Isaia 42:1 - Ghari

¹ Na Taovia e tsarivaganana iani, “Iani nogo niqu maneaqo au susuligasia, aia au vilinogoa me gini laoqu sosongo na reiana. Au dangali tovuginia niqu Tarunga rongona aia ke gini vaturia na pedegoto i laoqira na puku sui.

Isaia 42:1 Referans Kwoze

Luka 3:22

ma na Tarunga Tabu e tsunamai i konina tana rereina na kulukulu. Me tangi kesa na goko e talumai i gotu me tsaria, “Igoe nogo na Dalequ galugaluve. Au reingao sosongoligo.”

Isaia 61:1

Na Taovia God e dangaliginiau nina Tarunga. Me viliau kau adivanoa na turupatu dou vanigira na tinoni sekona lê, ma kau veregira igira e melu loki na tobaqira, ma kau suivisugira igira ara lautsekagira, ma kau maurisigira igira ara totu sosori.

Isaia 52:13

Ma na Taovia e tsarivaganana iani, “Aia niqu maneaqo sauba nomoa ke managana tana nina aqo, me sauba kara padalokia ma kara tsonikaea.

Pilipi 2:7

Mi tana nina kili segeni nogo aia, te e mololegira na omea sui e tamanina, me tabea na mauri vaga kesa na tinoni lee moa. Maia e lia tinoni vaga nogo igita.

Isaia 43:10

“Igamu na tinoni ni Israel, igamu nogo niqu rongovata inau. Inau nogo au viligamu kamu lia niqu maneaqo, gana kamu donaginiau inau ma kamu tutuniqu, ma kamu gini padagadovia laka inau segeni moa au God. Me tagara saikesa sa god tavosi ke totu i sau, me sauba ke tagara saikesa goto ke kesa ke totu tana tagu ke mai.

Mateo 17:5

Me gogoko vaga moa aia, me laba kesa na parako marara, me ungasitugira. Me tangi kesa na goko i laona na parako me tsaria, “!Iani na Dalequ galugaluve, au reingao sosongolia, kamu rongomia na gokona!”

Isaia 53:11

Mi kalina ke pirugira sui nina rota, me sauba aia ke magemage tugua, me ke donaginia laka nina rota sui ara tau puala lê. Aia niqu maneaqo dou au reingao sosongolia, sauba ke kalagaia na kedena popono niqira sasi na tinoni danga, mi tana rongona nogo aia ti inau sauba kau veoligia niqira sasi.

1 Petero 2:4

Kamu mai i konina na Taovia. Aia nogo na vatu mauri ara tsoniligilea igira na tinoni, vaga moa ti na omea tagara sa rongona. Maia nogoria na vatu ia, God e padangaoa baa, me vilinogoa.

Epesus 3:8

Inau au palatsuna saikesa i laoqira nina tinoni God. Ma God aia e tusuvaniau nomoa na aqo na adiana na Turupatu Dou vaniaqira na tinoni ni veratavosi kara gini donaginia na lokina nina tamani a Iesu Kristo,

Isaia 41:8

“Migamu na Israel niqu maneaqo, igamu nogoria na tinoni inau au viligamu, igamu na kukuana a Abraham na kulaqu dou.

Epesus 1:6

!Igita sui ka tsonikaea God rongona nina vangalaka tsapakae, e tusulea vanigita i laona na Dalena galugaluve!

Ioane 3:34

Aia moa God e molomaia, aia segeni moa e dona ke gini turupatuna na goko e talumai i konina God, rongona God e dangali tovuginia nina Tarunga Tabu.

Kolose 1:13

Aia nogo e maurisigita tania na susuligana na rodo e tangoli kaputigita i sau, me adigita baa tana verana na Dalena galugaluve,

Epesus 1:4

Kalina e tau vati botsa moa na barangengo, ma God e vili manogatigita nogo i laona a Iesu Kristo ka gini lia nina tinoni, ma ka gini tangomana na totu dou ma na mauri male i matana aia. Tana nina galuve nogo,

Aqoaqo 10:38

Igamu amu donagininogoa a Iesu ni Nasaret, me koegua God e vilia me dangali tovuginia na susuligana ma na Tarunga Tabu. E liu pipi tana vera, me aqo galuve vanigira na tinoni sui, me maurisigira igira e totuvigira na susuligana na tidao seko, rongona God nogo e totu i konina.

Isaia 59:21

Minau au naua kesa na vaitasogi vaolu kolugamu: Inau au tusuvanigamu nogo na susuligaqu ma niqu sasani kamu tamanina sailagi, me tû kalina ia me ke bâ, migamu nimui aqo kamu rongomangaqu inau, ma kamu sasanigira na dalemui ma na kukuamui na rongomangaqu sailagi inau tana tagu sui ke mai.”

1 Petero 2:6

God e gini goko nogo tana rongona na vatu iani i laona na Mamare Tabu, kalina aia e tsaria, “Au vilinogoa kesa na vatu e loki sosongo na matena, mau moloa ke lia na tsutsuvatu tana tsuruna na vale ni Sion. Masei moa ti ke tutunina aia, e utu goto ke padasavi.”

Aqoaqo 28:28

Mi tana a Paulo e suilavaginia nina goko me tsaria: “Me vaga ia, migamu nogo kamu dona laka na turupatu dou tana rongona na mauri saliu e talu i konina God e laba nogo vanigira na tinoni ni veratavosi. !Migira nogo sauba kara tamidou na rongomiana!”

Aqoaqo 9:15

Ma na Taovia e tsarivania, “Ko ba moa, rongona inau au vilinogoa aia ke aqo vaniau, me ke tsarivulagia na asaqu vanigira na tinoni pipi tana vera sui ma niqira taovia, me vanigira goto na tinoni sui ni Israel.

Luka 9:35

Me tangi kesa na goko i laona na parako me tsaria, “!Iani na Dalequ, aia au vilinogoa, kamu rongomi mangana!”

Sekaria 3:8

Me vaga ia, mo ko rorongo dou igoe a Josua na Mane Tabu Loki. Ma kamu rorongo dou goto igamu sui na manetabu gana sasanga nogo aia, igamu amu lia vaga na papadana na mauri doulaka sauba ke laba tana tagu ke mai: Inau sauba kau adimaia i matamui kesa niqu maneaqo aia ara soaginia Na Arana Gai.

Isaia 2:4

Maia nogo sauba ke gotosia niqira vaikoregi na puku sui, me ke vaturia na goto i laoqira. Migira sauba kara tupia niqira isi na vailabu me ke lia lê na mani tsaikao tana niqira uta, ma niqira bao ke lia lê niqira gau na aqo. Me sauba ke tagara sa puku ke ngaoa na labuana na puku tavosi, se ke vangarautugua na vano tana vailabu.

Aqoaqo 11:18

Mi kalina igira ara rorongo vaga ia, mara gini tau goto tsonivoo tana vaitsari, mara soalokia God mara tsaria, “Vaga ia, ma God e sauvanigira goto na tinoni ni veratavosi na sautu tana kara gini padasavigira niqira sasi, ma kara gini tsaulia na mauri saliu.”

Ioane 16:32

Na tagu e maimai nogo me totu manoga nogo ieni, kalina pipi gamu sui sauba kamu viri tsogo tatavosi bamai. Pipi kesa ke vano i valena segeni, me tagara ke kesa vidamui ke totuvisu koluau.

Ioane 6:27

Kamu laka na aqo matena moa na mutsa aia e dona ke voko me ke nolu lee. Kamu aqo matena na vatana na mutsa aia e dona ke totu saviliu tsau tana mauri saliu. Ma na vatana na mutsa vaga ia, inau na Dalena Tinoni sauba kau saua vanigamu. Aia nogoria na rongona pukuga te God na Tamaqu e mologiniau.”

Malaki 1:11

“Migira na tinoni tavosi tû kesa tabana na barangengo me tsau bâ kesa tabana ara dona rago na kukuni taniaqu inau. Me pipi tana nauna sui ara kodo vaniau na bulunagai uruuru, mara savori vaniau na kodoputsa e dou i mataqu. !Eo, pipi gira sui ara kukuni taniau!

Isaia 32:16

Me pipi sui lakalaka tana nauna i laona na butona momoro ia sauba ke totu moa na sasaga gotolaka ma na pedegoto.

Luka 4:18

“Nina Tarunga Tabu na Taovia e totu i koniqu, maia nogo e viliau, gana kau adivanoa na Turupatu Dou vanigira na tinoni ara tau tamanina sa omea. Aia e molomaiau rongona kau tsarivulagia laka kara tanusi igira ara totu sosori, ma kara momorotugua igira ara koko, ma kara totu sabe igira ara bingi sekoligira,

Luka 4:19

ma kau katevulagia laka e labamai nogo na tagu i tana aia na Taovia sauba ke maurisigira nina tinoni.”

Tuturigana 49:10

A Juda sauba ke tangolikakaia nina itoro na taovia tsapakae, Migira na kukuana sauba kara tagao saviliu, poi tsau kalina ke laba mai na tamanina. Migira na puku tavosi sauba kara adimai vania niqira vangalaka, Ma kara rongomangana.

Isaia 41:9

Inau au adivisumaigamu talu tana susuina na barangengo, mau soa rutsumigamu tana tsuruna saikesa, mau tsarivanigamu, ‘Igamu nogo niqu maneaqo.’ Eo, inau au tau sove tanigamu, au viligamu nogo.

Isaia 42:2

Aia sauba ke tau kanga me ke tau guloki, me utu goto kara rongomia ke tangi loki na liona tana sautu.

Hagai 2:23

Mi tana dani tsotsodo nogo ia, minau sauba kau molokaego igoe a Serubabel, mo ko tagaovigira niqu tinoni tana asaqu inau. Inau nogo au viligo. Inau na Taovia Susuliga Sosongo au tsaria na omea iani.”

Linge 72:4

Ko sangâ na taovia tsapakae me ke isutuguqira igira ara tau tamanina sa omea; me ke sangagira igira ara kilia na sasanga, me ke tuliusigira igira ara bingi sekoligira.

Linge 89:4

‘Inau sauba kau molokaea kesa na kukuamu igoe, maia ke adidatoa nimu aqo taovia tsapakae; ma kau vaturia nimu bela taovia, me ke totu saviliu na dani ma na dani.’ ”

Isaia 50:10

Igamu sui amu kukuni tania na Taovia, mamu muridougira na goko aia nina maneaqo e tsarivanigamu, kamu laka na matagu. E tau utu na sautu amu liu bâ i konina kalina ia ke rodo manana, migamu kamu norukakaia moa na Taovia, ma kamu vataragi i konina nimui God.

Isaia 63:1

?Laka asei vaga aia e maimai talu tana verabau ni Bosra tana Edom? ?Me laka asei nomoa e sagelia na polo tsitsi rereidou sosongo, me maimai tana susuligana loki? “Inau nogo na Taovia, au susuliga na laumaurisiaqira na tinoni, mau gini mai rongona kau tetevagini gokona gaqu tangomana.”