Isaia 42:8 - Ghari

⁸ “Inau segeni moa na Taovia nimu God. Me tagara goto sa god tavosi tangomana ke sangapata tana mararaqu; me utu goto kau tamivanigira na tinoni kara tsonikaea na titinonina na god peropero.

Isaia 42:8 Referans Kwoze

Isaia 48:11

Inau au padâ moa na asaqu tabu ti au gini nauvanigamu na omea iani. Au tau ngaoa na tinoni kara soasekolia na asaqu inau, ma kara tsonikaea kesa segeni. Igira sui na tinoni niqira aqo kara tsonikaeau segeni moa inau.”

Isaia 43:11

“Inau segeni moa na Taovia, minau lelê moa tangomana kau laumaurisigamu.

Binaboli 34:14

“Kamu laka goto na samasama vaniana sa god tavosi, rongona inau nogo na Taovia nimui God me utu goto kau tamivanigamu kamu tamanina sa god tavosi.

Linge 83:18

Mi tana ti kara gini donaginia laka igoe segeni moa o Taovia, mo taovia loki tsapakae kaputia na barangengo popono.

Binaboli 4:5

Ma na Taovia e tsaria, “Ko nauvaganana iani gana ko gini sauvulagi vanigira na tinoni ni Israel laka na Taovia niqira God na mumuaqira, tu niqira God a Abraham, ma Isaak ma Jakob, aia nogo e laba vanigo.”

Ioane 5:23

Na rongona e ngaoa na tinoni sui kara gini padalokiau na Dalena atsa vaga nogo ara padalokia na Tamaqu. Masei e tau padalokiau na Dalena, aia e tau goto padalokia na Tamaqu aia e molomaiau.”

Ioane 8:58

Ma Iesu e tsarivanigira, “Inau, au tsarivanigamu na manana, e tau vati botsa moa a Abraham, mau totu nogo ‘Inau.’ ”

Na Vaolusi Ketsa 28:58

“Me ti vaga igamu kamu tau muri kalavatavigira pipi sui nina totosasaga God ara maretsunagira tana papi iani, me ti vaga kamu tau goto padalokia na asana tabu kukuniga na Taovia nimui God,

Linge 66:2

!Lingena na tsonikaeana na asana tabu; katevulagia gana tangirongo!

Isaia 43:3

Rongona inau na Taovia nimui God, na God tabu ni Israel minau nogo au laumaurisigamu. Kalina igamu amu totu moa tana limaqira gamui gala, inau au tusugira na Ejipt, ma na Sudan, ma na Seba, na tugumui, rongona igamu kamu gini totu tanusi.

Daniel 5:4

mara tsonikaegira niqira god ara aqosiginigira na qolumila, ma na siliva, ma na tapalamila, ma na tapalalaka, ma na gai, ma na vatu.

Isaia 48:5

Maia nogoria na rongona ti inau au gini kate idanogoa i sau na omea sauba kara laba vanigamu. Au katemaigira nogo kalina ara tau moa vati laba, gana ke gini utusiginigamu igamu na tsariana laka igira nogo nimui titinonina ma na nununa nimui god peropero ara naua te ara laba na omea girani.

Isaia 48:6

“Igira sui na omea inau au katemai idanogoa ara laba tovu nogo kalina ia. Migamu amu morosigira, mamu sove moa na tabeana laka ara mana sui na omea inau au kate idanogoa. Bâ, mi kalina ia, minau sauba kau katevulagigira vanigamu ke visana goto na omea vaolu sauba kara laba, igira na omea inau au tau vati tsarivulagi vanigamu i sau.

Jeremia 33:2

Me tsaria, “Inau na Taovia au aqosia na barangengo, mau ovukaea, mau moloa tana sasana, au tsarivanigo,