Isaia 43:1 - Ghari

¹ Igamu na Israel, na Taovia aia e vusagamu e goko me tsaria, “Kamu laka na matagu, inau nogo sauba kau laumaurisigamu. Inau nogo au molovanigamu na soamui, migamu niqu tamani nogo inau.

Isaia 43:1 Referans Kwoze

Linge 100:3

Laka saikesa goto na padaleana laka na Taovia aia e God. Aia nogo e aqosigita, me tamanigita; igita a nina tinoni, ma nina sipi nogo aia.

Sekaria 13:9

Minau sauba kau tovolea na tolunina turina ara kauvisu, ma kau malesigira vaga na lake e malesia na siliva ma na qolumila. Mi tana migira sauba kara nonginongi vaniau, minau sauba kau rongomia niqira nonginongi. Ma kau tsarivanigira, ‘Igamu niqu tinoni nogo inau,’ migira sauba kara tsaria, ‘Taovia, igoe moa nimami God igami.’ ”

Isaia 43:7

Igira niqu tinoni segeni nogo inau, minau nogo au vusagira gana kara tsonikaeginiau.”

Titus 2:14

Aia e sausegenina me mate na tuguda, gana ke gini suivisugita tania pipi sui na nauseko, me ke naua igita ka gini male ma ka masidi, ma ka gini lia nina tinoni segeni, ma ka gini madodo pipi tana aqo dou sui.

Na Katemai 5:9

Mara teaa kesa na linge vaolu mara tsaria, “Igoe e ulagamu sosongo na adiana na viviruna na papi ma na pokatiligiaqira na bubulutina. Rongona igoe nogo ara labumatesigo, mi tana mateamu nogo igoe, o volivisugira na tinoni sui vania God, pipi tana puku, ma na tavosi goko, me pipi sui na duli i laona pipi na vera, me pipi sui na mamatana tinoni.

Epesus 2:10

God nogo e aqosigita, mi laona nida mauripata igita koluana a Iesu Kristo, aia e ngaoa ka naua na aqo galuve vaga aia e vangarau manogatinogoa vanigita na nauana.

Isaia 43:21

Igira nogoria na tinoni au aqosigira vaniau segeni, gana kara lingena na linge na tsonikaeginiaqu.”

Isaia 42:6

“Inau nogo na Taovia au viligo, mau molovanigo na susuliga gana ko reiginia laka na pedegoto ke totu pipi nauna tana barangengo. Inau au tangoliginigo na limaqu mau reitutugugo. Me sauba kau mologo igoe mala niqu taso kolugira na tinoni sui, ma na marara vanigira na puku sui.

2 Timoti 2:19

Ma na tsutsuvatuna na tutuni vaga God e vaturinogoa, e totukakai saikesa moa me utu goto ke aligiri. Miani nogo na goko vaga ara marea i konina: “Na Taovia aia e donaginigira igira nina tinoni segeni.” Miani goto e kesa na goko e totu tana mamare i konina: “Asei moa ti vaga ke tsaria laka aia nina tinoni na Taovia, ma nina aqo aia ke molole saikesalia na nauana na omea e sasi.”

Isaia 44:2

Inau nogo na Taovia au vusagamu. Me tû nogo tana dani amu botsa, minau au sangagamu. Kamu laka na matagu; igamu niqu maneaqo inau, ma niqu tinoni vivili, mau galuve sosongoligamu.

Isaia 41:14

Ma na Taovia e tsaria, “E atsa moa ti igamu na Israel amu tetelo mamu maluku lê vaga ia, kamu laka moa na matagu; inau sauba kau sangagamu. Inau na God tabu ni Israel, minau nogo au laumaurisigamu.

Jeremia 50:34

Maia sauba ke laumaurisigira e susuliga bâ, ma na soana aia nogo na Taovia Susuliga Sosongo. Aia segenina nogo sauba ke isutuguqira, me ke moloa na rago tana barangengo, ma na rota vanigira na tinoni ni Babilon.”

Binaboli 33:17

Na Taovia e tsarivania a Moses, “Inau sauba kau nau saikesalia moa na omea o nongiau igoe, rongona inau au donadouginigo igoe mau reingaogo.”

Malaki 3:17

Ma na Taovia Susuliga Sosongo e tsaria, “Igira sauba kara lia niqu tinoni. Mi tana tagu inau au titinogoa, migira sauba kara lia niqu tamani segeni saikesa nogo inau. Me sauba kau galuvegira vaga nogo na tamaga e galuve sosongolia na dalena aia e aqo dou vania.

Aqoaqo 27:25

!Vaga ia, migamu kulaqu, kamu malagai moa! Kamu laka matagu. Au norua God laka aia sauba ke naua me ke laba nomoa vaga aia e tsarinogoa vaniau.

Jeremia 31:3

minau au tû ao, mau labavulagi vanigira. Igamu na tinoni ni Israel, inau au galuvegamu sailagi, me sauba kau tau kuti na sauvaniamui babâ moa niqu galuve vo oli.

Tuturigana 32:28

Ma na mane e tsaria, “Sauba na asamu igoe kara tau nogo soaginigo a Jakob. O vailabugi nogo kolua God me kolugira na tinoni, migoe o tangomana; me sauba na asamu kalina ia kara soaginigo a Israel.”

Linge 102:18

Maretsunâ vanigira na vatavata sauba kara botsamai i muri na omea na Taovia e naugira nogo, rongona kara gini tsonikaegotoa igira ara tau vati botsa moa.

Na Vaolusi Ketsa 32:9

migira moa na kukuana a Jakob e vilivani segenina nogo ia.

Isaia 49:1

!Kamu rongomiau inau igamu na tinoni tana vera ao mi tana tasi taligu! Idavia kalina au tau vati botsa inau, ma na Taovia e viliau, me moloau kau lia nina maneaqo.

Jeremia 33:24

“?A Jeremia igoe, laka o tau rongomia igoe ara tsatsaria moa laka inau au sove tanikaira nogo na Israel ma na Juda, i kaira ruka na vungu au vilikaira nogo? Me vaga ia, mara reipeagira niqu tinoni vaga nogo ti igira ara tau nogo sa puku na tinoni.

Isaia 62:12

Me sauba kara soaginigamu, “Igira Nina Tinoni Tabu God,” “Igira na Tinoni na Taovia e Suivisugira nogo.” Ma na Jerusalem nimui verabau sauba kara soaginia “Na Verabau God e Reingao Sosongolia,” “Na Verabau Aia God e Tau Tsonitsunâ.”

Isaia 48:17

Na God tabu ni Israel, aia na Taovia e laumaurisigamu, e tsarivanigamu: “Inau nogo na Taovia nimui God, mau ngao sosongolia kau sasanigamu na omea ke dou vania na maurimui, ma kau sausautuna vanigamu i tana kamu liu bâ.

Jeremia 33:26

Me vaga inau au nau manana nogoa na omea iani, vaga goto sauba kau manalia niqu vaitasogi au naua kolugira na kukuana a Jakob, me kolugotoa a David niqu maneaqo. Inau sauba kau vilia kesa i laoqira na kukuana a David maia ke tagaovigira sui tu kukuaqira a Abraham, ma Isaak, ma Jakob. Inau sauba kau galuvegira niqu tinoni ma kau naua ma kara gini tamani omea danga tugua.”

Binaboli 15:13

Igoe o manalia nimu veke, mo idagana sautu vanigira na tinoni igoe o laumaurisigira; mi tana susuligamu loki o tudumigira bâ tana nimu kao tabu.

Isaia 63:16

Igoe nogo na tamamami. Kaira a Abraham ma Jakob na mumuamami ara ka tau nogo reigadovigami igami, migoe segenimu nogo Taovia na tamamami, migoe nogo o suivisugami tû mai nogo i sau.

Aqoaqo 27:20

Danga na dani ami tau goto reilakana na matana na aso ma na veitugu, me mai loki babaa na guguri. Mami tau nogo pada laka sauba kami mauri.

Binaboli 15:16

Ma na matagu loki sosongo e tsavu poponogira. Ara reilakana na susuligamu igoe Taovia, mara totu babangataga tana matagu poi tsau igira nimu toga ara liu putsi, igira nogo na tinoni igoe o maurisigira tania na totu tseka.

Isaia 27:11

Migira sui na arana gai ara matsele lê mara viri taboku, ma na daki ara mai tsakosaigira gana na lake. Mi tana rongona nogo igira na tinoni ara tau padagadovia sa omea, ti God, aia nogo e aqosigira, sauba ke tau nogo galuvegira se ke gaegira.

Isaia 43:5

!Kamu laka goto na matagu, inau nogo au totu kolugamu! “Me ke tû tana butona momoru i longa ao, me tsau bâ i tasi ao, minau sauba kau adivisumaigira nimui tinoni.

Isaia 48:20

!Bâ, mi kalina ia kamu tû, ma kamu tsogoligi tania i Babilon! Kamu magemage ma kamu gudato kara gini rongomigamu igira na tinoni pipi sui tana nauna, ma kamu tsaria, “!Na Taovia e laumaurisigira nogo na Israel igira nina maneaqo!”

Isaia 52:9

!Kamu gudato tana mage igamu goto na ravuna na Jerusalem! Na Taovia sauba ke savokaetugua nina verabau, me ke veregira nina tinoni.

Isaia 63:9

tania niqira totu rota. Me tau goto molo bâ sa nina angelo ke laumaurisigira, tagara, tana nina galuve ma nina tobalaka loki aia segenina nogo na Taovia e tû me laumaurisigira. Maia nogo e reitutugugira tu mai nogo i sau.

Daniel 10:19

Me tsarivaniau, “God e galuve sosongoligo igoe, bâ, me vaga ia migoe ko laka goto na tamivaniana sa omea ke molo boe se ke molo matagu vanigo.” Mi kalina aia e tsarivaganana ia, minau au vatsangia laka au susuliga bâ goto, mau tû mau tsaria, “Taovia, ko tsarivaniau moa na omea o ngaoa na tsariana. Igoe nogo o naua mau gini susuliga visutugua.”

Na Vaolusi Ketsa 32:6

?Egua ti amu nauvaganana vania na Taovia, igamu na tinoni bule manana mamu tau sasaga? Aia na tamamui, maia nogo e aqosigamu, me naua ti amu gini lia na puku loki.

Na Vaolusi Ketsa 32:15

“Igira nina tinoni na Taovia ara tamani omea danga, me atsa moa e vaga ia, migira ara petsakoe mangana moa; ara mutsa sosongo me gini subu na tobaqira. Igira ara piloligi tania God aia e aqosigira mara sove tania niqira vagamauri susuliga.

Isaia 45:11

Na Taovia aia na God tabu ni Israel, aia e aqosigira na omea sui e tsarivaganana iani: “!E tau nimui aqo igamu kamu veisuaau inau tana rongoqira na dalequ, se kamu pedea na omea gua kau naua!

Isaia 49:26

Inau sauba kau naua migira ara bingi sekoligo kara vaimatesigi segeni, ma kara gini bule na labumate ma na momosatoba loki. Mi tana ti igira na mamatana tinoni sui kara donaginia laka inau nogo na Taovia, mau laumaurisigo, mau suivisugo, me laka inau nogo niqira God susuliga igira na Israel.”

Isaia 51:13

?Laka amu padalenogoa na Taovia aia e aqosigamu, aia e tatakatsinia na masaoka, me moloa na papakana na barangengo? ?Ma na rongona gua ti igamu amu matagunia moa niqira momosatoba igira ara bingi sekoligamu, mara vangaraua laka kara toroutsanigamu? Niqira momosatoba loki igira e utu goto ke pelegamu.

Tangitangi 3:57

Mo gokovisu vaniau mo tsaria, ‘Ko laka na matagu.’