Isaia 44:2 - Ghari

² Inau nogo na Taovia au vusagamu. Me tû nogo tana dani amu botsa, minau au sangagamu. Kamu laka na matagu; igamu niqu maneaqo inau, ma niqu tinoni vivili, mau galuve sosongoligamu.

Isaia 44:2 Referans Kwoze

Jeremia 1:5

“Au tau vati vusago moa i tobana tinamu, minau au donaginigo nogo. Mo tau vati botsa moa igoe, minau au viligo nogo ko lia na propete vanigira na puku sui.”

Isaia 43:1

Igamu na Israel, na Taovia aia e vusagamu e goko me tsaria, “Kamu laka na matagu, inau nogo sauba kau laumaurisigamu. Inau nogo au molovanigamu na soamui, migamu niqu tamani nogo inau.

Isaia 44:24

“Inau nogo na Taovia nimui Vagamauri; inau nogo au vusagamu. Inau na Taovia, mau vusagira pipi sui na omea. Inau segeniqu moa au tatakatsinia na masaoka; mi kalina au vusâ na barangengo, me tagara goto ke kesa ke sangaau.

Isaia 43:7

Igira niqu tinoni segeni nogo inau, minau nogo au vusagira gana kara tsonikaeginiau.”

Isaia 49:1

!Kamu rongomiau inau igamu na tinoni tana vera ao mi tana tasi taligu! Idavia kalina au tau vati botsa inau, ma na Taovia e viliau, me moloau kau lia nina maneaqo.

Epesus 1:4

Kalina e tau vati botsa moa na barangengo, ma God e vili manogatigita nogo i laona a Iesu Kristo ka gini lia nina tinoni, ma ka gini tangomana na totu dou ma na mauri male i matana aia. Tana nina galuve nogo,

Isaia 41:10

!Kamu laka na matagu, inau au totu kolugamu! !Inau nogo nimui God, kamu laka na tamivaniana sa omea ke molomatagu vanigamu! Inau sauba kau susuligasigamu, ma kau sangagamu; me sauba nomoa kau reitutugugamu ma kau maurisigamu.

Roma 8:30

God e soagira igira aia segenina nogo e viligira. Migira aia e viligira e mologotosigira nogo i konina, me patakolugira goto tana mararana.

Linge 71:6

Tana mauriqu popono au vataragi i konimu segeni moa igoe; migoe nogo o reitutuguau tû tana dani au botsa. Minau sauba kau tsonikaego sailagi.

Isaia 43:21

Igira nogoria na tinoni au aqosigira vaniau segeni, gana kara lingena na linge na tsonikaeginiaqu.”

1 Tesalonika 1:4

Eo, igamu na tasimami, ami tu dona laka God e galuve sosongoligamu, te e viligamu mamu gini lia nina tinoni segeni.

Luka 12:32

“Kamu laka na matagu igamu niqu alaala tetelo, rongona God na Tamamui e kilia kamu tamanipata kolua tana susuligana.

Hibru 4:16

Vaga ia, migita ka malagai, ma ka laka na matagu na ba varangisiana nina sasana na totukae God i tana nogo e totu nina vangalaka. Mi tana aia sauba ke galuvegita me ke vangalaka vanigita, me ke sangagita tana tagu na rota.

Isaia 44:21

Na Taovia e tsarigotoa, “Igamu na Israel, na kukuana a Jakob, kamu padatugua na omea iani. Kamu padatugua laka igamu niqu maneaqo inau. Inau nogo au vusagamu gana kamu lia niqu maneaqo, me utu saikesa kau padalegamu.

Linge 46:5

Ma God aia e totu pukuga tana vera loki ia, me gini utu ke taveo. Mi tana matsaraka rovorovo maia sauba ke mai me ke sangâ.

Isaia 43:5

!Kamu laka goto na matagu, inau nogo au totu kolugamu! “Me ke tû tana butona momoru i longa ao, me tsau bâ i tasi ao, minau sauba kau adivisumaigira nimui tinoni.

Isaia 41:14

Ma na Taovia e tsaria, “E atsa moa ti igamu na Israel amu tetelo mamu maluku lê vaga ia, kamu laka moa na matagu; inau sauba kau sangagamu. Inau na God tabu ni Israel, minau nogo au laumaurisigamu.

Na Vaolusi Ketsa 33:5

Na Taovia e lia niqira taovia tsapakae igira nina tinoni ni Israel kalina igira sui niqira puku ma niqira ida ara saikolumai sui.”

Na Vaolusi Ketsa 32:15

“Igira nina tinoni na Taovia ara tamani omea danga, me atsa moa e vaga ia, migira ara petsakoe mangana moa; ara mutsa sosongo me gini subu na tobaqira. Igira ara piloligi tania God aia e aqosigira mara sove tania niqira vagamauri susuliga.

Na Vaolusi Ketsa 33:26

Mi murina nina nonginongi ma Moses e tsarigotoa, “Tinoni ni Israel, e tagara goto sa god ke vaga nimui God, aia e sage tana mararana loki i gotu tana masaoka me liu i laona na parako gana ke mai sangagamu.

Isaia 27:11

Migira sui na arana gai ara matsele lê mara viri taboku, ma na daki ara mai tsakosaigira gana na lake. Mi tana rongona nogo igira na tinoni ara tau padagadovia sa omea, ti God, aia nogo e aqosigira, sauba ke tau nogo galuvegira se ke gaegira.

Isaia 41:8

“Migamu na Israel niqu maneaqo, igamu nogoria na tinoni inau au viligamu, igamu na kukuana a Abraham na kulaqu dou.

Isaia 45:11

Na Taovia aia na God tabu ni Israel, aia e aqosigira na omea sui e tsarivaganana iani: “!E tau nimui aqo igamu kamu veisuaau inau tana rongoqira na dalequ, se kamu pedea na omea gua kau naua!

Isaia 49:5

Au tau vati botsa moa inau, ma na Taovia e viliau nogo, me moloau kau lia nina maneaqo rongona kau pidikaevisugira nina tinoni ni Israel, igira ara viri totu piriutsa bamai. Na Taovia e padaloki sosongoliau nomoa, ma niqu God aia nogo na pukuna na susuligaqu.

Jeremia 30:10

“Me vaga ia, migamu niqu tinoni kamu laka na matagu, migamu na toga ni Israel kamu laka goto na kadangaginiana sa omea. Inau sauba kau laumaurisigamu tania na vera ao, aia nogo na vera i tana amu totutseka kalina ia. Igamu sauba kamu visumaitugua i veramui ma kamu totu tana rago, ma kamu totu raviravi dou, me ke tagara goto kesa tangomana ke molo matagu vanigamu.

Linge 95:6

!Mai, ma ka tsuporu ma ka samasama vania; ka tsunatuturu i matana na Taovia aia e aqosigita!