Isaia 26:8 - Ghari

⁸ Igami ami muria nimu kili, mami vataraginia nimami amesi i konimu; eo, igoe segeni moa igami ami kili sailaginigo.

Isaia 26:8 Referans Kwoze

Isaia 33:2

Migoe Taovia ko galuvegami. Igami ami norugo moa igoe. Ko reitutugugami na dani ma na dani, mo ko maurisigami tana tagu na rota.

Linge 65:6

Tana susuligamu nogo igoe o turuvaginigira na vungavunga tana sasaqira, mo saulabatiginia gamu mana loki sosongo.

Binaboli 3:15

Ko tsarivanigira na tinoni ni Israel laka inau, na Taovia niqira God igira na mumuaqira, ma tu niqira God a Abraham, ma Isaak ma Jakob, au mologo bâ vanigira. Iani nogo na asaqu na dani ma na dani; maia nogoria kara soaginiau vaga igira na vatavata sui kara botsamai i muri.

2 Tesalonika 3:5

Ami tu nongia na Taovia ke mataligamu, kamu gini padagadovidoua baa nina galuve God vanigamu, ma kamu gini tukakai tana susuligana nogo a Iesu Kristo.

Roma 8:25

Me ti vaga igita a amesia na reiana na omea a tau vati morosia moa, me sauba ka berengiti ma ka pipitua moa poi ke tsau kalina ka reilakana.

Aqoaqo 1:4

Mi kalina ara maisai sui i konina a Iesu, maia e molovanigira na ketsa iani: “Kamu laka na vanoligi taniana ieni Jerusalem. Kamu totu pitua na vangalaka au gini goko nogo vanigamu, aia nogoria na vangalaka na Tamaqu e vekenogoa vanigamu.

Isaia 56:1

Maia na Taovia e goko me tsarivaganana vanigira nina tinoni, “Kamu naua moa na omea e dou me gotolaka, rongona e varangi nogo kau mai inau ma kau laumaurisigamu.

Isaia 25:9

Mi kalina kara reia na omea sui kara laba vaga ia, me sauba na tinoni sui kara tsarivaganana iani, “!Aia saikesa nogo nida God manana igita! Aia nogo igita a vataragi kakai i konina, maia e tû me laumaurisigita. !Aia manana nogo na Taovia! Aia nogo igita a vataragi i konina, mi kalina ia igita a gini magemage me gini dou sosongo tobada rongona aia e maurisigita nogo.”

Isaia 12:4

Me maimai nogo na tagu i tana sauba kamu linge ma kamu tsaria, “!Soadoua na Taovia! !Kamu nongia ke sangagamu! !Ma kamu katevulagi vanigira na puku sui na omea aia e naugira! !Tsarivanigira gana loki tsapakae!

Linge Na Galuve 5:8

Igamu na daki ni Jerusalem, kamu veke vaniau laka ti vaga kamu tsodoa niqu udu me sauba kamu tsarivania laka au gini maluku sosongo na padangaoana.

Linge 106:3

Kara mage igira ara muridougira nina ketsa, mara madodo pipi kalina na nauana na omea e goto.

Linge 84:2

!Mau kili sosongolia kau ba totu i tana! E siloviau sosongo laka kau ba totu i laona nina Vale Tabu na Taovia. Tana tobaqu popono inau au linge tana magemage vania aia na God mamauri.

Linge 73:25

?Masei goto kau norua i baragata ti ke tagara igoe? ?Me ti kau totu kolugo nogo igoe, ma nagua goto kau reingaoa tana barangengo?

Linge 18:23

Maia e donagininogoa laka inau au tau tsukia sa sasi, mau parovatavi segeniqu kau tau naua sa omea e seko.

2 Samuel 23:5

Maia saikesa nogo ke vaga kalina God ke tabugira na kukuaqu, rongona aia e naua kesa na taso saliu koluau, na vekesai e utu saikesa goto ke tavota, ma na veke ia e utu goto ke oli. Aia moa e vaga na omea au kilia inau; maia nogo ke lia niqu tangomana, maia God sauba manana nomoa ke naua me ke laba vaga ia.

Tsoko Tinoni 36:13

Igirani nogo na vovorona na ketsa ma na vali aia na Taovia e tusuvanigira na toga ni Israel me liu konina a Moses tana poiatsa ni Moab tabana bâ na Kô Jordan, gana ngongo savu i Jeriko.

Luka 1:6

Mi kaira e dou sosongo ka niqira sasaga i matana God, mara ka muridou saikesaligira pipi sui na vovorona nina ketsa ma nina vali na Taovia.

Malaki 4:4

“Kamu padatugugira na sasani a Moses niqu maneaqo e sasaniginigamu, migira na ketsa ma na vali inau au sauvania tana Vungavunga Sinai vanigira na toga sui tana Israel kara murigira.

Mika 7:7

Minau sauba kau vataragi moa konina na Taovia. Ma kau norua laka aia ke maurisiau. Ma niqu God sauba nomoa ke rongomia niqu nonginongi.

Isaia 30:18

Me atsa moa e vaga, maia na Taovia e pipitu moa gana ke galuvegamu. E vangaraua ke gaegamu rongona aia e dona na nau sailaginiana moa na omea e gotolaka. Eo, kara mage igira ara norukakaia na Taovia.

Linge 130:5

Au pitu sosongolia na Taovia ke sangaau, mau norukakaia moa nina tsaqina goko.

Isaia 24:15

migira ara totu i longa sauba kara tsonikaea. Migira goto ara totu i tasi taligu sauba kara tsonikaea na Taovia na God ni Israel.

Isaia 25:1

Taovia igoe nogo niqu God; minau sauba kau soadatogo ma kau tsonikaea na asamu tabu. Igoe o naugira danga na omea ganataga loki; mo manaligira saikesa pipi sui na omea igoe o vangaraua na nauaqira i sau.

Isaia 26:13

Taovia nimami God, igira na tinoni tavosi ara tagaovi kaputigami, migoe segenimu moa nimami God igami.

Isaia 49:23

Migira na taovia tsapakae kara lia vaga na tamaga vanigamu; migira na daki taovia sauba kara vaga na tinaga. Igira sauba kara tsuporu tsuna i matamui ma kara padalokigamu ma kara kukuni tanigamu. Mi tana ti sauba igamu kamu donaginia laka inau nogo na Taovia, me laka e tagara goto ke kesa aia e noruau ke qisi lê na pituana niqu sasanga.”

Isaia 51:4

“Kamu rongomiau inau igamu niqu tinoni, kamu rongomidoua na omea inau au tsaria: Inau sauba kau sasaniginigira na tinoni sui niqu ketsa, ma niqu pede gotolaka sauba ke mararasigira na tinoni pipi sui tana vera.

Mika 4:5

Pipi tatasa na puku ara samasama vania mara rongomangana nina god segeni nogo, migita na tinoni ni Israel, sauba ka samasama ma ka rongomangana moa na Taovia nida God na dani ma na dani.

Linge 42:2

Au marou tana rongomu igoe na God na mauri. ?Sauba kengisa nomoa ti kau bâ ma kau reilakana na matamu?