Isaia 32:1 - Ghari

¹ Kesa dani sauba ke totu kesa na taovia tsapakae aia ke tagaolaka, migira sui na tagaovera kara gini tagao na pedegoto.

Isaia 32:1 Referans Kwoze

Na Katemai 19:11

Mi muri, mau reia e ova na baragata, mi tana e totu kesa na ose sere. Ma na soana aia e sage i gotuna e vaga iani: A Tukakai ma Mana Saviliu; rongona tana pedemana nogo aia e pedeginigira na tinoni me gini sage tana vailabu.

Jeremia 33:15

Mi tana tagu nogo ia, sauba kau vilia ke kesa na kukuana laka nogo a David ke lia na taovia tsapakae. Ma na taovia tsapakae nogo ia, sauba ke naua moa na omea e dou me gotolaka i laona na kao popono.

2 Samuel 23:3

Aia na God ni Israel e goko nogo; maia segeni nogo niqira reitutugu igira na Israel e tsarivaniau: “Kalina kesa na taovia tsapakae e dona na gini tagao na pedegoto, me naua nina aqotagao tana kukuni tania God,

Na Katemai 17:14

Mi tugira sauba kara tu gini vailabugi kolua na Dalena Sipi. Maia na Dalena Sipi kolugira nina tinoni segeni, igira aia e viligira sui nogo, me kolugira goto igira ara muridoua nina goko, sauba kara sugutitugira na sangavulu na taovia tsapakae, rongona na Dalena Sipi aia nogo e Taovia Loki vanigira na taovia loki sui, me Taovia Tsapakae vanigira goto na taovia tsapakae sui.”

Roma 5:21

I sau na sasi e tagaovi kaputigira na tinoni me alomaia na mate vanigira, mi tana tagu eni nina galuve nogo God e tagao tana sasaga gotolaka, me alomaigita ka mauri saliu i konina na matena nina aqo a Iesu Kristo nida Taovia.

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Hosea 3:5

Me sauba ke labamai na tagu i tana igira na tinoni ni Israel kara pilovisutugua i konina na Taovia niqira God, mi konina kesa niqira taovia tsapakae aia na kukuana a David. Mi muri ti igira kara kukuni tania na Taovia, maia ke vangalaka vanigira tugua.

Esekiel 37:24

Me kesa na taovia tsapakae vaga nogo a David niqu maneaqo sauba ke lia niqira taovia tsapakae. Migira sui sauba kara totusai i vavana kesa moa na reitutugu, maia ke tagao dou vanigira, ma kara muri kalavatavigira niqu ketsa sui.

Isaia 28:6

Me sauba ke sasanigira na tinoni pede na vavanona na pedegoto, me ke malagaisigira igira ara reitutugugira na matsapakapuna na verabau, gana kara gini susuliga na utusiginiaqira na gala na sage bâ i laona.

Isaia 11:4

aia sauba ke pedegira na tinoni sekona lê tana pedegoto, me ke isutuguqira igira e tagara kesa ke sangagira. Me ke goko moa aia, migira na tinoni seko sauba kara gadovikede, migira na vanga tsutsukibo sauba kara mate.

Linge 99:4

Taovia Tsapakae Susuliga, igoe o reingaoa na omea e goto; migoe nogo o turuvaginia na pedegoto ma na pedelaka i laomami igami na Israel;

Linge 45:1

Na tsaqina na goko laka ara labadato tana papadaqu, kalina inau au tê gana linge na taovia tsapakae. Na lapiqu e vaga saikesa moa ti nina peni na mani mamare kesa na tinoni e dona sosongo na mamare.

Isaia 4:6

Me ke dila tania na paparana na dani, me ke totu raviravi dou tania na usa ma na legai.

Isaia 11:5

Eo, sauba aia ke tagaovigira nina tinoni tana pedegoto ma na manana laka.

Isaia 16:5

mi tana ti kesa na kukuana a David ke lia na taovia tsapakae, maia sauba ke tagaovigira na tinoni tana gotolaka ma na galuve. Aia sauba ke gini pede na pedegoto me ke tsaku na nauana na omea e goto laka.”

Jeremia 33:14

“Eo, inau na Taovia au tsaria laka e maimai nogo na tagu, i tana inau sauba kau manalia na veke au naunogoa vanigira na toga tana Israel ma na Juda.

Isaia 33:5

!Na Taovia aia segeni moa e loki tsapakae! Aia segeni moa e tagaovi kaputigira pipi na omea sui. Maia sauba ke dangaliginia na Jerusalem na pedegoto ma na sasaga gotolaka,