Isaia 32:3 - Ghari

³ Na mataqira sauba kara morogado, ma na kuliqira sauba kara rorongogado.

Isaia 32:3 Referans Kwoze

Isaia 29:18

Mi kalina ke labamai na tagu ia, migira na mui kuli sauba kara tangomana na rorongo kalina ara tsokolokia na papi, migira na mata koko ara tototu moa i laona na rodo kalina ia, sauba kara sangavia na mataqira ma kara momoro.

2 Korint 4:6

God aia e tsaria i sau, “I laona na rodo pulipuli sauba ke labamaka na marara,” maia goto nogo e moloa nina marara ke mararasia na tobada, rongona igita ka gini donaginia na mararana God, aia e labamaka tana ngorana a Iesu Kristo.

Aqoaqo 26:18

Igoe nogo nimu aqo ko sangavia na mataqira, mo ko pilovisugira tania na rodo ti kara reiginia na marara, ma kara gini piloligi tania na susuligana Satan, ma kara pilo baa i konina God. Mi tana niqira tutuni i laoqu inau, ti kara gini tanusi niqira sasi, ma kara sangasage i laoqira nina tinoni vivili God.’

Marko 7:37

Migira sui ara rongomia na omea vaga ia, ara gini novomate. Mara tsaria, “Na mane iani e naudoua pipi na omea sui. !E naua mara gini rorongo na muikuli, mara goko doutugua igira e bulu na lapiqira!”

Isaia 54:13

“Inau segeniqu nogo sauba kau sasanigira nimu tinoni, ma kau molovanigira kara tamani tugua na omea danga ma kara totu dou tana rago.

Isaia 29:24

Migira na tinoni bubulega sauba kara sasania na padagadovi omea, migira ara dona sosongo na goko ngulungulu sauba kara tami dou na rorongo kalina kara totosasaga vanigira.”

Mateo 13:11

Ma Iesu e gokovisu me tsaria, “Eo, vanigamu igamu, au vuresi makalia na manana e totu popoi tana gokolia ara kalea na Verana God, me tau vanigira igira.

Jeremia 31:34

Me ke tau goto kilia ke kesa i muri ke sasania sa gana verakolu ke donaginia na Taovia, rongona igira sui, tû tana baka tetelo me tsau bâ tana tinoni loki, sauba kara donaginiau inau. Sauba kau padalea niqira sasi, ma kau tau goto padadatoa na omea seko ara naua. Inau nogo na Taovia au tsaria na omea iani.”

Isaia 30:26

Ma na vula sauba ke sina maka vaga na aso, ma na aso sauba ke vitu goto kalina ke marara goto bâ, vaga moa na mararana vitu dani ke sai moa konina kesa dani. Ma na omea sui girani sauba kara laba kalina na Taovia ke veqogira me ke taligira na boka aia nogo e bokaliginigira nina tinoni.

Isaia 42:16

“Inau sauba kau idagana sautu vanigira niqu tinoni koko tana sautu i tana igira ara tau vati liu bâ. Ma kau naua me ke marara na mataqira ma kara tau goto liu tana rodo, ma kau sarasia na kao vatuvatuga me ke gini atsa na sautu vanigira. Igirani nogo na omea au vekea vanigamu inau laka kau naua, me utu goto kau tau manaligira.