Isaia 44:3 - Ghari

³ “Inau sauba kau qetu kona na kao e tagara kô i laona, ma kau naua me ke tave vanigamu na ko tsatsali tana kao mamatsa. Me sauba kau dangaliginigira na dalemui niqu Tarunga, ma kau vangalaka vanigira na kukuamui.

Isaia 44:3 Referans Kwoze

Joel 2:28

Mi muri, minau sauba kau molo bâ niqu Tarunga vanigira na tinoni sui. Migira na dalemui, na mane ma na daki, sauba kara turupatuna niqu goko, ma nimui borau sauba kara reia na omea ke laba malemale vanigira, migira nimui tinoni loki, sauba kara bolea na bolebole.

Aqoaqo 2:17

‘Ia nogo ke vaga na omea sauba kau naua tana susuina na dani, God e tsaria: Sauba kau molo baa niqu Tarunga vanigira na tinoni sui. Migira sui na dalemui, na mane ma na daki, sauba kara turupatuna niqu goko; ma nimui borau sauba kara reia na omea ke laba malemale vanigira, migira nimui tinoni loki, sauba kara bolea na bolebole.

Isaia 59:21

Minau au naua kesa na vaitasogi vaolu kolugamu: Inau au tusuvanigamu nogo na susuligaqu ma niqu sasani kamu tamanina sailagi, me tû kalina ia me ke bâ, migamu nimui aqo kamu rongomangaqu inau, ma kamu sasanigira na dalemui ma na kukuamui na rongomangaqu sailagi inau tana tagu sui ke mai.”

Goko Tabana 1:23

Kamu rorongo kalina inau kau taimatamui; inau sauba kau sauvanigamu na totosasaga dou ma kau pata kolugamu na omea inau au donaginia.

Na Katemai 21:6

Me tsarigotoa, “!E sui nogo! Inau na idana tsotsodo ma na murina tsotsodo, na tuturigana ma na susuina. Asei moa ti ke marou, sauba kau tamivania ke inu lee tana vuravura na koo na mauri me ke tau goto tsonimatena.

Aqoaqo 2:39

Rongona na veke God e naua, aia e naua vanigamu me vanigira goto na dalemui, me vanigira sui goto igira ara totu ao, eo, pipi gira sui aia na Taovia nida God e soamaigira i konina segeni.”

Sekaria 12:10

“Minau sauba kau dangaliginigira na kukuana a David, migira goto na tinoni tavosi ara totu i Jerusalem, ginia na tarunga na galuve ma na nonginongi. Igira sauba kara bungutia aia ara baomatesia, ma kara tangisia, vaga ara tangisia na mateana na daleqira aia lelê moa ngiti daleqira. Me sauba kara tangitangi loki vaga moa igira e mate na daleqira botsa ida.

Esekiel 39:29

Minau sauba kau saua niqu tarunga vanigira sui na Israel, me utu goto kau piloligi tanigira tugua. Inau nogo na Taovia God au tsaria na omea iani.”

Isaia 32:15

Maia God sauba ke molomaitugua nina tarunga. Migira na kao seko lê sauba ke liatugua na kao lakataga, ma kara dato dou danga sosongo na omea tsukatsuka i laona.

Aqoaqo 10:45

Migira na tinoni tutuni ni Jopa ara murimaia a Petero na Tsiu sui moa igira, mara gini novo goto rongona God e tusumaigotoa na vangalaka na Tarunga Tabu vanigira na tinoni ni veratavosi.

Linge 107:35

Aia e olia na kaomate mara maodato na kô i konina, mi tana kao mamatsa ara vuradato na kô.

Isaia 41:17

“Mi kalina igira niqu tinoni kara marou ma kara lave kô, ma na lioqira ke gini mamatsa na ngao inu, mi tana ti inau na Taovia sauba kau rongomia niqira nonginongi. Inau na God ni Israel sauba e utu saikesa kau tsonilegira.

Joel 3:18

Mi tana tagu ia, ma na uta na uaeni kara pokotsavu poponogira na vungavunga, migira na buluka kara viri mutsamutsa bamai tana tetena, me sauba ke tsatsalitavetugua na kô tana okooko mamatsa i laona na Juda. Me kesa na ko tsatsali sauba ke talumai i laona nina Vale Tabu na Taovia me ke ba malobusia na Poi ni Akasia.

Aqoaqo 2:33

Maia e totu nogo tana madoana God, me adinogoa na Tarunga Tabu i konina na Tamana vaga aia e vekea. Ma na omea igamu amu reia mamu rongomia kalina eni, aia nogoria nina tuva vangalaka e saumaia vanigami.

Esekiel 34:26

“Minau sauba kau vangalaka vanigira sosongo, ma kau tamivanigira kara totu polia niqu vungavunga tabu. Mi tana inau sauba kau molomai vanigira na usa tana taguna laka.

Isaia 61:9

Sauba ke tangiloki na rongoqira i laoqira na puku sui, migira sui kara reigira sauba kara donaginia laka igira nogo na tinoni inau au vangalaka vanigira.”

Na Katemai 22:17

Mara ka tuu kaira na Tarunga Tabu ma na Daki Tauga Vaolu, mara ka tsaria, “!Kamu mai!” Me pipi igira sui ti kara rongomia na goko vaga iani, ma niqira aqo kara tsarigotoa, “!Kamu mai!” Eo, kamu mai ti asei e marou. Asei moa e ngaoa na inu, e dou ke mai me ke inu lee tana koo na mauri, me ke tau tsonimatena.

Isaia 48:21

Mi kalina na Taovia e idagana sautu vanigira nina tinoni tana kaomate papara me mamatsa, migira ara tau goto gini rota na marou. Aia e naua me vuramai vanigira na kô talu tana maragova, aia e tapalia na maragova ma na ko maroga e tavongani rutsumai.

Isaia 65:23

Me sauba kara tangomana pipi sui tana aqo ara naua, ma na daleqira sauba e utu goto ke tavongani laba vanigira sa rota seko loki. Minau sauba kau vangalaka vanigira, me vanigotoa na kukuaqira, tana tagu sui ke mai.

Linge 63:1

God igoe nogoria niqu God, minau e silovi sosongoliau na reiamu igoe. Na koniqu popono e amesigo moa igoe; ma na tidaoqu e gini marou tana rongomu, vaga saikesa moa ti na kao mamatsa lê, me tagara sa kô ke malobusia, na tidaoqu e gini marou tana rongomu igoe.

Isaia 49:10

e utu goto kara dona na vitoa ma na marou. Na paparana na aso ma na kaomate e utu goto ke sekoligira, rongona aia e galuvegira sauba ke idagana sautu vanigira, me ke tudumigira bâ tana ko vuravura.

Isaia 32:2

Pipi kesa vidaqira sauba ke vaga kesa nauna i tana igira na tinoni kara tsogoravi tania na guguri ma na legai. Me sauba kara vaga na kô e tatave i laona na kaomate, me vaga goto na auauna kesa na maragova dato ao i levugana na kaomate.

Mateo 12:43

“Kalina ti vaga kesa na tidao seko ke rutsuligi tania kesa na tinoni, maia e baa me rurugu bamai tana kao mamatsa. Me lalavea kesa na nauna dou tana ke mango.

Nina Papi A Job 5:25

Ma na dalemu ma na kukuamu sauba kara danga sosongo vaga saikesa nogo na rauqira na buruburu tana kao.

Isaia 48:19

Migira na kukuamui kara danga vaga na vatu na one, minau kau matanidougira, me ke gini utu kara toroutsa saikesa.”

Isaia 55:1

Na Taovia e goko me tsaria, “!Kamu mai i koniqu igamu sui amu marou, ieni nogo na kô! !Kamu mai igamu amu tau tamanina sa qolo, ma kamu voligamui ma kamu mutsa masu! !Mai, ma kamu voli uaeni ma na miliki, me utu goto kara kili matena i konimui!

Esekiel 36:27

Ma kau moloa niqu Tarunga i laomui, ma kau naua migamu sauba kamu muridougira tugua niqu vali, ma kamu taoni mananâ pipi sui niqu ketsa au saugira nogo vanigamu.

Esekiel 47:8

Maia e tsarivaniau, “Na kô iani e tave bâ tabana i longa, me tsuna bâ tana Poi Jordan, me tsau bâ tana Tasi Mate. Mi kalina e sage bâ i laona na Tasi Mate maia e olia na tasi me lia na ko laka.

Hosea 10:12

Minau au tsaria, ‘Kamu qari vanigamu segeni na kao vaolu, ma kamu tsukâ na sasaga goto laka, me sauba kamu tsurivia na lakana dou e moloa nimui aqo dou vaniau inau. E mailaba nogo na tagu i tana kamu pilomai i koniqu inau nimui Taovia, minau sauba kau mai ma kau vangalaka vanigamu tugua.’

Mika 5:7

Migira na toga ni Israel ara kauvisu sauba kara lia vaga moa na kolobu e talumai konina na Taovia i laoqira na puku tavosi danga, me vaga goto na tsitsikina na usa e malobusia na kutsuna vaolu na omea tsukatsuka. Migira sauba kara vataragi kakai tana susuligana God, me tau tana tinoni lê.

Isaia 27:3

“Inau nogo na Taovia au reitutugua niqu uta na uaeni dou sosongo mau sao kona sailagi. Au matalia na bongi ma na dani rongona ke gini tagara goto ke kesa ke tangopekea.

Joel 2:27

Mi tana ti igamu na Israel sauba kamu donadouginia laka inau au totu i laomui, me laka inau moa na Taovia nimui God, me tagara goto ke kesa segeni. Migamu niqu tinoni sauba e utu goto kara peagamu tugua.

Joel 3:1

Na Taovia e tsaria: “Mi tana tagu ia, inau sauba kau naua ma kara tamani omea danga tugua igira na tinoni tana Juda mi Jerusalem.