia 13:13

Inau sauba kau naua me ke kasisi na baragata, ma kau keselia na barangengo me ke tapiu tania na sasana tana dani ke botsalaba na korequ inau na Taovia Susuliga Sosongo.

Isaia 14:1

Na Taovia sauba ke galuvegira tugua nina tinoni Israel, me ke viligira tugua kara lia nina tinoni segeni nogo aia. Me sauba ke tamivanigira kara totuvitugua niqira butona kao segeni, migira na tinoni ni veratavosi kara mai totu kolugira goto i tana.

Isaia 21:1

Iani nogo e vaga na goko e kalea na Babilon. Vaga saikesa nogo na viru e liu taligu tana kaomate, sauba ke vaga goto na rota seko loki ke talumai kesa tana butona momoru mamataguniga.

Jeremia 51:1

Na Taovia e tsaria, “Inau au alomaia kesa na guguri loki sosongo ke gadovia na Babilon migira nina tinoni.

Jeremia 51:51

Igamu amu tsaria, ‘Ara paluvangamamami sosongo igami, mami totu moa tana vangamâ. Ami tau saikesa dona nagua kami naua, rongona igira na tinoni ni veratavosi ara sagenogoa i laona na nauna tabu tana Vale Tabu.’