Isaia 26:7 - Ghari

⁷ Taovia, igoe nogo o gotolia na sautu vanigira na tinoni dou, mara gini liu tana sautu atsa dou.

Isaia 26:7 Referans Kwoze

Epesus 2:10

God nogo e aqosigita, mi laona nida mauripata igita koluana a Iesu Kristo, aia e ngaoa ka naua na aqo galuve vaga aia e vangarau manogatinogoa vanigita na nauana.

1 Ioane 3:7

!Dalequ, kamu laka saikesa goto na tamivaniana kesa tinoni ke peroigamu lee! Asei e naua na omea e goto, maia e gotolaka saviliu nogo, vaga a Iesu Kristo aia e gotolaka saviliu.

2 Korint 1:12

E kesa na omea ami gini kaekae, me male saikesa i laona na tobamami laka e mana, aia nogoria laka tana nimami aqo sui, me putsi baa nimami aqo i laomui igamu, igami ami nauginia na tobagoto laka ma na goko mana, tau tana sasagamami segeni igami na tinoni lee, mi tana susuligana moa nina vangalaka God.

Isaia 42:16

“Inau sauba kau idagana sautu vanigira niqu tinoni koko tana sautu i tana igira ara tau vati liu bâ. Ma kau naua me ke marara na mataqira ma kara tau goto liu tana rodo, ma kau sarasia na kao vatuvatuga me ke gini atsa na sautu vanigira. Igirani nogo na omea au vekea vanigamu inau laka kau naua, me utu goto kau tau manaligira.

1 Ioane 3:10

Tana omea iani nogo e vota makalidoua niqira aqo igira na dalena God, ma niqira aqo igira na dalena na tidao seko: laka asei ti vaga e tau naua na omea e goto me tau goto dona na vaigaluvegi koluaqira na kulana, aia e tau na dalena God.

Goko Tabana 20:7

E dou manana vanigira na baka kalina ti vaga e gotolaka nina sasaga na tamaqira me naua moa na omea e dou.

Linge 11:7

Na Taovia aia e gotolaka me reingaoa na omea e dou me goto; migira ara naudou vaganana ia sauba kara totu sailagi i matana aia.

1 Korint 4:5

Me vaga ia, migamu goto igamu kamu laka na pede vaniana nina sasaga ke kesa, poi ke tsaumai tana dani na pede. Ma na Dani na Pede Loki e utu ke mavi ke laba, poi tsau kalina na Taovia ke visumai. Maia sauba ke adilabatigira tana marara pipi sui na omea ara totu popoi tana rodo. Me ke adidatogira i malena pipi niqira papada na tinoni ara totu popoi i tobaqira. Mi tana, sauba pipi tinoni tatasa ke adia i konina God na peluna nina aqo vaga e ulagana.

Isaia 35:8

Me sauba ke totu kesa na sautu loki i tana, ma kara soaginia “Nina Sautu Tabu God.” Me sauba ke tagara goto sa tinoni sasi ke liu bâ i tana; se sa bule tangomana ke raqa sasiligira igira ara muria na sautu ia.

Linge 1:6

Na Taovia aia e mataligira me reitutugugira igira e gotolaka niqira sasaga, migira na tinoni seko ara muria moa na sautu e kalea na mate saliu.

Nina Papi A Job 31:6

Me ti vaga God ke tovoginiau na omea na tovomamava manana, me sauba nomoa ke reiginia laka inau au tau tsukia sa sasi.

1 Turupatu Dato 29:17

Inau au dona laka igoe o tovolea na tobaqira pipi sui na tinoni, mo reingaogira moa igira e gotolaka niqira sasaga. Mi tana niqu gotolaka inau au gini mage na sauana na omea sui girani vanigo, mau reigotoa laka igira nimu tinoni ara saimai ieni ara gini mage sosongo goto na sauvaniamu niqira vangalaka.

Sepania 3:5

Ma na Taovia e totu kalavata nomoa i laona na verabau ia, me naua moa na omea e gotolaka, me tau goto dona ke naua sa omea e seko. Me pipi tana matsaraka aia e tau goto kuti na sauana na pedegoto vanigira nina tinoni. Me atsa moa ti na Taovia e nauvaganana ia, migira na tinoni tabaruga ni tana ara totu matengana moa na nauana na omea e seko, mara tau lelê goto dona na gini vangamâ.

Linge 11:4

Ma na Taovia aia e totu rago i laona nina valetabu; me tamanina nina sasana na totu i baragata. E morosigira na tinoni pipi tana nauna sui me donaginia na omea sui igira ara naua.

Linge 25:4

Taovia ko sasaniau nimu sautu, mo ko saulabatigira vaniau.

Linge 25:5

Ko sasaniau ma kau gini dona na mauri muriana nimu sautu mana, rongona igoe nogo niqu God, mo vagamaurisiau. Minau au norugo sailagi.

Linge 27:11

Ko sasaniau Taovia, ma kau donaginia na omea vaga igoe o ngaoa kau naua, mo ko idagana vaniau bâ tana sautu atsa dou, rongona ara danga sosongo gaqu gala.

Goko Tabana 4:18

Na sautu ara muria igira e gotolaka niqira sasaga e vaga nina dato na aso, e marara babâ poi tsau kalina e marara male.

Isaia 52:12

Mi kalina ia, migamu sauba e utu kamu tu tsogotsogo; me tau goto kilia kamu liu popoi, rongona aia nogo na Taovia nimui God sauba ke idagana sautu vanigamu, me ke reitutugugamu tana pipi sui tabana.

Isaia 57:2

Migira e gotolaka niqira sasaga tana mauriqira ara tsodoa na rago ma na mango tana mate.

Jeremia 10:23

Taovia, inau au donagininogoa laka e tagara kesa tinoni ke taovia vanisegenia, me ke tagaovia na vavanona na maurina segeni.

Hosea 14:9

Asei ti vaga ke sasaga, maia sauba ke padagadovia na omea ara totu tana papi iani, me ke puku kalavatavia i tobana. Nina omeomea na Taovia ara gotolaka sui, migira na tinoni e gotolaka niqira sasaga ara mauri murigira. Migira moa na tinoni sasi ara tubulagi mara puka rongona ara tau nogo gini boeginigira.

Linge 5:9

Nagua sui moa ti kara tsaria igira gaqu gala me utu saikesa vaniau kau tutunina; igira ara kilia moa na raqasasili tinoni. Na mangaqira e gini mabulu na pero, me dangaligira na tabatu na mate.

Goko Tabana 3:6

Ko padatugua na Taovia pipi tana omea igoe o naua, me sauba aia ke tusuvanigo na sautu goto tana ko liu bâ.

Goko Tabana 11:5

Nina sasaga gotolaka kesa tinoni dou e sangâ na liu dou tana sautu goto, ma na tinoni vanga tsutsukibo e alomai segenia gana matemate.

Goko Tabana 21:8

Na tinoni sasi e liu tana sautu kekevo; ma na tinoni tsalapo e naua na omea e goto.

Isaia 30:18

Me atsa moa e vaga, maia na Taovia e pipitu moa gana ke galuvegamu. E vangaraua ke gaegamu rongona aia e dona na nau sailaginiana moa na omea e gotolaka. Eo, kara mage igira ara norukakaia na Taovia.