Isaia 41:2 - Ghari

² “?Laka asei e adimaia aia e lauvera talu i longa, me naua me gini managana iava moa i tana ke vano? ?Laka asei nomoa e mologira na puku tavosi tana limana aia, rongona ke gini tsogori pukaligira niqira taovia tsapakae na tinoni sui? Aia e labuginigira nina isi vaga moa ti na papasa lê. Ma nina pipili e sarangasigira bamai vaga moa na buruburu makede e puasalâ na guguri.

Isaia 41:2 Referans Kwoze

Isaia 45:1

Na Taovia e vilia a Sirus ke lia na taovia tsapakae. Me molovania gana aqo ke sugutigira na puku tinoni danga, me ke adipukalia gaqira susuliga na taovia tsapakae tavosi, ma na Taovia nogo sauba ke sangavi vania na matsapakapuqira na verabau sui. Miani nogo e vaga na goko na Taovia e tsarivania a Sirus,

2 Samuel 22:43

Inau au tsogori rapasigira, migira ara rapa vaga saikesa ti na papasa lê; mau tsogorigira lê vaga moa ti na boko tana sautu.

Isaia 46:11

Inau au soamainogoa kesa na tinoni ke talumai i longa, maia sauba ke lovotsuna mai vaga moa kesa na rogabora, me ke manalia na omea inau au vangarau manogatinogoa. Inau nogo au tsaria na omea iani, me sauba ke laba manana vaga nogo au tsaria.

Isaia 41:25

“Inau au vilinogoa kesa na tinoni e totu i longa. Me sauba kau raia me ke maiginigamu tû i vava. Aia sauba ke tsogorigira na tagaovera vaga moa na boko, me vaga nogo kalina na tinoni aqosi popovatu e tsogoria na kao tsitsi gana na aqosi popovatu.

Isaia 40:24

Igira ara vaga moa na volana vaolu na omea tsukatsuka ara vasini moa ara dato, me tau moa vati tsuna ao na lamuqira. Mi kalina na Taovia e molomaia na guguri papara, mara tavongani mamatsa, mara lovoligi lê vaga moa na buruburu makede.

Esra 1:2

Iani nogo e vaga na gokona na ketsa e marea a Sirus na taovia tsapakae ni Persia. “Na Taovia na God ni Gotu, aia nogo e molovaniau inau kau tagaovi kaputia na barangengo popono, me moloaqo goto vaniau kau logovania kesa nina valetabu i Jerusalem tana Juda.

Isaia 45:13

Inau segeniqu nogo au molo papada vania a Sirus ke naua na aqo au molovania, me ke mologotosigira na omea sui. Minau sauba kau gotoli vania pipi sui na sautu i tana aia ke liu bâ. Maia sauba ke logovisutugua na Jerusalem niqu verabau, me ke nusigira igira niqu tinoni ara totu sosori. Me tau gana ke adi vovolina na aqo iani, se ke gini tangi loki gana rongo. Tagara. Inau nogo na Taovia Susuliga Sosongo au tsaria na omea iani.”

2 Turupatu Dato 36:23

“Iani nogo e vaga na omea e ketsaliginigamu a Sirus na taovia tsapakae ni Persia. Na Taovia na God ni Gotu, aia nogo e molovaniau inau kau tagaovi kaputia na barangengo popono, me molo aqo goto vaniau kau logovania kesa nina valetabu i Jerusalem tana Juda. Mi kalina ia, migamu sui nina tinoni God kamu tû, ma kamu visu bâ i tana, ma na Taovia nimui God ke totu i konimui.”

Hibru 7:1

Na mane iani a Melkisedek e taovia tsapakae i Salem, maia nina manetabu goto God Susuliga Tsapakae. Mi kalina a Abraham e visumai nogo talu kesa tana vailabu, me managana me labutugira tu vati na taovia tsapakae tavosi, ma Melkisedek e ba tsodoa i sautu me tabua.

2 Taovia Tsapakae 13:7

Ma Jehoahas e tau goto kauvisu sa nina alaala na mane vaumate, migira moa ara tsege sangavulu na mane sage tana ose, me sangavulu nina terê, ma sangavulu na toga na mane vaumate ara liu i lao, rongona na taovia tsapakae ni Siria e matesigira sui lakalaka na turina popono, me tsogori velagira bamai vaga moa ti na papasa lê.

Tuturigana 17:1

Mi kalina e 99 ngalitupana a Abram, ma na Taovia e laba vania me tsaria, “Inau na God Susuliga Sosongo. Ko rongomangaqu, mo ko nau sailaginia moa na omea e goto me dou.

Tuturigana 11:31

Ma Tera e aditugira a Abram na dalena, maia Lot na tutuana aia na dalena a Haran, maia ko Sarai na tauna a Abram, mi tugira ara tu mololea na verabau ni Ur tana Babilonia na vano tana kao ni Kanaan. Mara tu vano mara tu ba tsau moa i Haran mara tu ba totu i tana.

Na Katemai 7:2

Mau morosia e kesa goto na angelo e labamai e talu i tana e dato na aso, mi konina aia e totu nina marepapadana na God mamauri ke mareginigira nina tinoni God, papadana laka God nogo e tamanigira. Maia na angelo ia e guloki vanitugira tu vati na angelo tavosi, i tugira nogo God e tusunogoa vanitugira na susuligana gana na ketsoana na barangengo ma na tasi.

Na Katemai 16:12

Maia na ononina na angelo e baa, me qetua nina popo tana ko loki sosongo ara soaginia Euprates. Mau reia e tavongani mamatsa lee saikesa na ko loki ia, rongona ke gini mangamanga vanigira na taovia tsapakae ni longa na liumai i tana.

Isaia 41:3

!Aia e takuvi tsarigira me liuputsi dou moa, me vanovano tsaku sosongo vaga moa ti na tuana e tau goto pelea na kao!

Isaia 42:6

“Inau nogo na Taovia au viligo, mau molovanigo na susuliga gana ko reiginia laka na pedegoto ke totu pipi nauna tana barangengo. Inau au tangoliginigo na limaqu mau reitutugugo. Me sauba kau mologo igoe mala niqu taso kolugira na tinoni sui, ma na marara vanigira na puku sui.

Isaia 48:15

Inau nogo au soâ na mane iani, mau dulikoluvanoa, mau sangâ me gini managana.

Tangitangi 1:15

“Na Taovia e sove tanigira sui niqu mane vaumate susuliga. Me molomaia kesa na alaala na mane vaumate ni veratavosi kara matesigira sui niqu mane vaolu. Mara tsogori rapasigira niqu tinoni, vaga saikesa moa na vuana uaeni ara tsogori rapasigira tana nauna na mani rapasi uaeni.