Isaia 32:2 - Ghari

² Pipi kesa vidaqira sauba ke vaga kesa nauna i tana igira na tinoni kara tsogoravi tania na guguri ma na legai. Me sauba kara vaga na kô e tatave i laona na kaomate, me vaga goto na auauna kesa na maragova dato ao i levugana na kaomate.

Isaia 32:2 Referans Kwoze

Isaia 25:4

Igira ara tau tamanina sa omea, migira goto ara kili sasanga, ara tsogo bâ i konimu igoe, mi tana ara gini totu raviravi tana tagu na rota. Migoe nogo o ravisigira tania na legai loki, mo tsavugira tania na paparana na aso loki. Igira na tinoni vanga bingisekoli tinoni ara maiginigami vaga moa na guguri loki tana tagu na bisi,

Isaia 44:3

“Inau sauba kau qetu kona na kao e tagara kô i laona, ma kau naua me ke tave vanigamu na ko tsatsali tana kao mamatsa. Me sauba kau dangaliginigira na dalemui niqu Tarunga, ma kau vangalaka vanigira na kukuamui.

Isaia 9:6

!Rongona e kesa na baka e botsamai vanigita! !E kesa na baka mane God e tusua vanigita! Aia nogo sauba ke lia nida taovia, me ke tagaovi kaputigita. Me sauba kara soaginia “Aia e Naua na Totosasaga Laka,” “God Susuliga,” “Tamana Saliu,” “Na Taovia na Rago.”

Sekaria 13:7

Na Taovia Susuliga Sosongo e tsaria, “!Mamata igoe niqu isi, mo ko ba labumatesia na mane pitusipi aia e aqo vaniau inau, ma kara viri saranga bamai na sipi! Inau sauba kau baginigira niqu tinoni,

Isaia 43:20

Me atsa moa igira na omea tuavati atsi, sauba nomoa kara padalokiau, migira goto na pai atsi ma na tsou sauba kara tsonikaeau kalina inau kau moloa na ko maroga ke tatave i laona na kaomate, gaqira kô na inu igira niqu tinoni vivili.

Isaia 41:18

Inau sauba kau naua migira na ko loki kara tatave tana tetena mate, ma na vuravura kara tave tana poiatsa. Ma kau olia na kaomate me ke lia na maomao na kô, ma na kao mamatsa lê ke lia na ko tsatsali.

Isaia 7:14

Eo, me dou moa. Sauba na Taovia segenina nogo ke sauvulagi vanigo kesa na padapada: sauba kesa na baka daki ke tiana, maia ke vasua kesa na dalena mane, me ke soaginia a ‘Emanuel.’

Linge 143:9

Taovia, au bâ i konimu rongona igoe ko reitutuguau; ko laumaurisiau tanigira gaqu gala.

Na Katemai 22:1

Maia na angelo e tusuvulagi vaniau goto na ko loki, aia na koo na mauri e totora vaga kalina na lalaina na aso e gado tana koo se tana tasi. E vuradato tana ka niqira sasana na totukae kaira God ma na Dalena Sipi,

1 Timoti 3:16

!E loki saviliu na manana pukuga i laona nida tutuni igita, me tau tangomana ke kesa ke tiatagaraa! Aia na manana vaga God e poia tanigira na tinoni i sau, mi kalina eni moa ti aia e saulabatia. Miani nogoria na manana pukuga ia: Na Dalena God e adia kesa na konina, me lia tinoni, Ma na Tarunga Tabu e sauvulagia laka aia e goto saikesa nina sasaga, migira goto na angelo ara sanga na reiana. Mara gini goko tana rongona aia pipi tana vera sui, mara tutunina tana barangengo popono, mi muri, maia God e adidatotugua tana verana i gotu.

Ioane 7:37

Mi tana susuina na dani, aia na dani loki baa tana Dani Tabu ia, e tuu a Iesu, me gokodato, “Ti asei ke marou, ke mai i koniqu me ke inu.

Isaia 28:17

Minau sauba kau naua ma na pedegoto ke lia vaga na totovona nimui sasaga, ma na goko mana ke lia vaga na totovona nimui tsaqina goko.” Ma kau moloa na kolina usa kakai vaga na vatu ke salaligigira sui lakalaka nimui tsaqina goko peropero amu vataragi bâ i koniqira, ma na obo loki ke obotigira sui na omea igamu amu tsotsovata i koniqira.

Linge 63:1

God igoe nogoria niqu God, minau e silovi sosongoliau na reiamu igoe. Na koniqu popono e amesigo moa igoe; ma na tidaoqu e gini marou tana rongomu, vaga saikesa moa ti na kao mamatsa lê, me tagara sa kô ke malobusia, na tidaoqu e gini marou tana rongomu igoe.

Linge 32:7

Taovia igoe nogo niqu mani taopoi. Me sauba igoe ko maurisiau tania na omea seko sui. Au lilinge dato vanigo rongona igoe nogo o maurisiau, mo reitutuguau dou.

Linge 91:1

Aia moa e dona na ba toturavi i konina na Taovia, ma na totu kalavata i vavana nina reitutugu aia e Susuliga Sosongo,

Isaia 12:2

God aia nogo niqu vagamauri. Maia moa sauba kau norua, ma kau gini tau goto matagu. Na Taovia aia nogo na susuligaqu ma niqu vagamauri.

Isaia 16:3

Mara tsarivanigira na tinoni ni Juda, “Kamu tsarivanigami nagua kami naua. Kamu reitutugugami vaga moa na gai loki e bisibisi i vavana tana niaso kalina e sina papara na aso, ma kami mango tana auaumui. Igami ami tsogo nogo tania na veramami; kamu molopoigami i tana e tau tangomana ke kesa ke reigami.

Isaia 43:19

Kamu padapitua na omea vaolu sauba inau kau naua. !Eo, me tuturiga nogo na laba! ?Megua, laka amu tau vati reia moa? Au vangaraunogoa kesa na sautu ke liu tsapatugu tana kaomate, mi tana sauba kau molovanigamu na kô tatave.

Jeremia 33:14

“Eo, inau na Taovia au tsaria laka e maimai nogo na tagu, i tana inau sauba kau manalia na veke au naunogoa vanigira na toga tana Israel ma na Juda.

Tangitangi 4:20

Mara tangolia aia e tagaovigita dou sosongo, aia nogo na taovia tsapakae na Taovia God e vilinogoa, aia igita a norua laka ke dilagita tanigira sui ara ngaoa na bokiana na verada.