Isaia 42:4 - Ghari

⁴ Me sauba e utu goto ke terevia se ke suga tania nina aqo, poi tsau ke turuvagania na pedegoto tana barangengo. Migira na momoru sui ni mao ao ara amesi sosongolia na rongomiana nina sasani.”

Isaia 42:4 Referans Kwoze

Isaia 55:5

Mi kalina ia, igamu sauba kamu soamaigira na puku tavosi, igira ara tau moa vati donaginigamu, migira sauba kara ulo tsakumai i konimui gana kara sangagamu. Inau na Taovia nimui God, na God tabu ni Israel, sauba kau naua ma kara laba na omea sui girani. Eo, sauba kau naua ma kara gini padalokigamu ma kara tsonikaegamu igira na tinoni tavosi.”

Tuturigana 49:10

A Juda sauba ke tangolikakaia nina itoro na taovia tsapakae, Migira na kukuana sauba kara tagao saviliu, poi tsau kalina ke laba mai na tamanina. Migira na puku tavosi sauba kara adimai vania niqira vangalaka, Ma kara rongomangana.

Mateo 12:21

Mi konina nogo aia, igira na toga sui tana barangengo popono, kara vataraginia niqira amesi.”

Isaia 9:7

Ma gana susuliga sauba ke dato babâ saviliu; ma na verana sauba ke totu sailagi moa tana rago. Maia sauba ke tagao na tuguna a David na taovia tsapakae, me ke vaturia gana susuliga tana sasaga gotolaka ma na pedegoto, ke tû kalina eni me ke ba saviliu tsau tana susuina na dani. Na Taovia God Susuliga Sosongo e padakuti matena nogo laka sauba nomoa ke naua ma kara laba na omea sui girani.

Linge 22:27

Igira na puku sui sauba kara padatugua na Taovia. Me pipi tana nauna sui tana barangengo sauba kara pilovisumai i konina aia; migira na mamatana sui na tinoni sauba kara samasama vania moa aia.

Sekaria 2:11

Mi tana tagu ia sauba kara danga na puku tavosi kara mai konina na Taovia ma kara lia goto nina tinoni segeni. Maia na Taovia sauba ke totu i laomui, mi tana ti igamu kamu donaginia laka aia nogo e molomaiau vanigamu.

Isaia 66:19

mi tana ti kara donaginia laka inau nogoria na Taovia au kedegira. “Me sauba nomoa kau gaegira ke visana vidaqira, ma kau molovanogira i laoqira na puku tavosi tana momoru ao gana kara katevulagia gaqu tangirongo tsapakae vanigira igira ara tau vati rongomia moa se kara reilakana gaqu loki tsapakae ma na susuligaqu. Sauba kau molovanogira i Spain, mi Libia, mi Lidia i tana na tinoni ara dona sosongo na gini vanavana na parige, mi Tubal, mi Gris.

Isaia 60:9

Igira nogo na vaka ara maimai talu tana momoru ao, mara adivisumaigira tugua nina tinoni God, kolugotoa danga na siliva ma na qolumila, gana na tsonikaeginiana na asana na Taovia, na God Tabu ni Israel, rongona aia e naua migira na puku sui ara padalokigira nina tinoni.

Isaia 42:12

Migamu goto amu totu tana vera i tasi taligu kamu tsonikaea ma kamu soalokia na Taovia.

1 Korint 9:21

Me vaga goto kalina au aqo kolugira na tinoni tau na Tsiu. Au mauri vaga nogo na tinoni tau Tsiu, mau totu tabaligi tania niqira Ketsa na Tsiu, rongona kau gini tangomana na piloana na tobaqira na tinoni tau Tsiu. Au tau tsaria laka au tau muria nina ketsa God. Au muri mananaa nina ketsa a Iesu Kristo.

Roma 16:26

Baa, mi kalina eni, na manana ia e labamai i malena ginia niqira mamare na propete, mi tana nina pede nogo na God saliu te e gini tavosa bamai nogo na turupatuna vanigira na tinoni sui pipi tana vera, ti igira sui kara gini tutunina ma kara rongomangana.

Isaia 49:1

!Kamu rongomiau inau igamu na tinoni tana vera ao mi tana tasi taligu! Idavia kalina au tau vati botsa inau, ma na Taovia e viliau, me moloau kau lia nina maneaqo.

Isaia 41:5

“Igira na tinoni tana vera ao ara reinogoa na omea au naugira inau, mara gini matagu loki mara gagariri. Me vaga ia migira sui lakalaka ara saikolumai.

Isaia 40:28

?Laka igamu amu tau vati donaginia moa? ?Me laka amu tau moa vati rongomia? Na Taovia aia nogo na God e totu saliu; maia nogo e vusagira pipi sui na omea tana barangengo. Me tau saikesa dona na kolae ma na qisi. Me tagara goto ke kesa ke dona na padagadoviaqira nina papada aia.

Isaia 42:10

!Igamu sui na tinoni tana barangengo popono kamu lingena kesa na linge vaolu na mani tsonikaeana na Taovia! Kamu tsonikaea igamu sui amu liu tana vaka i tasi; migamu goto na omea mamauri sui i laona na kema. Migamu sui amu totu tana momoru ao kamu sanga goto na linge vaniana kesa na linge vaolu.

Isaia 42:21

Na Taovia aia na God e gini laona sosongo na maurisi tinoni, maia nogoria na rongona ti aia e vaturia nina ketsa ma nina vali, me ngaogira nina tinoni kara padalokigira.

Isaia 51:4

“Kamu rongomiau inau igamu niqu tinoni, kamu rongomidoua na omea inau au tsaria: Inau sauba kau sasaniginigira na tinoni sui niqu ketsa, ma niqu pede gotolaka sauba ke mararasigira na tinoni pipi sui tana vera.

Isaia 51:5

Inau sauba kau mai tsaku ma kau laumaurisigira, eo, e maimai varangi nogo na tagu niqu tangomana. Inau segeniqu nogo sauba kau tagaovi kaputigira na puku sui. Igira sui ara totu i tasi taligu ara amesi sosongolia laka kau mai inau ma kau laumaurisigira.

Isaia 40:22

Na Taovia nogo e aqosia, aia e totukae tana nina sasana na totukae i kelana na barangengo, mi gotuna na masaoka; mi kalina aia e morotsunamai, me reigira na tinoni ara tetelo lê vaga moa na loa. Aia nogo e tatakatsinia na masaoka vaga moa kesa na polokatsi, me vaga goto kesa na valepolo gana na totu i laona.

Daniel 9:24

“God e titinogoa laka e kau goto ke vitu kalina vitu sangavulu na ngalitupa ti aia ke maurisigira nimu tinoni igoe ma nimu vera tabu, ma kara totu tanusi tania niqira sasi ma niqira nauseko. Sauba God ke padalegira niqira sasi, me ke turuvagini kakaia na pedegoto, me ke balo visutugua na Vale Tabu. Mi tana nauvaganana nogo ia ti God sauba ke manaliginia na omea o morosia tana bolebole ma na omea na propete e kate idanogoa.

Marko 3:3

Me tuu a Iesu me tsarivania na limalabe, “Ko tuu, mo ko mai ieni i nago.”