Isaia 43:3 - Ghari

³ Rongona inau na Taovia nimui God, na God tabu ni Israel minau nogo au laumaurisigamu. Kalina igamu amu totu moa tana limaqira gamui gala, inau au tusugira na Ejipt, ma na Sudan, ma na Seba, na tugumui, rongona igamu kamu gini totu tanusi.

Isaia 43:3 Referans Kwoze

Isaia 60:16

Migira na puku tavosi ma niqira taovia tsapakae sauba kara reitutugugo, vaga moa kesa na daki e reitutugudoua na dalena. Mi tana ti sauba igoe ko donaginia laka inau nogo na Taovia au laumaurisigo, me laka inau na God Susuliga ni Israel au suivisugo nogo.

Isaia 45:15

Na God ni Israel, aia e laumaurisigira nina tinoni, e dona sosongo na molopoi segenina.

Binaboli 20:2

“Inau na Taovia nimui God minau nogo au adirutsumigamu tania na Ejipt i tana igamu amu totu tseka.

Isaia 49:26

Inau sauba kau naua migira ara bingi sekoligo kara vaimatesigi segeni, ma kara gini bule na labumate ma na momosatoba loki. Mi tana ti igira na mamatana tinoni sui kara donaginia laka inau nogo na Taovia, mau laumaurisigo, mau suivisugo, me laka inau nogo niqira God susuliga igira na Israel.”

Goko Tabana 21:18

Na tinoni vanga tsutsukibo ara alomai vanigira segeni na rota atsa vaga nogo na rota ara tovoa na rotasiginiaqira na tinoni dou.

Isaia 45:21

Kamu mai, ma kamu vaigokovigi talu, mi muri ma kamu sauvulagia nimui gogoko tana tinete. ?Laka asei nomoa e kate idanogoa i sau vasau na omea sauba ke laba? ?Me laka e tau inau nogo na Taovia, aia na God e laumaurisigira nina tinoni? E tagara goto sa god tavosi.

Iude 1:25

Me kolua a Iesu Kristo nida Taovia igita ka tsonikaea God, aia segeni e dato putsikae, me susuliga liuliu baa, me tagaovi kaputigira na omea sui, e tuu tana tagu e putsi nogo, mi tana tagu kalina ieni, me ke baa tana tagu tagara ke tau sui. Amen.

Hosea 13:4

Ma na Taovia e goko me tsaria, “Inau nogo na Taovia nimui God au adirutsumigamu tania i Ejipt. Inau segeni moa nimui God, mamu tau goto tamanina sa god tavosi. Inau segeni moa nimui vagamauri.

Isaia 30:11

Kamu baligi tanigami, ma kamu laka na utusiana nimami sautu. Igami ami tau goto ngaoa na rongomiana sa omea tana rongona nimui God tabu ni Israel.”

Goko Tabana 11:8

Igira na tinoni e goto niqira sasaga ara totu tsida tania na rota; me pilo na rota me ba gadovigira igira na vanga tsutsukibo.

Isaia 41:14

Ma na Taovia e tsaria, “E atsa moa ti igamu na Israel amu tetelo mamu maluku lê vaga ia, kamu laka moa na matagu; inau sauba kau sangagamu. Inau na God tabu ni Israel, minau nogo au laumaurisigamu.

Isaia 20:3

Mi kalina igira na Asiria ara tangolinogoa na Asdod, ma na Taovia e tsaria, “E tolu nogo na ngalitupa aia Isaia niqu maneaqo inau e liu malaiole bamai kolua na perana tuana lê. Ma na omea aia e naua na papadana nogo na omea sauba ke laba vanigira na Ejipt ma na Sudan.

Binaboli 10:7

Mara tû igira nina mane sasanga na taovia tsapakae mara tsarivania, “?Laka ke oka koegua sagata sauba ke saurota vanigita na mane iani? Ko tamivanigira moa na mane ni Israel kara vano rongona kara gini samasama vania na Taovia niqira God. ?Tagara mo tau vati reigadovi ngatsua moa igoe laka e toroutsa sui nogo na Ejipt?”

Tuturigana 10:7

Migira na kukuana a Kus igira nogo na tinoni ni Seba, mi Havila, mi Sabta, mi Raama, mi Sabteka. Migira na kukuana a Raama, igira nogo na tinoni ni Seba mi Dedan.

Aqo Manetabu 11:44

Inau na Taovia nimui God, ma nimui aqo kamu doulaka saviliu, rongona inau au doulaka saviliu.

Linge 72:10

Migira na taovia tsapakae ni Spain mi tasi taligu, sauba kara saua vania niqira vangalaka; migira na taovia tsapakae ni Arabia mi Etiopia sauba kara adimai vania niqira sausau.

Isaia 19:20

Mi kaira nogo sauba kara ka lia na papadana laka na Taovia Susuliga Sosongo e totu tana Ejipt. Mi kalina ti kara mai na gala ma kara bingi sekoligira na tinoni ni tana, migira sauba kara ngangaidato vania na Taovia gana ke sangagira, maia sauba ke molovanoa kesa ke laumaurisigira.

Isaia 42:8

“Inau segeni moa na Taovia nimu God. Me tagara goto sa god tavosi tangomana ke sangapata tana mararaqu; me utu goto kau tamivanigira na tinoni kara tsonikaea na titinonina na god peropero.

Isaia 43:11

“Inau segeni moa na Taovia, minau lelê moa tangomana kau laumaurisigamu.

Isaia 45:14

Na Taovia e tsarivanigira na Israel, “Igira sui na vangana loki matena tana Ejipt ma na Sudan sauba kara lia na tamanimui igamu, migira na tinoni katsi ni Seba sauba kara aqotseka vanigamu, ma kara tsarimurimui kolu itai tapala tana limaqira. Ma kara tsuporu tsuna i matamui ma kara tsaria, ‘God nogo e totu kolugamu igamu, maia segenina moa e God.

Isaia 63:8

Ma na Taovia e goko me tsaria, “Igira niqu tinoni segeni nogo inau, me utu saikesa kara pero bulesiau.” Maia e tû me laumaurisigira

Jeremia 14:8

Migoe segeni moa nimami amesi igami na tinoni ni Israel. Migoe segeni lelê moa tangomana ko maurisigami tania na omea seko loki. ?Me laka egua ti o vaga moa na tinoni labana tana veramami igami, me vaga moa na tinoni tavetada e mai me maturu bongi kesa moa?

Jeremia 16:21

Ma na Taovia e tsaria, “Bâ, me vaga ia, minau sauba kau naua migira na puku sui kara donagini saikesalia na susuligaqu inau ma gaqu tangirongo. Sauba kara donaginia laka inau nogo na Taovia.”

Esekiel 39:7

Mi tana omea sui inau sauba kau naua vanigira niqu tinoni ni Israel, ti igira niqu tinoni kara donaginia na asaqu tabu, ma kara tau goto paluvangamana. Migira sui goto na tinoni tavosi kara donaginia laka inau nogo na Taovia, mau totu kolugira niqu tinoni Israel, ma na omea sui au naua e dou me gotolaka.”

Amos 9:7

Na Taovia e tsaria, “Tinoni ni Israel, inau au padalokigira na tinoni ni Sudan atsa vaga moa au padalokigamu igamu. Inau nogo au adirutsumigira na Pilistia tania i Krete, ma na Siria tania i Kir, atsa vaga moa kalina au adirutsumigamu igamu tania na Ejipt.

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.