Isaia 4:5 - Ghari

⁵ mi tana ti i kelana na Vungavunga Sion, mi vungaqira goto na tinoni sui ara saimai gana na samasama i tana, na Taovia sauba ke molomaia na parako ke tsavugira tana dani, ma na pungu ma na lake iruiru tana bongi. Na mararana God sauba ke tsavua me ke reitutugua nina verabau popono.

Isaia 4:5 Referans Kwoze

Nehemia 9:12

Mi laona na dani male igoe o moloa na parako ke idagana sautu vanigira, mi tana bongi o moloa na lake ke mararasia niqira sautu.

Linge 78:14

Mi tana dani maia e mataliginigira kesa na parako, mi tana bongi popono kolua na mararana na lake.

Isaia 60:1

!Ko tukae igoe Jerusalem, mo ko maka vaga na aso! !Na mararana na Taovia e sinarigo nogo!

Isaia 46:13

E mai varangi nogo na dani i tana kau laumaurisigamu, me utu goto kau kisâ. Sauba kau naua me ke dou visutugua na verabau ni Jerusalem, me ke gini labamaka gaqu tangirongo ma na susuligaqu i laomui igamu na Israel.”

Isaia 33:20

!Morosia bâ na Jerusalem, aia na verabau i tana igita a lokisigira nida bongi tabu! Aia sauba ke lia na verabau dou sosongo gana na totu ravi i konina. Sauba ke vaga kesa na valepolo ara tau saikesa ratsu bamaia, mara tau saikesa vutidatoa na gai na mani sori itaina, ma na itaina e utu goto kara takuti.

Linge 85:9

Aia e vangaraunogoa laka ke maurisigira igira ara kukuni tania, maia sauba ke totu kalavata kolugita i laona na verada.

Mateo 28:20

Ma kamu sasaniginigira na muriana pipi na omea au ketsaliginigamu. Eo, minau sauba kau totu sailagi i konimui, poi ke sui na barangengo.”

Linge 89:7

Igira sui ara kukuni tanigo sosongo i laona niqira saikolu; igira sui ara kadangaginigo manana igoe.

Binaboli 14:24

Mi tana matsaraka rovorovo, ma na Taovia aia e totu tana parako mi laona na ketsuma na lake iruiru, e morotsuna bâ i koniqira na alaala na malagai ni Ejipt, me gini kaso na tobaqira mara viri tsogo saranga bamai.

Isaia 37:35

Inau sauba kau isutuguna na verabau iani, ma kau reitutugudoua tana rongoqu segeni nogo inau, mi tana rongona goto na veke au nauvaninogoa a David niqu maneaqo.’ ”

Isaia 32:18

Migira nina tinoni God sauba ke tau goto ngoligira sa omea, ma kara totu raviravi dou tana rago i laona na valeqira.

Linge 111:1

!Tsonikaea na Taovia! Tana tobaqu popono sauba kau soadoua na Taovia i laona niqira saikolu igira nina tinoni.

Binaboli 26:7

“Ko aqosiginia na ivuna na naniqoti ke sangavulu kesa na turina na polo gana na tsatsavuna na Valepolo.

Binaboli 26:1

“Ko aqosia na laona na Valepolo Tabu, aia na Valepolo i tana kau totu inau, ginia sangavulu na turina na polo vovosi laka ara vosiginia na terete bora, tsitsibora, me tsitsilaka, ara aqosiginia na ivuna sipi. Mo ko tula mamaregasigira taonia na nunuqira na angelo.

Mateo 18:20

Rongona i tana kara totusai ruka se tolu na tinoni tana asaqu inau, minau goto sauba kau totusai kolugira i tana.”

Binaboli 24:16

Ma na mararana angaanga na Taovia e tsunamai tana vungavunga. Migira na Israel ara reia na marara ia me vaga moa ti na lake e iruiru i kelana na vungavunga. Ma na parako ia e tsavu poponoa na vungavunga i laona e ono na dani, mi tana vitunina dani ma na Taovia e totu i laona na parako e soâ a Moses.

Linge 105:39

God e moloa na parako ke didisigira nina tinoni tana dani, mi tana bongi ma na lake e mararasi vanigira na sautu.

Isaia 60:2

Na puku tavosi sui sauba na rodo pulipuli ke tsavupoigira, migoe moa na mararana na Taovia sauba ke tsavugo, ma na makana na mararana ke totu kolugo.